Tubos Reunidosek konpainia "birdimentsionatzea ezinbestekoa" dela azpimarratu du
Enpresak bere eskaintzari eutsi dio asteazken honetako bileran: 59 urtetik aurrerako aurre-erretiroak eta sustatutako bajen eskaintzan, urteko 38 egunekin.
Tubos Reunidosek bere eskaintzari eutsi dio enplegu-erregulazioko espedienteari (EEE) buruzko beste bilera batean. Bere helburua da 301 kaleratzeen eragin soziala “minimizatzea”, eta zuzendaritzak berretsi du konpainia "birdimentsionatzea ezinbestekoa" dela.
Asteazken honetan beste bilera bat egin dute konpainiaren eta langileen ordezkariek Bilbon, enplegu-erregulazioko espedientea negoziatzeko, eta, oraingoan ere, Amurrion 274 kaleratze proposatu dituzte, eta Trapagaranen, 27.
Aurreko bileran, Tubos Reunidosek hobetu egin zuen hasierako eskaintza, eta gaur errepikatu egin du, berritasunik gabe: aurre-erretiroak 59 urterekin, soldata gordinaren % 65arekin; 30 eguneko soldata, 12 hilabeteko mugarekin, behin-behinekoei; eta borondatezko bajen kasuan, 38 eguneko kalte-ordaina lan egindako urte bakoitzeko, gehienez 24 hileko soldatarekin eta 1.500 euro gehiagorekin lan egindako urte bakoitzeko.
Enplegu-erregulazioko espedienteei buruzko kontsulta-aldia datorren astelehenean, martxoaren 9an, amaituko da; egun horretarako azken negoziazio-bilera aurreikusita dago.
Enpresaren ohar baten arabera, gaur berriro defendatu du "erabakigarria" dela datozen asteetan bideragarritasun planaren gainerako ardatzak (zorra berregituratzea eta finantzaketa bilatzea) erraztuko dituen lan-akordio bat egotea, konpainiak "beste neurri batzuk aurkeztu behar izan ez ditzan".
Zuzendaritzaren arabera, "eskariaren jaitsiera eta, ondorioz, gaur egun dagoen gainprodukzioa egiturazkoa da, eta, beraz, ezinbestekoa da konpainia birdimentsionatzea". Azken 10 ekitaldietan, Tubos Reunidosek bi ekitalditan bakarrik eman ditu emaitza positiboak, eta 71,3 milioi euro galdu zituen iaz.
Konpainiak 263,2 milioiko zorra du, eta horietatik erdia SEPIk 2021ean utzitako 112 milioikoa da, gehi interesak.
Gainera, AEBko merkatuaren muga-zergek ekarritako galerak eta Txinako eta Ukrainako hodien inportazioak Europara iritsi ostean, Tubos Reunidosek ohartarazi du beharrezkoa izango dela epe luzera eskaera txikiagotara egokitzea.
Sindikatuek oraindik ez dute euren iritzia plazaratu, baina joan den astean uko egin zioten irteeren eskaintza baloratzeari, eta EEEa bertan behera uztea eskatzen dute. Jarrera hori izan dute gaur goizean, Euskalduna jauregiaren atarian, negoziazio-bilera egiten ari ziren bitartean, eta Eusko Jaurlaritzaren Bilboko ordezkaritzaren aurrean egindako elkarretaratzean. Bertan, Jaurlaritzari eskatu diote inplika dadila enpresako enpleguaren aldeko irtenbide bat ematen.
Zure interesekoa izan daiteke
Zer eragin izango du Ekialde Hurbileko egoerak argindar-fakturan?
Baliteke gasa argia baino gehiago garestitzea, eta kontratu motaren araberakoa izango da. Tarifa finkoa duten etxeek ez omen dute berehalako aldaketarik nabarituko. Araututako tarifa dutenek, berriz, arrisku handiagoa izango lukete.
Konpondu da txartel bidez ordaintzeko izan diren arazoak
Intzidentziak lehen ordutik izan du eragina, eta arazoak sortu dira establezimenduetan zein erabiltzaileen artean. Arazoa konpondu da jadanik.
India, aukera ugariko herrialdea euskal makina-erremintarako
Nazioarteko testuingurua benetan zaila den honetan, makina-erremintaren sektoreak aire freskoa bilatzen du geldirik dagoen Europatik eta aurkari bihurtu den Txinatik urrun. Estatu Batuetako merkatua birika nagusia izanik, sektoreak bi gune nagusi ditu helburu: India eta Mercosur.
Denboraldiko lehen antxoa euskal portuetara iristen hasi da
Sasoiko lehen antxoak euskal portuetara iritsi dira, kostera hasi eta hurrengo egunean. 20 tona sartu dira, esaterako, Getariako portuan. Orain ikusi behar zenbatean saltzen duten kiloa arraindegietan, eta uste bezain gozo ote dagoen.
EAEn 1.100 langabe gutxiago izan dira otsailean, baina Nafarroan langabeziak zertxobait egin du gora
Hego Euskal Herrian 137.000 langabe inguru daude.
Petrolioaren prezioak % 3 inguru egin du gora, eta burtsetan jaitsierak izango dira, Iranen aurkako erasoen ondorioz
Petrolio gordinaren prezioarekin batera, gas naturalarena ere igotzen ari da; izan ere, Herbehereetako TTF merkatuan, Europako erreferentzietako bat, hilabeteko epean entregatzeko gasaren prezioa % 22 gehiago igo da, 53,14 dolarreraino.
EAEko enpresek 1.130 milioi euro esportatu zituzten Ekialde Erdikora 2025ean, guztizkoaren % 3,8
Guztira 42 euskal enpresak 63 ezarpen dituzte Ekialde Erdikoko hainbat herrialdetan.
Jantokien greban ikasleek janaria kanpotik eramatea errespetatzeko eskatu du Pedrosak, ikastetxeak baimentzen badu
Ikastetxe publikoetako jantokietako beharginek lan-baldintzak hobetzea eskatzeko joan den astean egindako hiru greba egunen ondoren, martxoaren 10, 11 eta 12rako deitutakoan aurreko egoera ez dadin errepikatu galdegin du Hezkuntza sailburuak, izan ere, zenbait ikastetxetan etxetik eramandako janaria kendu zitzaien ikasleei. Pedrosak sindikatuei eta enpresei eskatu die "mahaitik ez altxatzeko" akordio batera iritsi arte, horretarako "oinarri ona" dutelako.
Pradalesek Ekialde Hurbileko egoera "baretu" dadila eskatu du, eta euskal enpresei dagokienez "beharrezkoak diren neurriak" agindu ditu
Makina-Erremintaren Nazioarteko Azokaren irekiera-ekitaldian, Barakaldoko BECen, lehendakariak aurreratu duenez, Eusko Jaurlaritza Ekialde Hurbileko gatazkak izan ditzakeen "ondorioak" aztertzen ari da dagoeneko, eta "gerra" bat hasteko "benetako arriskua" dagoela ohartarazi du.