ELAk ez du ontzat eman Madrilen lortutako akordioa eta EAEko langileen baldintzak "hemen erabakitzea" eskatu du
Sindikatuak Gasteizko legebiltzarkideei eskatu die zerbitzu publikoen alde egin dezatela, aurrekontuetako partidak handituz eta langile publikoen lan-baldintzak hemen erabakitzako urratsak emanez.
ELA sindikatuak manifestazioa egin du, goizean, Eusko Legebiltzarraren atarian, EAEko langile publikoen lan-baldintzak "hemen" eta ez Madrilen erabaki daitezela aldarrikatzeko. Ez dute ontzat eman Espainiako Gobernuak eta Estatuan gehiengoa duten sindikatuek soldata publikoen inguruan atzo itxitako akordioa; datozen lau urteotan (2025-2028) lan-sariak % 11 igotzea adostu zuten, eta Eusko Jaurlaritzak dagoeneko esan du kopuru hori hartuko duela aintzat.
Igor Izagirre ELAren Gizalan zerbitzu publikoen federazioaren idazkari nagusiak salatu duenez, "Eusko Jaurlaritzak, berriro ere, 115.000 langile publikoren lan-baldintzak Madrilen esku utzi nahi ditu", euskal sindikatuei bizkarra emanez. "Legebiltzarkideek ez dute onartu behar Madrilen euskal langileen ordezkaritzaren gehiengoa duten sindikatuen bizkar adostu duten soldata igoera", erantsi du.
ELAren arabera, "beste behin ere, erosahalmenaren galera eta KPIrekiko inolako loturarik ez duten akordioa balioetsi dute: 2022-2025eko erosahalmenaren galera %8,6koa izan den arren, adostutakoa %2,5koa izan da. Eta 2026rako, berriz, % 1,5 adostu da, gaur-gaurkoz KPI %3,1ekoa denean".
Halaber, beste salaketa batzuk egiteko ere baliatu dute protesta: batetik, gaitzetsi dute Jaurlaritzako langileen % 42k behin-behineko kontratua duela, eta, bestetik, lan-kargek, ordezkapen faltak eta gehiegizko burokratizazioak langileen osasunean ondorio larriak dituztela azaldu dute.
Horrekin batera, euskarak bigarren mailako hizkuntza izaten jarraitzen duela ere azpimarratu dute.
“Lan baldintza horiekin ezinezkoa da langileek kalitatezko zerbitzua bermatzea eta langileen erosahalmenaren galerarekin amaitzea”, ziurtatu du Eizagirrek
Zure interesekoa izan daiteke
?fmt=webp-alpha&qlt=80)
Tubos Reunidoseko lan-egutegiak legezko prozedura jarraitu gabe aldatzen saiatzea salatu du ESK sindikatuak
Horren arabera, altzairutegian aritzen diren beharginek arratsaldez edota gauez bakarrik lan egin beharko lukete. ESK sindikatuak uste du neurri horrek eragin negatiboa izango lukeela kaltetutako langileen atsedenean zein osasunean.
Zarauzko eta Bergarako IAT zentroetako langileek greba mugagabea iragarri dute astelehenetik aurrera
Gipuzkoako gainerako IAT lantegietako lan-baldintzak eskatzen dituzte beharginek. Urtean 133 ordu gehiago egiten dituzte lan, eta 2.000 eta 8.000 euro artean gutxiago kobratzen dute.
Jaurlaritzak uko egin dio Osasun Kohesiorako Funtsari 51 milioi ordaintzeari, "neurriz kanpoko" kopurua dela iritzita
Alberto Martinez Osasun sailburuak egungo konpentsazio-sistema berrikustea eskatu du. "Arau argiak, babes nahikoa eta irizpide homogeneoak lurralde guztientzat", esan du.
Volkswagenek bere modelo sorta erdira murriztuko du "segmentu errentagarrienetan" kontzentratzeko
Konpainiak neurri sorta bat iragarri du, bere eskaintzaren konplexutasuna % 75 murriztea eta ibilgailuen urteko ekoizpena hamar milioitik bederatzira jaistea aurreikusten duena.
25 urteko langile bat larri zauritu da Azkoienen, eskailera batetik erorita
Baratze batean ari zen lanean, eta erorikoaren ondorioz, buruan kolpe larria hartu du. Helikoptero medikalizatuan eraman dute Nafarroako Unibertsitate Ospitalera.
ENBAk neurriak eskatu ditu Eusko Label haragiaren "sektorearen egoera kezkagarriaren aurrean"
Azken bost urteotan, Eusko Label behi-azienden ustiategien kopurua % 25 jaitsi da. Haragi ekoizleek ohartarazi dute kostuen igoerak eta errentagarritasunaren jaitsierak arriskuan jartzen dutela sektorearen etorkizuna. Izan ere, ekoizpenean gehitutako kostuen ondorioz, abeltzain askok Euskaditik kanpo saldu behar dute haragia.
Etxebizitza babestuen % 30 errenta ertainentzat gordeko du Eusko Jaurlaritzak
Urtean 20.000 eta 46 000 euro bitarteko diru sarrerak dituzten bizikidetza unitateek etxebizitza babesturako sarbidea izango dute.
Bajen inguruko polemikari datuak erantsi dizkio PPk: "Astelehenetan, 1.700.000 pertsona ez dira lanera joaten"
Juan Bravo PPko Ogasun, Etxebizitza eta Azpiegitura idazkariordeak azaldu duenez, bajan egonda soldata gutxiago kobratzearen aukera Feijook mahai gainean jarri zuenean, "iruzur kasuei" buruz ari zen.
Aranburuk (LAB) "indarrak batzea" eta "neurri sakonagoak" eskatu ditu, ELAk euskararen inguruan egindako proposamenaren aurrean
Garbiñe Aranburu LAB sindikatuko koordinatzaile nagusiak txalotu egin du ELAren proposamena, eta adierazi du hobetzera datozen ekimen guztiak "ongietorriak" izango direla. Hala ere, ohartarazi du egungo negoziazio kolektiboak "euskara gehiago" behar duela eta, oldarraldi judizial eta politikoaren aurrean, "neurri sakonagoak" behar direla.
Lan Harremanen Kontseiluak nabarmendu du negoziazioak euskaraz izateak "ez duela zertan eragozpen izan"
Emilia Malaga Pérez Lan Harremanen Kontseiluko (LHK) presidenteak nabarmendu duenez, "ez dugu inolako aukerarik jakiteko batzordeetan parte hartzen duten pertsonen hizkuntza gaitasuna zein den".