Oposizioko taldeek osoko zuzenketak aurkeztu dizkiete Arabako aurrekontuei
Oraingoz, Foru Gobernuak ez du aurrekontuak aurrera ateratzea bermatuta, eta elkarrizketak izaten jarraitzen du, batez ere Elkarrekin Podemosekin. Talderen baten babesa edo abstentzioa lortzen ez badu, aurtengo kontuak luzatu beharko ditu.
Arabako Batzar Nagusietan oposizioan dauden talde guztiek osoko zuzenketak aurkeztu dizkiote Foru Aldundiaren 2026rako aurrekontu-proiektuari. Gaur-gaurkoz, foru gobernuak ez du onarpena bermatuta eta, gauzak horrela, aurtengo kontuak luzatu beharko lituzke. EAJk eta PSE-EEk 24 diputatu dituzte Foru Ganberan, beraz, oposizioko talderen batek babestea edo abstenitzea behar dute kontuak aurrera ateratzeko.
Horretarako, gobernuak elkarrizketak izan ditu azken asteetan. Hala ere, EH Bilduk eta Elkarrekin Podemosek osoko zuzenketak aurkeztu dituzte ostegun honetan. PPk aurretik iragarri zuen gauza bera egingo zuela. Voxeko diputatuak ere osoko zuzenketa bat erregistratu du.
Eva Lopez de Arroyabe EH Bilduren Arabako Batzar Nagusietako bozeramaileak salatu duenez, ez dute atzeman gobernua osatzen duten alderdiek negoziatzeko benetako borondaterik dutenik. Adierazi du aurrekontuen proiektuak "hutsune larriak" dituela, baina exekutiboak "jarrera itxia" duela horiek zuzentzeko, eta, beraz, "ez duela zentzurik" negoziazio-bide horri jarraitzea.
Osoko zuzenketarekin batera, koalizio soberanistak 23 zuzenketa partzial eta artikulatuaren inguruko 5 aurkeztu ditu, "herriarentzat funtsezkoak diren 6 erronkari" buruz: "Etxebizitza, zaintza, Industria, trantsizio ekosoziala, lurralde oreka eta balioen babesa".
Bestalde, Elkarrekin Podemos IUk ere osoko zuzenketa aurkeztu du, eta egoitza pribatuen gatazka konpontzea da hori kentzeko "baldintza". David Rodriguezek, talde progresistak Batzar Nagusietan duen bozeramaileak, adierazi du Aldundiaren esku dagoela "gatazka horretan sakonago inplikatzea, konpondu arte". Gatazka hori konpontzea funtsezko baldintza da, eta aurrekontuen babesa negoziatzeko giltza ere bai. Rodriguezek azaldu duenez, Aldundiak haren taldearen 3 botoak nahi baditu, "lan-eskubideei eta zainketen kalitateari kalte egiten dien egoera mingarriari amaiera eman behar dio".
Elkarrekin taldeak 71 zuzenketa partzial erregistratu ditu, 23,6 milioi euroko balioarekin.
Alderdi Popularrari dagokionez, osoko zuzenketa aurkeztuko duela iragarri zuen orain aste batzuk, EAJ eta PSE-EE "zergak eta Arabako familien ahalegina xahutzen" ari direla uste baitu. Gainera, 226 zuzenketa partzial erregistratu ditu ostegun honetan, konpromiso-kredituekin batera, 90 milioi eurokoak. Iñaki Oyarzabal Arabako PPren presidenteak azaldu duenez, taldearen zuzenketak autonomoei, ekintzaileei eta merkataritzari laguntzekoak dira, etxebizitza eta gizarte politikekin lotuta daude, eta azpiegituretan eta landa-eremuan inbertsioak bultzatzea dute helburu, besteak beste.
Batzar Nagusiek abenduaren 12an egingo dute osoko zuzenketen eztabaida. Azkenean akordioa lortzen bada eta oposizioko talderen batek proiektua itzultzeko eskaera onartzen ez badu, behin betiko onartzeko osoko bilkura astebete geroago izango litzateke, hilaren 19an.
Zure interesekoa izan daiteke
Tubos Reunidosek konpainia "birdimentsionatzea ezinbestekoa" dela azpimarratu du
Enpresak bere eskaintzari eutsi dio asteazken honetako bileran: 59 urtetik aurrerako aurre-erretiroak eta sustatutako bajen eskaintzan, urteko 38 egunekin.
Zer eragin izango du Ekialde Hurbileko egoerak argindar-fakturan?
Baliteke gasa argia baino gehiago garestitzea, eta kontratu motaren araberakoa izango da. Tarifa finkoa duten etxeek ez omen dute berehalako aldaketarik nabarituko. Araututako tarifa dutenek, berriz, arrisku handiagoa izango lukete.
Konpondu da txartel bidez ordaintzeko izan diren arazoak
Intzidentziak lehen ordutik izan du eragina, eta arazoak sortu dira establezimenduetan zein erabiltzaileen artean. Arazoa konpondu da jadanik.
India, aukera ugariko herrialdea euskal makina-erremintarako
Nazioarteko testuingurua benetan zaila den honetan, makina-erremintaren sektoreak aire freskoa bilatzen du geldirik dagoen Europatik eta aurkari bihurtu den Txinatik urrun. Estatu Batuetako merkatua birika nagusia izanik, sektoreak bi gune nagusi ditu helburu: India eta Mercosur.
Denboraldiko lehen antxoa euskal portuetara iristen hasi da
Sasoiko lehen antxoak euskal portuetara iritsi dira, kostera hasi eta hurrengo egunean. 20 tona sartu dira, esaterako, Getariako portuan. Orain ikusi behar zenbatean saltzen duten kiloa arraindegietan, eta uste bezain gozo ote dagoen.
EAEn 1.100 langabe gutxiago izan dira otsailean, baina Nafarroan langabeziak zertxobait egin du gora
Hego Euskal Herrian 137.000 langabe inguru daude.
Petrolioaren prezioak % 3 inguru egin du gora, eta burtsetan jaitsierak izango dira, Iranen aurkako erasoen ondorioz
Petrolio gordinaren prezioarekin batera, gas naturalarena ere igotzen ari da; izan ere, Herbehereetako TTF merkatuan, Europako erreferentzietako bat, hilabeteko epean entregatzeko gasaren prezioa % 22 gehiago igo da, 53,14 dolarreraino.
EAEko enpresek 1.130 milioi euro esportatu zituzten Ekialde Erdikora 2025ean, guztizkoaren % 3,8
Guztira 42 euskal enpresak 63 ezarpen dituzte Ekialde Erdikoko hainbat herrialdetan.
Jantokien greban ikasleek janaria kanpotik eramatea errespetatzeko eskatu du Pedrosak, ikastetxeak baimentzen badu
Ikastetxe publikoetako jantokietako beharginek lan-baldintzak hobetzea eskatzeko joan den astean egindako hiru greba egunen ondoren, martxoaren 10, 11 eta 12rako deitutakoan aurreko egoera ez dadin errepikatu galdegin du Hezkuntza sailburuak, izan ere, zenbait ikastetxetan etxetik eramandako janaria kendu zitzaien ikasleei. Pedrosak sindikatuei eta enpresei eskatu die "mahaitik ez altxatzeko" akordio batera iritsi arte, horretarako "oinarri ona" dutelako.
Pradalesek Ekialde Hurbileko egoera "baretu" dadila eskatu du, eta euskal enpresei dagokienez "beharrezkoak diren neurriak" agindu ditu
Makina-Erremintaren Nazioarteko Azokaren irekiera-ekitaldian, Barakaldoko BECen, lehendakariak aurreratu duenez, Eusko Jaurlaritza Ekialde Hurbileko gatazkak izan ditzakeen "ondorioak" aztertzen ari da dagoeneko, eta "gerra" bat hasteko "benetako arriskua" dagoela ohartarazi du.