Jaurlaritzak uko egin dio Osasun Kohesiorako Funtsari 51 milioi ordaintzeari, "neurriz kanpoko" kopurua dela iritzita
Alberto Martinez Osasun sailburuak egungo konpentsazio-sistema berrikustea eskatu du. "Arau argiak, babes nahikoa eta irizpide homogeneoak lurralde guztientzat", esan du.
Alberto Martinez sailburua, gaur, Lurralde arteko Osasun Batzordearen bilera telematikoan. Argazkia: Irekia
Eusko Jaurlaritzak uko egin dio Osasun Kohesiorako Funtsari 2023 eta 2024 urteei dagokien likidazioa ordaintzeari: 51 milioi euro. Osasun Sailak uste du kopuru hori "neurriz kanpokoa" dela.
Espainiako Osasun Sistemaren tresna bat da Osasun Kohesiorako Funtsa. Herritarrek bere erkidegotik kanpo jasotako osasun eta farmazia arreta gobernuek elkarri ordaintzeko mekanismo bat da.
Sistema horrek "gabezia juridikoak" dituela eta ez dela "gardena" uste du Gasteizko Gobernuak, eta ez dator bat ordaintzea dagokion kopuruarekin. Bere jarrera azaltzeko, datu hau eman du: Estatuko biztanleriaren % 5 inguru soilik ordezkatu arren, EAEk likidazio osoaren % 60 inguru ordaindu dio Osasun Kohesiorako Funtsari 2012 eta 2022 artean.
Lurralde arteko Osasun Batzordeak gaur egin duen bilera telematikoan aurkeztu du Espainiako Gobernuko Osasun Ministerioak 2023-2024 urteen likidazio proposamena, eta han jakinarazi du Alberto Martinez Eusko Jaurlaritzako Osasun sailburuak ezezko botoa.
"Ezin dugu babestu halako konpentsazio-eredu bat, hain lege-oinarri ahula izanda; arduragabe jokatuko genuke, Euskadi eta Osasun Sistema Nazionala bera kontuan hartuta (...) Hasieratik gauza bera defendatu dugu: arau argiak, babes nahikoa eta irizpide homogeneoak lurralde guztientzat; ez da egoeraren araberako desadostasuna, segurtasun juridikoa eta ekitatea bermatzea baizik”, azpimarratu du sailburuak.
Zure interesekoa izan daiteke
Ikuskizunetako teknikariek bilkura egin dute Iruñean hitzarmen propioa eskatzeko
Cebekek ez du "onargarria" ikusten enpresek greba "politiko" baten kostua ordaintzea
Diazek azarora arteko epea eman die adituei gutxieneko soldataren igoerari buruzko proposamenak egiteko
Tubos Reunidosek gutxienez zazpi eskaintza jaso ditu taldea erosteko
Volotearen 300 hegaldi baino gehiago bertan behera geratu dira Bilboko aireportuan
Etxebizitzaren aldeko greba orokorra azaroaren 11n izango da
Justiziak Barañaingo Udalaren 2025eko LEPa baliogabetu du, sindikatuekin ez negoziatzeagatik
Azaroaren 11, etxebizitza eskubidearen aldeko Estatu mailako greba orokorra egiteko aukeratutako data
Taxilariek legea betetzea eta ibilgailu gidaridunen gaineko kontrola handitzea eskatu dute
