Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Pentsiodunen mobilizazioa. Argazkia: EFE
ELA, LAB, ESK, Steilas, Hiru eta Etxalde sindikatuek hilaren 20an Euskal Herriko Pentsiodunen Mugimenduarekin mobilizatzeko deia egin dute, EAJri eta PSE-EEri euren jarrera "zuzentzeko" eta Herri Ekimen Legegilea tramita dezatela eskatzeko.
Eusko Jaurlaritzak dagoeneko adierazi du ekimen horren aurka dagoela, 145.000 sinadura baino gehiagoren babesa lortu zuen arren, "ez delako beharrezkoa eta egungo Diru-sarrerak Bermatzeko eta Gizarteratzeko Euskal Sistemaren koherentziaren aurka dagoelako".
Jarrera horrekin, Eusko Legebiltzarrak ziurtasun osoz arbuiatuko du ekimena aintzat hartzea eta izapidetzea, Jaurlaritza sostengatzen duten taldeek, EAJk eta PSE-EEk, gehiengo nahikoa baitute Legebiltzarrean neurria atzera botatzeko.
Protesta gisa, Euskal Herriko Pentsiodunen Mugimenduak manifestazioak deitu ditu Donostian, Bilbon eta Gasteizen hilaren 20an, eta mobilizazio bat Gasteizen 25ean.
Mitxel Lakuntza eta Garbiñe Aranburu ELAko eta LABeko idazkari nagusiek, ESK, Steilas, Etxalde eta Hiruko ordezkariekin batera, mobilizazioen alde egin dute astelehen honetan, Jaurlaritzaren jarrera "bidegabea" dela iritzita, eta EAJri eta PSE-EEri jarrera "zuzentzeko" eskatu diete.
Lakuntzak adierazi duenez , Eusko Jaurlaritzak Herri Ekimen Legegileari buruz egindako txostena "ez da juridikoa", "politikoa" baizik, eta Jaurlaritzari leporatu dio agerian utzi duela "ez dagoela bere agendan" baldintza ekonomiko txarrenak dituzten pentsiodunen egoerari irtenbidea ematea, horretarako "aitzakiak" diren argudioak erabiliz.
Eman dituzten datuen arabera, gaur egun 90.000 pentsiodun daude EAEn, gehienak emakumeak ( % 70), eta diru-sarrerak gutxieneko soldatatik beherakoak dira. Horietatik 15.000 inguruk Diru-sarrerak Bermatzeko Errentaren (DBE) bidez jasotzen dute pentsioaren osagarri bat; beraz, "% 83 Eusko Jaurlaritzaren babesetik kanpo geratzen da", salatu du Lakuntzak.
Ildo beretik, Garbiñe Aranburuk "oso larri" jo du Eusko Legebiltzarrean gai horri buruzko eztabaida ukatzea, eta ohartarazi du ez dutela ontzat emango ekimena "eztabaidatzea ez den beste aukerarik".
Ekonomiari buruzko albiste gehiago
Jauregi sailburua Ministerioarekin bilduko da astearte honetan Euskadiko inbertsio elektrikoa aztertzeko
Joan Groizard Energiaren Estatu idazkariarekin batzartuko da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.
Zuhurtzia eta itxaropena Balenciaga ontziolaren erosketaren aurrean
Zumaiako ontziola itxieratik salbatzear egon liteke Arabiar Emirerri Batuetako talde batek erosteko interesa agertu ostean. Albiste horren aurrean, Enpresa Batzordea eta Eusko Jaurlaritzako Industria sailburua baikor agertu dira. Hala ere, tentuz ibiltzeko eskatu dute, erosketa oraindik ez baitago itxita. Zumaian ere poza eta esperantza zabaldu ditu berriak.
Epaileak Balenciaga ontziola erosteko baimena eman die Abu Dhabi Ports eta Premier Marine enpresei
Eragiketa gauzatzen bada, 2024tik indarrean dagoen hartzekodunen konkurtsoari amaiera eman ahal izango dio Zumaiako enpresak.
Gasteizko lorezainen greba "ahalik eta lasterren" amaitzea espero du Etxebarriak
Maider Etxebarria Gasteizko alkatea "baikor" agertu da lorezainen grebaren amaieraren inguruan, "ahalik eta lasterren" amaitzea espero baitu.
Euskadira iritsiko den zenbatekoa jakin zain, Eusko Jaurlaritzak txalotu egin du elektrifikazioan aurreikusitako inbertsioa
Mikel Jauregi Industria sailburua pozik agertu da Rajoyren garaian ezarritako inbertsio-mugak ezabatzeko formulak aurkitu dituelako Espainiako Gobernuak, eta, aldi berean, positibotzat jo du inbertsio-hazkundea neurri handi batean industriari zuzenduta egotea. Datorren astean aldebiko bilera bat egingo dute bi administrazioek, proposamenaren xehetasunak zehazteko.
Espainiako Gobernuak 13.590 milioiko inbertsioa proposatu du sare elektrikoan 2030era arte, % 65 gehiago
Proposamenaren arabera, 14 aldiz handiagoa izango da kontsumitzaile berrientzako garraio-sarerako sarbidea, 27,7 gigawattera arte (GW), eta garrantzi berezia izango dute industriak (9 GW), hidrogeno berdeak (13,1 GW) eta datu-zentroek (3,8 GW). Sorreran, 150 GW fotovoltaiko, 60 GW eoliko eta 100 GW biltegiratze baino gehiagoko eskaerak erregistratu dira.
Gasteizko lorazainek 5.000 sinadura aurkeztu dituzte gatazka konpontzeko bidean Udalaren "benetako inplikazioa" eskatzeko
Martxotik greban dauden Enviser enpresako enpresa batzordeak 5.098 sinadura eraman ditu gaur San Martingo udal bulegoetara. Gasteizko Udalaren inplikazio handiagoa eskatu dute langileek, eta herritarrengandik jaso duten babesa eskertu dute.
KPIa hamarren bat hazi da Euskadin, % 2,8raino, eta bi hamarren jaitsi Nafarroan, % 2,5eraino
Urte arteko tasan, ordea, bi hamarren jaitsi da prezioen indize orokorra Euskadin abuztuan.