Eusko Legebiltzarrak ez du izapidetuko gutxieneko pentsioa Lanbidearteko Gutxieneko Soldatarekin berdintzea eskatzen duen herri-ekimena
Eusko Jaurlaritzaren jarreraren arrazoi nagusietako bat da pentsioak jasotzen dituztenentzako babesa dagoeneko integratuta dagoela egungo sisteman. Ekimenak 145.000 sinadura baino gehiagoren babesa du.
Hainbat pentsionista, sinadurak batzen. Argazkia: Europa Press
Eusko Legebiltzarrak ez du izapidetuko gutxieneko pentsioak Lanbidearteko Gutxieneko Soldatarekin (LGS) parekatzea eskatzen duen Legegintzarako herri-ekimena. Ekimenak 145.000 sinadura baino gehiagoren babesa du.
Hala jakinarazi du Eusko Jaurlaritzaren Kontseiluak astearte honetan. Adierazi duenez, ez omen da beharrezkoa, “Gizarteratzeko eta Diru Sarrerak Bermatzeko Euskal Sistemaren koherentziaren aurkakoa” omen da.
Eusko Jaurlaritzaren jarreraren arrazoi nagusietako bat da pentsioak jasotzen dituztenentzako babesa dagoeneko integratuta omen dagoela egungo sisteman.
Jarrera horrekin, Eusko Legebiltzarrak baztertu egingo du ekimena aintzat hartzea eta izapidetzea, Jaurlaritza sostengatzen duten taldeek, EAJk eta PSE-EEk, gehiengo nahikoa baitute erabaki hori Legebiltzarrean babesteko.
Legegintzarako herri-ekimenak pentsioak osatzeko euskal sistema sortzea eskatzen du, Euskadin bizi diren eta erroldatuta dauden 60 urtetik gorako pentsiodun guztiek gutxieneko diru-sarrerak eta LGSa erabat pareka daitezen bermatzeko. 2025ean, ezarritako gutxieneko soldata 1.184 euro gordinekoa da, 14 ordainsaritan banatuta.
Jaurlaritzaren ustez, herri-ekimena ez dator bat indarrean dagoen araudiarekin, ezta gizarte-babeseko euskal ereduaren iraunkortasun-, ekitate- eta koherentzia-printzipioekin ere, eta proposamenak ez ditu betetzen Eusko Legebiltzarraren Erregelamenduan aurrekontu-kredituak handitzea dakarten ekimenei buruz ezarritako baldintzak.
EH Bilduren ustez, Eusko Jaurlaritzaren irizpidea "akats larria" da, eta herri-ekimena babestu duten pertsona guztiak "mespretxatzen" ditu. Era berean, adierazi du urte politikoari ekin diola "hainbeste aipatzen den gobernantza kooperatibo eta parte-hartzailearen ereduari kontra eginda".
Bestalde, ELA sindikatuak "adarjotzetzat" jo ditu Eusko Jaurlaritzak proposamena atzera botatzeko dituen arrazoiak, besteak beste, egungo Diru-sarrerak Bermatzeko Euskal Sistemaren aurrean "beharrezkoa ez" dela dioena. Gainera, adierazi du ekimenak gizonen eta emakumeen arteko pentsio-arrakala murriztuko lukeela.
Zure interesekoa izan daiteke
Euskal gehiengo sindikalak martxoaren 17ko greba orokorra erregistratuko du bihar
ELAk, LABek, Steilasek, ESK-k, Etxaldek eta Hiruk lanbide arteko 1.500 euroko gutxieneko soldata proposatu dute 2026rako. EAEko eta Nafarroako parlamentuek ezarri beharko lukete.
Arrantzaleen kofradiek jarduna etengo dute astelehen honetan, EBren araudi berriaren aurka protesta egiteko
Kofradiek ez dituzte kontrol neurri berriak begi onez ikusi, besteak beste, betebehar polemikoak inposatzen dizkietelako, hala nola porturatzeko abisua lau ordu lehenago eman behar izatea eta harrapaketen erregistroa "zero kilotik aurrera" egin behar izatea. Eskakizun horiek, sektorearen arabera, ez datoz bat baxurako arrantzaren eguneroko errealitatearekin.
Ordena berriaren urtea: euskal ekonomia, Trumpen muga-zergek baldintzatuta
Bilboko Portuan, AEBrekiko merkataritza-jarduera bikoiztu egin da, gas inportazioei esker. Hala ere, EAEtik AEBra egindako esportazioak % 11 murriztu dira, eta inportazioak % 4,5. Adituek premiazkotzat jo dute Europako araudia egokitzea.
EBk eta Mercosurrek merkataritza akordio historikoa sinatu dute, Lula faltan zela
Bi eskualdeek ia 26 urteko negoziazio aldia amaitu dute, akordioa adostu eta harremanetarako esparru berri bat ezarrita. Europako nekazariak eta EBko dozena erdi bat estatu akordioaren kontra daudenez, ituna berresteko prozesua gogorra izango da, aurreikuspenen arabera.
Getariako Txakolinak uzta berriaren 3,3 milioi botila merkaturatuko ditu
Jatorri Deituraren arabera, 2025eko uzta "kalitate onekoa" da, eta, kantitatez, 2024koaren "parekoa ia". 31 upategi daude deituraren baitan, eta guztira 479 hektarea dituzte landatuta, aurreko urtean baino 21 gehiago.
Enbalatze lerroa saltzea eta paperaren sektorean enplegu erregulazioko espediente bat ezartzea aztertzen ari da Papresa
Balizko erosleak, CL Grupo Industrial talde extremadurarrak, kartoizko plantan soilik du interesa, "paper salmentak izugarri jaitsi direlako". Enbalatzeek, ostera, online salmentei esker, errentagarritasun handia dutela argudiatu dute.
Nola eragingo dio EB-Mercosur merkataritza akordioak gure ekonomiari?
Haragi ekoizleen ustez, EB-Mercosur merkataritza akordioak lehia desleiala ekarriko du. Ardo eta olio ekoizleek, berriz, esportazioak handitzea espero dute. Batzuentzat aukera dena nekazaritza eta abeltzaintza sektorean mehatxua da; hori dela eta, ez dute baztertzen protestei eustea.
EBk eta Mercosurrek merkataritza akordio historikoa sinatuko dute gaur, baina akordioa berresteko prozesua gogorra izango da
Munduko merkataritza libreko eremu handienetako bat sortuko da, 700 milioi pertsonari eragingo diena.
Garai latzak bizi dituzte merkatu plazek
Herri askotako merkatu plazak erdi hutsik daude; postuetako askok pertsiana bota behar izan dute. Durangon eta Laudion, esate baterako, hainbat postu botatzen dituzte faltan. Erosketa saskia betetzeko ohiturak aldatu dira eta, gaur egun, zaila da hiriburuetan ez dauden merkatuak bezeroz lepo ikustea.
Elgoibarko Merkatu Plazak ateak itxi ditu
Amaia Mendikuteren fruta-dendak soilik eutsi dio zabalik azken egunera arte. Hunkituta eta eskertuta esan dio agur lantoki izan duen postuari. Orain, osasun-zentro berria eraikiko dute espazio horretan.