CAF enpresak Israelen okupazio politikei etekina ateratzen diela jaso du NBEk
Zerrenda ostiral honetan eguneratu da, eta guztira 158 enpresa zerrendatu ditu. CAF 38. postuan dago.
Nazio Batuen Erakundeak CAF enpresa Israelek Palestinan egindako krimenen onura jasotzen duten konpainien artean sartu du. Zerrenda ostiral honetan eguneratu da, eta guztira 158 enpresa sartu ditu zerrendan. CAF 38. postuan dago.
Giza Eskubideen Goi Komisionatuaren arabera, euskal konpainiak legez kanpoko kolonoguneak eta horien azpiegiturak (garraio-sistemak barne) eraiki eta handitzeko ekipamenduak eta materialak hornitzen laguntzen du. CAF Jerusalem ekialdean Israelek bultzatutako legez kanpoko asentamenduak lotzen dituen tren arin bat eraikitzen ari da.
2023an argitaratu zen zerrendan 97 enpresa zeuden. Horietatik 7 zerrendatik atera dira, baina orain 158 dira guztira. Enpresa gehienak israeldarrak dira (138), baina AEBko sei enpresa, Frantziako bi eta Erresuma Batuko beste bi ageri dira horien artean. CAFez gain, Espainiako hiru enpresa ageri dira bertan: Actividades de Construccion y Servicios (ACS) eta haren filiala den Sociedad Española de Montajes Industriales (SEMI) eta Ingenieria y Economia del Transporte (Ineco). Portugal, Kanada, Alemania, Txina, Luxenburgo eta Herbehereetako konpainiak ere ageri dira txosten horretan.
Zerrendan nabarmentzen diren beste enpresa batzuk hauek dira: Expedia, Airbnb, Booking eta Motorola estatubatuarrak, Egis ingeniaritza enpresa frantziarra eta JCB eta Greenkote britainiarrak.
Zerrendan agertzeak ez dakar zigorrik, informatiboa baita. Hala ere, NBEk txostenean agertzen diren enpresei eskatu die "neurri egokiak har ditzatela beren jarduerek giza eskubideetan duten eragin kaltegarriari aurre egiteko". Halaber, zerrendan enpresak dituzten herrialdeak neurriak hartzera bultzatu ditu.
Volker Türk Goi komisarioaren arabera, zerrendak argi uzten du beharrezkoa dela erantzukizunak hartzea eta behar bezalako ardura betetzea gatazka-inguruetan jarduteko orduan, "jarduerek giza eskubideen abusuak eragiten ez dituztela bermatzeko".
"Bitarteko judizial, administratibo, legegile edo bestelakoekin bermatu behar dute, beren lurraldean edo jurisdikziopean enpresa-jarduerekin lotutako giza eskubideen urraketak gertatzen direnean, eragindako pertsonek benetako konponbideak eskura izatea", nabarmendu du.
Zure interesekoa izan daiteke
Astearte honetan hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 pertsona inguruk egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea 'Rentafacil' izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.
EBk telelana sustatzea, abiadura mugak murriztea eta hegazkinez bidaiatzea saihestea proposatu du, erregaia aurrezteko
Dan Jorgensen Energia komisarioak azpimarratu du arreta berezia jarri behar dela garraio sektorean, eta jardunbide onen dekalogo bat proposatu du, energia krisiari aurre egiteko. Esan duenez, Ekialde Hurbileko gatazkaren ondorioek luze joko dute.