Europak atzera egin du 2035ean errekuntza ibilgailuen salmenta debekatzeko asmoan
Auto elektrikoen eskariaren moteltzeak, sektorearen presioak eta Txinaren lehiak eraman dute Europako Batzordea erabakia hartzera: errekuntza-autoen ekoizpen "mugatua" baimenduko du 2035etik aurrera.
Europar Batasunak atzera egin du eta konbustio-motorrei betoa kendu die, azkenean: 2035erako konbustio-motorra duten kotxeen salmenta debekatzea eta emisioak % 100 jaistea zen asmoa, baina Bruselak amore eman du, fabrikatzaileen eta uzkur dauden herrialdeen presioaren aurrean. Txinako industriaren lehia eta AEBko muga-zergek eragin zuzena izan dute.
Autogintzaren sektoreak bizi duen egoera ikusita, malgutasunaren alde egin du EBk. Emisioen batez bestekoa %90 murriztuko da eta salmenten %10 CO2a igortzen duten ibilgailuenak izatea baimenduko da. Beraz, kotxe elektrikoek hibrido entxufagarriekin, bioerregaiekin eta altzairu berdea deritzonaz fabrikatutakoekin bizi beharko dute.
Autogintza hiltzeko arriskuan dagoela esan du EBk, eta neurrien malgutze honekin, industriari bultzada eman nahi diote. "Osagai elektrikoak % 100ean fabrikatzeko zailtasuna ikusten dugu 2035etik aurrera", esan du Stephane Sejourne EBko presidenteordeak, arratsaldean eman duen prentsaurrekoan.
Presio egin duten herrialdeen Alemania dago; hango ekonomian pisu handia dute diesel eta gasolina autoek, eta ez dira gai Txinaren aurrean lehiatzeko. Azken asteotan, ia egunero iragarri dituzte kaleratzeak.
Batzordeak atzera egitea erabaki badu ere, orain, Europako Parlamentuan eta estatu kideen artean negoziatu beharko dituzte erabakiak. Alemania eta Italia bezalako herrialdeen baietza ziurtatu dute, baina badira neurriok begi onez hartu ez dituzten kideak ere, tartean, Espainia: betoa 2035ean mantentzearen alde dago azken hori.
2025erako ezarritako emisio betebeharrak ere ez dituzte bete auto-fabrikatzaileek, eta helburu horiek betetzeko epea 2027ra arte luzatzea erabaki du Bruselak.
Bestalde, Europar Batasunak 1.800 milioi euroko inbertsioa iragarri du Europako baterien industria sustatzeko.
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.