La Fura dels Bausek Tabakalera hartuko du
La Fura dels Baus taldeak Degustación de Titus Andronicus Shakespearek idatzi zuen lehen tragedia odoltsuaren -bortxaketak, hilketak eta horrelakoak ugari agertzen dira testuan- moldaketa bere-berea erakutsiko du gaur, hilak 7, bihar (bi saio hoietarako sarrerak agortuta daude) eta etzi (saio honetarako badago sarrerarik) Tabakaleran, eraldaketa sakona jasan aurretik espazio horrek hartuko duen azken antzezlanean. La Furaren lanen ezaugarri orokor guztiak bertatik bertara sentituko dituzte donostiar aretora joaten direnek: ikusleak eta aktoreak elkarrekin nahasita hartzen dituen espazio bakarra, euskarri birtualek mugatutako eszenografia, musikaren garrantzia...
Oraingo honetan, gainera, Pep Gatell talde katalaneko zuzendariak Donostian azaldu duenez, bere eskaintza artistikoan dastamena uztartzen, antzezlanean bosgarren zentzumena txertatzen, saiatu dira, Mugaritzeko lantaldearen laguntzaz baliatuta. Izan ere, Andoni Luis Aduriz buru, taula gainean eta obran uztartuta, zuzeneko proposamen gastronomikoa egingo dute. Horri esker, tragedia ''usaindu eta dastatu egin ahal izango da''.
Honenbestez, Andoni Adurizek, Javier Bergarak eta Mugaritzeko lantaldeko gainerako kideek tragedia ahoratu eta usaindu ahal izatea lortu dute: sukaldariak eszenatokian egongo dira uneoro, publikoarekin eta aktoreekin batera. Bi sukaldari dramaren, istorioaren, parte izango dira, sukaldetik abiatuta, eta eszena bakoitzerako giro gastronomiko egokiena eraikiko dute suetatik. Istorioaren nondik norakoek proposatzen duten egoera bakoitza zaporez eta usainez jantziko dute. Hala ere, Adurizek aurkezpenean zehaztu duenez, gastronomia ez da antzezlanaren protagonista izango: ''Dramaren beste elementu bat izango da, bitxiena agian, baina bat gehiago''.
Shakespeareren tragedia honek, hain zuzen, ate zabala irekitzen dio gastronomiari. Besteak beste, amaierarako, otoruntza antropofagoa deskribatu zuen idazle ingeles handiak, eta, horren kontakizunetik abiatuta, Mugaritzeko lantaldeak giza haragiaren itxurako jatekoa prestatu du, ikus-entzuleen sorpresa gordetzearren zer okela mota erabili duten aurreratu ez badute ere. Bitxikeria gisa, eszena horretan, azken otorduan, jango duten okelan aktoreen tatuajeak ikusi ahal izango dituzte hainbat ikuslek (publikoko 30 bat lagun gonbidatuko dituzte oturuntzan parte hartzera, guztien artetik ausaz hautatuta).
Lan honetan, ikus-entzuleen bost zentzumenak jotzeko modu antagonikoak dituzten bi proposamenek egin dute bat; izan ere, Mugaritzen ''ferekaren bidez'', iradokizunaren bidez, heltzen dira hartzailearen barren-barreneko sentimenduetara eta La Fura dels Baus, berriz, ''bultzadaren bidez'', modu zakarragoan, Pep Gatell zuzendariak azaldu duenez.
Maiatzaren 7ko, 8ko eta 9ko ikuskizunetarako sarrerak 28 euroan erosi ahal dira, Servi Kutxan, Donostia Kulturan, Victoria Eugenia antzokian eta Antzoki Zaharrean. Ostiral-larunbatetan 21:00etan izango dira emanaldiak; igandean, berriz, 19:00etan.
Zure interesekoa izan daiteke
Auto-ilara luzeak daude AP-8 autobidean, bi istripu izan baitira Zarautz parean, Bilborako noranzkoan
Istripuaren ondorioz, erreietako bat itxi behar izan dute, eta trafiko motela dago inguruan. Bestalde, bi ibilgailuk eta kamioi batek talka egin dute Erletxetako industrialderako sarbidean, Bizkaian. Horren ondorioz, auto-ilarak sortu dira bi noranzkoetan.
Martin Villaren ustez, Gasteizko gertaerak "lehenago moztu behar ziren"
Orduko Harreman Sindikalen ministroak Radio Vitoriak Gasteizko sarraskiaren 50. urteurrenaren harira ekoitzitako "Gasteiz, martxoak 3. Oroimenaren indarra" soinu-dokumentalean egin ditu adierazpen horiek.
Verter Recycling enpresak ez du Zaldibarko zabortegian beste istripurik saihesteko inolako neurririk hartu
Hala egiaztatu du Jasangarritasun Sailak EH Bilduren eskariz egindako txosten batek. 29 arau-hauste jaso ditu ikerketak, eta luiziak sortzeko arriskua dagoela ohartarazi du.
Nicholas Nixonen argazkigintzaren bost hamarkada zuri-beltzean, Bilbon
Rekalde Aretoak Nicholas Nixon argazkilari ospetsuaren atzera begirako erakusketa aurkeztu du. Nixon bera, alabarekin batera, aurkezpenera joan da. Erakusketak ia 200 irudi jarri ditu ikusgai, zuri-beltzean, argazkilariaren bost hamarkada biltzen dituztenak. Irudi horietatik hamar lehenengo aldiz daude erakusgarri.
Udalekuak programak inoiz baino plaza gehiago eskainiko ditu aurten Euskadin: 4.289
Kanpaina 7 eta 13 urte bitarteko haurrei zuzenduta dago, eta zazpi eguneko txandetan parte hartuko dute, uztailaren 1etik 29ra bitartean. Eskaintza osotik, 4.004 plaza euskarazko udalekuetarako izango dira, eta 285, berriz, modalitate elebidunerako.
Kamioi batek Gasteizko Santa Isabel hilerriko hormaren zati bat bota du
Hondakinak biltzeko kamioi bat maniobra egiten ari zela gertatu da ezbeharra. Kolpearen ondorioz, hormaren zati bat eta hesi bat behera etorri dira. Zorionez, inor ez da zauritu.
TAOa Zorrotzaurrera iritsiko da
Martxoaren 16an sartuko da indarrean, eta bertako bizilagunek dagoeneko eska dezakete egoiliarren txartela.
Osasun Sailak benzodiazepinen erabilera mugatzeko estrategia jarri du martxan, batez ere adinekoen eta emakumeen kasuan
Kontsumoaren prebalentzia handiagoa duten pertsonen artean ongizate emozionala eta lo-higieneko heziketa sustatuko dira. Gainera, gorabeherak goiz identifikatzea eta arazoak patologiko bihurtzea saihestea bilatuko dute. Azken batean, neurri ez-farmakologikoak sustatu nahi dira eta sisteman "aldaketa kulturala" eragin, prebentiboagoa eta iraunkorragoa izan dadin, Osasun Sailak eta Osakidetzak jakinarazi dutenez.
Bisubi Fundazioak sektoreko emakumeen sare bat jarri du martxan, sukaldeetan historikoki egin izan duten lana proiektatu eta aitortzeko
Sukaldeak emakumeak historikoki okupatutako espazioak izan dira, baina, gastronomia espazio publiko garrantzitsua izatera heldu denean, emakumeak ikusezin bihurtu dira. Hori salatu dute BISUBI Bizkaiko Sukaldarien Fundazioa osatzen duten emakume sukaldariek lehen aldiz egin duten agerraldian, gaur.
Badabiltza Santander-Bilbo arteko trenak, kable-larpurreta baten ondorioz zerbitzua etenda egon ostean
Adifen arabera, gorabehera konpondu da eta zirkulazioa berrezarri da. Santander-Bilbo zabalera metrikoko lineako trenak pixkanaka ibiliko dira berriro ohiko maiztasunez.