Mugikortasun Sailak 581,7 milioi izango ditu "trenbidea garraiobide gisa bultzatzeko"
Trenbide-azpiegiturak eraiki eta hobetzeko erabiliko da inbertsioaren zati handi bat. Era berean, Bat, Barik eta Mugi txartelen interoperabilitatea burutu nahi da, eta 12 urtera arteko garraioaren doakotasuna egiturazkotzat ezarri.
Susana Garcia Chueca sailburuak aurrekontuak aurkeztu ditu Legebiltzarrean. Argazkia: Irekia.
Eusko Jaurlaritzako Mugikortasun Jasangarriaren sailaren 2026ko aurrekontuaren zatirik handiena trenbide-zerbitzuak eta azpiegiturak eraiki eta hobetzeak hartzen dute, "trena herritarren garraio-modu gisa bultzatzeko" helburuarekin.
Susana García Chueca sailburuak datorren urteko kontuak zehaztu ditu Eusko Legebiltzarrean. Guztira, 581,7 milioi euro izango dira, eta % 2,5eko igoera izango du aurreko ekitaldikoaren aldean.
Sailburuak nabarmendu duenez, kontuek "lurralde eta gizarte mailan egituratzeko" helburua dute. Hala, trenbide- eta tranbia-sarea zabaldu, lehendik dauden azpiegiturak hobetu eta mantendu, eta mugikortasun jasangarria eta garraio publikoaren erabilera sustatuko dira, herritar guztiei sarbidea bermatzen dieten ekimenak garatuz.
Alde batetik, Garraio Azpiegituren Zuzendaritzak 259,5 milioi euro izango ditu egiten ari diren azpiegiturak gauzatzen jarraitzeko, berriak planifikatzeko eta lehendik daudenak mantendu eta hobetzeko, Euskal Trenbide Sarea erakunde publikoaren bidez.
Lehentasunen artean, sailburuak aipatu ditu Bilboko metropoli-trenbidearen 5. lineako obrak, Bilboko tranbiaren geltoki berri bat eraikitzea Los Cañosen, Gasteizko tranbia Zabalgana auzora luzatzeko obren hasiera eta Donostiako topoaren lurpeko pasabidea amaitu eta martxan jartzea.
Halaber, mugikortasun jasangarrirako etorkizuneko azpiegitura-proiektuen garapena eta daudenak berritzeko eta mantentzeko lanak egitea ere jasotzen du aurrekontu proiektuak.
Bestalde, Mugikortasun Iraunkorrerako Estrategia Zuzendaritzak 250,4 milioi euro izango ditu, besteak beste, "trena eta tranbia bultzatzeko".
Ildo horretatik, 130 milioi Euskotrenek Euskadiko sare propioan eskaintzen duen zerbitzura bideratuko dira, eta 92,8 milioi euro berriki transferitu eta Renfek operatutako aldirietako zerbitzura. Azken horietatik 3,4 milioi Arabako Lautadako aldirietako zerbitzua garatzera bideratuko dira.
Garcia Chuecak azpimarratu du 'Mugikortasun Jasangarriaren Plana' ren "erronka handietako bat" tarifen integrazioa bultzatzea dela. Bere hitzetan, "eredu bateratua" dute helburu, baina "lurralde historikoen araberako berezitasunekin" eta garraio publikoa "gehien erabiltzen dutenak deskontu gehiagorekin sarituko dituena".
Nabarmendu duen beste puntu bat hobariena da. 9,1 milioi bideratuko direla zeregin horretara eta, besteak beste, 12 urtera artekoek garraio publikoa doan izatea egiturazkoa izango da.
Zure interesekoa izan daiteke
Ramiro Gonzalez: "Ahal dugun guztia egingo dugu Tubos Reunidosen egoera konpontzeko"
Ramiro Gonzalez Arabako ahaldun nagusiak esan du Aldundia "erabat inplikatuta" dagoela Tubos Reunidosen egoeraren konponbidean, eta azaldu du SEPIri eskatu diola zorraren berregituraketan inplikatzeko eta parte hartzeko.
Foru aldundiek 20.324 milioi euro bildu zituzten iaz, urrian aurreikusitakoa baino 231 milioi gehiago
PFEZa aurreko urteetako batez bestekoaren gainetik hazi da (+% 14,2), baina Sozietateen gaineko Zergak % 17,3ko jaitsiera izan du.
93 langile finko egingo ditu Nafarroako Volkswagenek, eta lan-erregulazioko espedientea baztertu du
Zuzendaritzak akordioa sinatu du UGTrekin eta CCOOrekin 2026ko produkzio-programa betetzeko. Aurten 262.217 ibilgailu egingo dituztela aurreikusten dute.
Tubos Reunidoseko langileen batzordeak iragarri du lanuzte gehiago egingo dituztela otsail eta martxoan
Enpresak proposatutako negoziazio mahaiekin bat egingo dute lanuzteek: otsailaren 17an, 23an eta 26an eta martxoaren 4an eta 9an. Oraingoan, Trapagarango lantegiak ere bat egingo du mobilizazioekin.
Israeli altzairua saldu diola eta Sidenorren egindako erregistroa baliogabetzea eskatu du Fiskaltzak
Fiskaltzak Auzitegi Nazionaleko magistratuaren ikerketaren norabidea kritikatu du, gizateriaren aurkako delituak Ministerio Fiskalak edo "tratu bidegabea" jaso duen norbaitek salatuta baino ezin dira jazarri, eta uste du elkarte salatzaileak ez duela baldintza hori betetzen (herri-akusazioa da, eta ez partikularra). Hortik ondorioztatzen da, Fiskalaren ustez, "egindako guztia erabat deuseza da, genozidio, gizateriaren aurkako eta gatazka armatuaren kasuan babestutako pertsonen eta ondasunen aurkako delitu horri dagokionez", eta ikerketa kontrabando-delitura mugatu beharko litzatekeela iritzi dio.
Espainiako Gobernuak Tubos Reunidosen egoera onbideratzeko irtenbideak bilatzeko prest dagoela adierazi du
Kongresuan egindako adierazpenetan, Carlos Cuerpo Ekonomia ministroak adierazi du Gobernuak "eskua luzatuta" duela sektore estrategikoetako enpresen bideragarritasuna bultzatzeko neurriak bilatzeko. EH Bilduk egindako galdera bati erantzunez, ministroak esan du aurretik ere laguntzak jaso izan dituela enpresak: "112 milioi euro kaudimenari laguntzeko funtsaren bidez, 20 milioi euro baino gehiago zortzi finantza-erakundek emanak, ICO abalen lerroari esker, eta ia 10 milioiko laguntzak, industria elektrointentsiboa izateagatik".
Israeli altzairua saltzeagatik Sidenorren gainean zabaldutako ikerketatik banandutako pieza baten sekretua kendu dute
Espainiako Polizia Nazionala Sidenorrek Basaurin duen egoitzara sartu eta hurrengo egunean eman da ebazpen judiziala.
Argindar-konpainien bezeroak babesteko neurri-sorta onartu du Espainiako Gobernuak, tartean dei komertzialak debekatzea
Trantsizio Ekologikorako eta Erronka Demografikorako Ministerioak bultzatutako dekretu berriaren arabera, elektrodependente eta zaurgarriei ezingo zaie argindarra eten ordaintzen ez badute ere, eta kontratuak eteteagatik ez da, oro har, zigorrik ezarriko. Halaber, aurreikusten da enpresei zigorrak ezartzea, arauak hautsiz gero.
Ramiro Gonzalez: "Lehen urratsa, zalantzarik gabe, zorra berregituratzea da, eta hor funtsezko zeregina du SEPIk"
Ramiro Gonzalez Arabako ahaldun nagusiak adierazi duenez, Tubos Reunidosen jarraipenak hartzekodunen inplikazio aktiboa eskatzen du, batez ere Estatuko Industria Partaidetzarako Sozietatearena (SEPI). "Enpresak ia bost milioi euro erretzen ditu hilean", nabarmendu du.
Tubos Reunidosen bideragarritasuna bermatzeko "zorra berregituratzea beharrezkoa da", Bengoetxearen aburuz
Euskadi Irratiko "Faktoria" irratsaioan egindako elkarrizketan, Ibone Bengoetxea Eusko Jaurlaritzako lehendakariordeak eta Kultura eta Hizkuntza Politika sailburuak adierazi duenez, zorra berregituratzen Jaurlaritza "bidelagun" izango da.