Lanbide arteko gutxieneko soldata % 3,1 igotzea adostu du Espainiako Gobernuak CCOO eta UGT sindikatuekin
CEOE eta Cepyme patronalek ez dute igoera babestu. Lanbide arteko gutxieneko soldata hilean 1.221 eurokoa izango da (14 paga), 518 euro gehiago urtean, eta neurriak atzerako eragina izango du 2026ko urtarrilaren 1etik aurrera.
Joaquin Perez Rey Espainiako Gobernuko Lan idazkaria, elkarrizketa sozialaren mahaiaren bileran. Argazkia: Europa Press
Espainiako Lan Ministerioak aurreakordioa lortu du UGT eta CCOO sindikatuekin lanbide arteko gutxieneko soldata % 3,1 igotzeko, 1.221 euroraino (14 pagatan). CEOE eta Cepyme patronalek, berriz, igoera baztertu dute.
Gauzak horrela, lanbide arteko gutxieneko soldata (LGS) 1.184 eurotik 1.221 eurora igoko da (37 euro gehiago hilean edo 518 euro urtean).
Aipaturiko igoera otsailean zehar onartuko du Ministroen Kontseiluak eta atzerako eragina izango du 2026ko urtarrilaren 1etik aurrera. Halaber, lanbide arteko gutxieneko soldata jasotzen dutenek ez dute pertsonen gaineko zerga ordaindu beharko.
Igoera errege dekretu bidez onartuko du Espainiak Gobernuak eta hortaz ez du Diputatuen Kongresutik pasa beharko.
CCOO eta UGT sindikatuek ontzat eman dute igoera nahiz eta gehiago nahi. Dena den, negoziazioak hainbeste luzatu izana deitoratu dute.
CEOE eta Cepyme patronalek, bere aldetik, gogor kritikatu dute igoera konpentsatzeko Lan ministerioak egin dien zerga pizgarriaren proposamena, "tranpatia" dela iritzita.
Zure interesekoa izan daiteke
Etxebizitzen prezioa % 12,8 igo da Euskadin, eta % 16, Gipuzkoan
Hala, EAE Espainiako hirugarren erkidego garestiena da, metro koadroko 2.631 euroko batez besteko prezioarekin.
Jaurlaritzak elektrizitate-sorkuntza berriztagarria bikoiztuko du 2030era arte, 80 milioiko inbertsio publiko-pribatuarekin
Horrekin batera, 'Lehentasunezko jarduketa-eremuak' izeneko dokumentu bat diseinatu du Jaurlaritzak, parke eolikoak eta fotovoltaikoak "modu errealista eta arrazionalean" hedatzeko. Guztira, eguzki-energiako eta energia eolikoko 11 'planta handi' aurreikusten dira 2030erako.
Satlantisek Lurra behatzeko bere bosgarren satelitea bidali du espaziora
Vandenbergeko (Kalifornia, AEB) Espazio Gunetik egin dute bidalketa, Euskal Herrian 13:07ak zirenean. Bizkaiko enpresak garatutako bereizmen handiko bi kamera daramatza sateliteak.
CAFek 300 milioitik gorako kontratua eskuratu du Serbian eta 30 tren egingo ditu Belgraderako
Unitateak eraikitzeaz gainera, lehen bi urteetako mantentze-lanak ere bere gain hartuko ditu. Serbian lortzen duen bigarren kontratua da.
Ekipaje zerbitzuko langileen greba 90 minuturainoko atzerapenak eragiten ari da Bilboko aireportuan astelehen honetan
Maletak eramateaz eta aireportuetako beste zerbitzu batzuez arduratzen den Groundfroce enpresako langileek lanuzteak egingo dituzte astelehen, asteazken eta ostiralean, hitzarmen kolektibo berriaren negoziazioaren barruko desadostasunak direla eta.
ELAk helegitea aurkeztuko du Tubos Reunidosen erregulazio txostenaren aurka, eta altzairutegiko eta logistika eremuko mantentze-lanei eustea eskatu du
Zentral abertzaleak zalantzan jarri ditu joan den ostiralean enpresak argitaratutako 2025eko emaitzak, "2024koa baino fakturazio nabarmen handiagoa erregistratu arren, aitortutako galerak hasieran jakinarazitakoak baino handiagoak direlako". ELAk adierazi duenez, "litekeena da zuzendaritzak kontabilitate ingeniaritza modu interesatuan erabili izana", eta zalantzan jarri du haren sinesgarritasuna.
Jaurlaritzaren arabera, EAEko ekonomia % 1,9 haziko da 2026an, aurreikusi bezala
Mikel Torres Eusko Jaurlaritzako Ekonomia, Lan eta Enplegu sailburuak esab duenez, "egoera kezkatzeko modukoa da, baina ez gaitezen alarmismoan erori; konfia dezagun".
Sevillako aire-kontrolatzaileek ohartarazi dute greba egitekotan direla, eta horrek Errege Kopako finalari eragingo lioke
Aireportuko, hiri osoko eta inguruko aire-trafiko guztia kontrolatzen duten langileak dira.
Itziar Agirre: "20.000 eurotik beherako lan-errentak dituztenek aitorpena egiteko obligaziorik ez badute ere, kasu batzuetan komenigarri izan daiteke, kenkariak direla eta"
Gipuzkoako Ogasun Diputatuak azaldu duenez, zerga-erreformaren ondotik badaude Aldundiak eskura ez dituen datuak, zenbait kasutan kenkari edo hobari gisa apligarri izan litezkeenak, zaintza, etxebizitza eta BGAEekin lotutakoak. Horregatik, autolikidazio proposamenak patxadaz begiratzeko gomendioa egin du Gipuzkoako Aldundiak, apligarri izan daitezkeen kenkari eta hobariak dauden egiaztatzeko.
Abian da Errentaren kanpaina Gipuzkoan: autolikidazioa kontsultagai dago
Gipuzkoan, apirilaren 7tik aurrera onartu ahal izango dira proposamenak. Araban eta Nafarroan datorren astean hasiko da kanpaina, eta Bizkaian, berriz, apirilaren 15ean.