Tubos Reunidosen enplegu erregulazioko espedientearen aurkako demanda artxibatu dute, ez dela aplikatuko iragarri ondoren
Enplegu erregulazioko espedientearen aurka sindikatuek aurkeztutako demandak zentzua galdu zuen konkurtso-administratzaileak iragarri zuenean ez zuela aplikatuko.
Tubos Reunidoseko langileak, protestan. Argazkia: Europa Press
EAEko Justizia Auzitegi Nagusiko Lan Arloko Salak artxibatu egin du sindikatuek Tubos Reunidosen enplegu erregulazioko espedientearen aurka aurkeztu zuten demanda, sindikatuek bertan behera utzi ostean, konkurtso-administratzaileak iragarri baitzuen ez zuela neurria aplikatuko.
Uztailean ahozko epaiketa egitekoa zen EAEko Auzitegi Nagusian enplegu erregulazioko espediente horren inguruan. Hala ere, enpresaren ardura hartu ondoren, konkurtso-administratzaileak —PKF Attest aholkularitzako kideak— sindikatuei jakinarazi zien enplegu erregulazioko espedientea ez zela aplikatuko; izan ere, ez zen inoiz gauzatu.
Hori dela eta, demandatzaileek —ELA, LAB, FICA-UGT eta ESK sindikatuak— eta demandatuek —Tubos Reunidos Group eta PKF Attest, konkurtso-administratzaile gisa— idazkia aurkeztu zuten, prozedura artxibatzeko eskatuz, adostasunez, «auziaren xedea gerora desagertu delako».
Ministerio Fiskalak ere aurkeztu zuen idazkia, prozedura amaitzearen aurka ez zegoela adieraziz. Horrenbestez, Lan Arloko Salak auzia artxibatzea erabaki du.
Zure interesekoa izan daiteke
Ikuskizunetako teknikariek bilkura egin dute Iruñean hitzarmen propioa eskatzeko
Cebekek ez du "onargarria" ikusten enpresek greba "politiko" baten kostua ordaintzea
Diazek azarora arteko epea eman die adituei gutxieneko soldataren igoerari buruzko proposamenak egiteko
Tubos Reunidosek gutxienez zazpi eskaintza jaso ditu taldea erosteko
Volotearen 300 hegaldi baino gehiago bertan behera geratu dira Bilboko aireportuan
Etxebizitzaren aldeko greba orokorra azaroaren 11n izango da
Justiziak Barañaingo Udalaren 2025eko LEPa baliogabetu du, sindikatuekin ez negoziatzeagatik
Azaroaren 11, etxebizitza eskubidearen aldeko Estatu mailako greba orokorra egiteko aukeratutako data
Taxilariek legea betetzea eta ibilgailu gidaridunen gaineko kontrola handitzea eskatu dute
