Brentaren prezioa % 13 baino gehiago jaitsi da, eta Ibex indizea % 3 baino gehiago igo, AEBren eta Iranen arteko su-etenaren ondotik
Brent petrolio upelaren prezioak behera egin du nabarmen, AEBk eta Iranek adostutako bi asteko su-etenaren ondorioz. Bi aste horietan, Pakistanen bake akordio bat negoziatuko dute, Teheranek aurkeztutako hamar puntuko planean oinarrituta.
Ekainean entregatzeko brent petrolio upelaren prezioa % 12 baino gehiago merkatu da asteazken honetan. Argazkia: Orain
Ekainean entregatzekoa den brent petrolio-upela % 12 baino gehiago merkatu da asteazken honetan, eta Londreseko etorkizuneko merkatuan 95 dolarretan kokatu da, Estatu Batuek eta Iranek bi asteko su-etena adostu ostean. Asteazken honetako 07:00etan, eta EFEk jasotako Bloomberg atariaren datuen arabera, brentaren prezioa % 12,55 jaitsi da, upeleko 95,53 dolarreraino.
Goizaldean, Donald Trumpek Irani emandako ultimatumaren epea betetzear zegoenean akordioa lortu dutela jakin ostean, petrolioak % 16ra arte egin du behera, eta 91,70 dolarren langan, minimoa jo du.
Brent petrolioak egin moduan, Texasko WTI gordina ere indarrez jaitsi da asteazken honetan, Estatu Batuetan merkatua ofizialki ireki aurretik. Atzera egin du (% 14,48) 94,9 dolarrean dago orain.
Brentak % 0,46ko beherakadarekin itxi zuen bezperako saioa, 109,27 dolarreraino, eta merkatua Donald Trump AEBko presidenteak Ormuzko itsasartea berriro irekitzeko ezarritako ultimatumaren epemugaren zain zegoen.
Epemuga horren aurrean, Trumpek berak iragarri du sare sozialetan bi asteko su-etena adostu zuela Iranekin, eta epe horretan bake-akordio bat negoziatuko dutela Islamabaden, Pakistango hiriburuan, Teheranek aurkeztutako hamar puntuko planean oinarrituta.
Iranekin "behin betiko" bake akordioa lortzeko "oso aurreratuta" daudela ziurtatu du Trumpek, eta itun horren arrazoia "helburu militar guztiak bete eta gainditu" izana dela adierazi du.
Era berean, Abbas Araghchi Irango Atzerri ministroak esan du posible izango dela Ormuzko itsasartetik igarotzea datozen bi asteetan, aldebiko su-etena eten ondoren.
Burtsak, gora
Halaber, Madrilgo Burtsaren Ibex 35 indizeak % 1,23ko igoerarekin hasi du asteazken honetako saioa. Irekieran 17.659,40 puntutan kotizatu du, eta, lehen minutuak pasata, Ibex indizeak % 3,71raino handitu ditu bere irabaziak eta 18.093,1 puntuak eskuratu ditu.
Testuinguru horretan, Asiako burtsa nagusiek aurrerapen handiak izan dituzte. Hain zuzen ere, Japoniako Nikkeik % 5,4ko igoerarekin itxi du, eta Hego Koreako Kospik, berriz, ia % 6,9ko igoerarekin. Bestalde, Txinako Shenzhen indizeak % 4,8 egin du gora, eta Hong Kongeko burtsak, gaur egun hainbat jaiegunen ostean jarduerara itzultzen denak, % 2,9 egin du gora.
Gas naturala ere merkatu da
Bestalde, Herbehereetako TTF merkatuan hilabeterako entregatzekoa den gas naturalaren prezioa % 19tik gora jaitsi da asteazken honetako irekieran, megawatt orduko 42,8 euroraino (MWh), AEBk eta Iranek bi astez su-etena adostu ostean.
Horrela, gasaren prezioa 31,6 eurora hurbiltzen ari da, gatazkaren aurreko preziora, alegia; joan den otsailaren 27an, Estatu Batuek eta Israelek Iranen aurkako gerra hasi baino egun bat lehenago, kotizatu baitzuen.
Aldi horretan, gasaren prezioak nabarmen egin du gora, eta kotizazioan 72 euroan dago.
Zure interesekoa izan daiteke
Guardian eta Glavista berpizteko akordioa “lortzear”, Eusko Jaurlaritzaren arabera
Akordioak 80 eta 85 milioi euro arteko inbertsioa ekarriko luke, eta 400 lanpostu inguru berreskuratzea eskualdean. Hala ere, Eusko Jaurlaritzak "zuhurtzia" eskatu du, akordioa oraindik ez baitago itxita.
Abian da errenta kanpaina Araban eta Gipuzkoan, eta gaurdanik autolikidazio proposamena onartu daiteke
Astearte honetatik, apirilak 7, Arabako eta Gipuzkoako ogasunek egindako autolikidazio proposamenak onartu edo aldatu ditzakete zergadunek. Ostegunean, apirilak 9, hasiko da errenta aitorpenaren kanpaina Nafarroan, eta apirilaren 15ean, berriz, Bizkaian.
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 lagunek inguru egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea Rentafacil izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.