Honela ordainduko dizkie Jaurlaritzak langile publikoei 2025eko atzerapenak
90.000 langile publiko inguruk jasoko dute igoera, eta 150 milioi euroko aurrekontu-inpaktua izango du.
Eusko Jaurlaritzaren artxiboko irudia. Argazkia: Europa Presss.
Eusko Jaurlaritzak 2026ko lehenengo nominan ordainduko ditu Estatuak onartutako soldata-igoerari dagozkion atzerapenak. 2025 urteari dagokion igoera % 2,5ekoa da. 90.000 langile publikok jasoko dute dirua, eta 150 milioi euroko aurrekontu-eragina izango du.
Ogasun eta Finantza Sailak ohar baten bidez jakinarazi duenez, neurri hori bat dator abenduaren 11n onartutako lege-dekretuarekin. Horren arabera, % 11ko igoera metatua izango dute langile publikoek 2025 eta 2028 bitartean.
Eusko Jaurlaritzak nabarmendu duenez, atzerapenak urtarrilean ordainduko diren arren, Funtzio Publikoko Ministerioaren taula eguneratuak modu formalean jasotzean finkatuko da behin betiko igoera, eta orduan ezarriko da 2026 urteari dagokiona (igoera modu iraunkorrean integratzeko beharrezko administrazio-urratsa). Jaurlaritzak hasi ditu jada prozesu osoa arintzeko barneko lan teknikoak eta administratiboak
Estatuko Aurrekontu Orokor berririk ez dagoenez, 2027 eta 2028rako aurreikusitako igoerak modu independentean onartu beharko direla gogorarazi du oharrean Jaurlaritzak.
Zure interesekoa izan daiteke
Turismo-gastua % 31,1 hazi da Euskadin azken bost urteetan, eta BPGren % 6,8an dago
Eustaten arabera, Euskadiko turismo-gastua 6.665 milioi eurora iritsi da 2024an, hau da, aurreko urtean baino 526 milioi euro gehiago.
Euskadiko batez besteko erretiro-pentsioa 1841,80 eurokoa da hilean, Estatuko altuena
Lurraldeka, Bizkaian batez besteko erretiro-pentsioa 1.873,61 eurokoa da, Araban 1.857,58 eurokoa eta Gipuzkoan 1.788,35 eurokoa.
Barredo: "Kataluniakoa baino askoz hurbilago dagoen foku bat dago orain; logikoena murrizketa-neurriak martxan jartzea da"
Elikadura, Landa Garapen, Nekazaritza eta Arrantzako sailburua, Amaia Barredo, Euskadiko behi-populazio osoa txertatzeko alde agertu da, dermatosi modularrari aurrea hartzeko neurri gisa.
Otsailera arte, animaliarik gabe azoketan dermatosi nodularragatik
Dermatosi nodularrak eragindako abereak erakusteko debekua indarrean sartu da gaur. Elgoibarko azoka izango da eragina jasango duen lehendabizikoa, bihar.
Abadiñoko lantegiaren itxieraren aurka mobilizatu dira Metal Groupeko langileak
Langileek elkarretaratzea egin dute Berrizen, Abadiñoko lantegiaren itxiera salatzeko, izan ere, 48 pertsona lanik gabe utziko ditu, eta Legutioko lantegian aurkeztutako lan-erregulazioko espediente (LEE) salatzeko, bertako 183 langileetatik 91 kaleratzea aurreikusten baitu.
Amaitu dira Basauri eta A-8a arteko lotunea hobetzeko lanak, 26 hilabeteko lanen ondoren
Proiektuak 5,36 milioiko inbertsioa izan du euste- eta seinaleztapen-sistemak egokitzeko.
Bilboko Aireportuak 200 hegaldi baino gehiago eskainiko ditu gaur eta bihar artean
Guztira, Gabonetan zehar 2.368 hegaldi hartuko ditu Bizkaiko terminalak. Joan den ostiralean, abenduak 19, programatutako operazio gehien izan zituen eguna izan zen, 137 guztira, eta ondoren, abenduaren 22an, astelehena, 136 operaziorekin.
Uvesco euskal inbertsoreen esku geratu da berriz
BM Supermerkatuen eta Super Amararen jabe den konpainiak enpresa-sustraitzea indartuko duen operazioa burutu du; datozen egunetan beste euskal partzuergo batek Ayesa (garai bateko Ibermática) ere erosiko duela baieztatu dute.
CCOOk eta LABek Nafarroako Osasun Zerbitzuan izandako sexu-erasoen inguruan erantzukizunak argitzea eskatu dute
Kautelazko neurriak berehala hartzea, kaltetutako pertsonak babestea eta ikerketa zorrotza egitea eskatzen dute; horrez gain, goragoko instantziek gertakarien berri ba ote zuten argitzea eskatu dute.