Osasun Sailak benzodiazepinen erabilera mugatzeko estrategia jarri du martxan, batez ere adinekoen eta emakumeen kasuan
Kontsumoaren prebalentzia handiagoa duten pertsonen artean ongizate emozionala eta lo-higieneko heziketa sustatuko dira. Gainera, gorabeherak goiz identifikatzea eta arazoak patologiko bihurtzea saihestea bilatuko dute. Azken batean, neurri ez-farmakologikoak sustatu nahi dira eta sisteman "aldaketa kulturala" eragin, prebentiboagoa eta iraunkorragoa izan dadin, Osasun Sailak eta Osakidetzak jakinarazi dutenez.
Eusko Jaurlaritzako Osasun Sailak eta Osakidetzak 'Benzodiazepinen Erabilera Egokirako Estrategia' abiarazi dute somniferoen eta lasaigarrien kontsumo luzea mugatzeko, batez ere 70 urtetik gorakoen eta emakumeen kasuan, horiek baitira gehien erabiltzen dituztenak.
Kontsumoaren prebalentzia handiena duten pertsona horien artean ongizate emozionala eta loaren higienerako heziketa sustatuko dira. Gainera, gorabeherak goiz identifikatzeko lan egingo da, egoerak patologiko bihur ez daitezen.
Azken batean, farmakologikoak ez diren neurriak sustatzea eta sisteman "aldaketa kulturala" sortzea da helburua, prebentziozkoagoa eta jasangarriagoa izan dadin, Osasun Sailak eta Osakidetzak jakitera eman dutenez.
Estrategiak bost zutabe ditu. Lehenengoaren xedea da profesional guztiek gai horren ikuspegi bateratua izatea; bigarrena, berriz, pazienteentzako hezkuntza-kanpainak egitean datza, eta hirugarrenaren helburua da historia klinikoa preskripzioen berrikuspena erraztuko duten sistemak txertatzea.
Era berean, kontsumoaren bilakaera eta jarduera horien eraginkortasuna aztertzeko aginte-taulak sortuko dira, eta neurriak hartuko dira preskripzioaren hobekuntza horiek epe luzerakoak izan daitezen.
Ekintza zehatzen bitartez egingo da hori guztia, hala nola preskripzio jarraibideei buruzko txosten pertsonalizatuekin; errezeta elektronikoaren sistema hobetzea, tratamendu bat gomendatutako asteak baino gehiago luzatzen den kasuan abisua eman dezan; pazienteentzako tailerrak antolatzea eta "despreskripzio mailakatura" bideratutako protokoloak sortzea.
Estrategiaren lehentasunezko kolektiboa 70 urtetik gorako pertsonak dira, eta, bereziki, kolektibo horren barruan, emakumeak. Horiek baitira, hain zuzen ere, lasaigarriak, somniferoak, antidepresiboak eta beste psikofarmako batzuk gehien kontsumitzen dituztenak, Alberto Martinez Osasun sailburuak Eusko Legebiltzarrean egindako agerraldi batean gogorarazi duenez.
Izan ere, 65 urtetik aurrera, hiru emakumetik batek egunero kontsumitzen dituzte halako botikak, eta % 40,3k preskripzio aktiboa du (gizonen kasuan, aldiz, % 20,8k). Gainera, kasu askotan nabarmen gainditzen da gomendatutako epea: 4 aste loezin kasuetan eta 12 aste antsietate kasuetan.
Epeak luzatzeak tolerantzia eta mendekotasuna sortzen ditu, eta ondorio kaltegarri larriak izateko arriskua handitzen du, hala nola erorikoak, hausturak, trafiko istripuak eta narriadura kognitiboa.
Horregatik, sailburuak psikofarmakoen erabilera kronikoa berrikustearen alde egin du, "tratamenduak tarteka ebaluatuz eta, ahal denean, pixkanakako murrizketa sustatuz". Gainera, pazienteren bati psikofarmakoak agintzerako, alkoholaren kontsumoari buruz galdetzea sistematikoa izan dadin gomendatzen du, bi substantziak aldi berean kontsumitzen diren zaintzeko.
Psikofarmakoen erabilera mugatzeko beste jarduera-ildo bat da insomnioa, antsietatea eta ondoez emozionala "interbentzio ez-farmakologikoen" bitartez lantzea, bai eta laguntza psikologikoa, adin horretara egokitutako jarduera fisikoa edo baliabide komunitarioak eskaintzea ere.
EH Bilduk eskatuta Legebiltzarrean egindako hitzaldian, sailburuak 2023-2027 aldirako Euskadiko Adikzioen Planaren balantzea egin du, plana bere indarraldiaren erdialdera iritsi denean.
Hobetu beharreko gaien artean adikzioak dituzten pertsonak artatzeko ibilbideak aipatu ditu, sailburuak egungo osasun mentaleko sarea "ez delako homogeneoa", eta gerta daitekeelako "pertsona batek une jakin batean baliabide batetik bestera trantsizio erraza ez izatea". "Aitortzen dugu badugula handicap hori eta horretan lan egin behar dugula", esan du.
Zure interesekoa izan daiteke
?fmt=webp-alpha&qlt=80)
Aske gelditu dira Vito Quilesen ekitaldi baten harira izandako istiluengatik atxilotutako 28 pertsonak
Horietako hamaseiri desordena publikoaren delitua leporatu diete. Gainerako hamabiei, horrez gainera, agintaritzaren agenteen aurkako atentatua ere egotzi diete.
Eutanasia-eskaerak % 61 igo dira Euskadin, eta prozesuaren batez besteko iraupena 39,4 egunera jaitsi da
Ostegun honetan argitaratutako urteko txostenaren arabera, 2025ean 107 eskaera onartu ziren, 78 prestazio gauzatu ziren eta 31 pertsona hil ziren prozesua bukatu baino lehen.
Hiru pertsona ikertu dituzte Bizkaian, genero-indarkeriaren biktima baten datuak lortzeko guardia zibilena egiteagatik
Ikertuetako batek harreman sentimentala zuen emakumearekin, eta harekin bizi zen Barakaldon.
Gizon bat atxilotu dute Donostian, Egia auzoan izandako sexu-erasoaren egilea delakoan
Donostiako Udaleko Bozeramaileen Batzordeak elkarretaratzea deitu du biharko, 11:45ean, Alderdi Ederreko lorategietan.
Foruzaingoko lankideek minean bat egin eta babesa eman diete hildako bost agenteen familiei
Foruzainen hil-kapera izango da gaur Iruñeko San Alberto beilatokian. Etengabea da bertan goizean goizetik, senide, lagun eta lankideen joan-etorria. Istripuan zauritutako kamioiko gidariari sendagiria eman diote, baina shock egoeran dago.
Gasteizko Fournier lantegi zaharrean bizi ziren hiru lagun aterarazi dituzte, inguru horretan astebetean egin den bigarren kaleratzean
Ertzaintzak eta Gasteizko Udaltzaingoak, epailearen aginduz, Heraclio Fournier kaleko industria-nabean zeuden hiru pertsona aterarazi dituzte, baldintza eskasak eta segurtasun falta argudiatuta.
"Bizi Natura" saioaren unerik onenak: 2026ko ekainaren 3a, asteazkena
Oraingo honetan, Bizi Naturaren kamerek katagorrien, flamenkoen, txorien janlekuen, orkatzen eta abarren irudiak eskaini dizkigute.
Ibar auziko epaileak beste hilabete bat eman dio fiskalari lekuko berri bati buruzko erabakia har dezan
Pablo Ibarren defentsaren arabera, lekukoak erailketak egin zituzten bi pertsonak identifikatu zituen, eta horrek errugabetu egingo luke Ibar.
Minutu bateko isilune hunkigarria Nafarroako Parlamentuan, hildako bost foruzainen omenez
Gaurko saioaren hasieran, Unai Hualde Ganberako presidenteak Bozeramaileen Batzordean goizeko lehen orduan onartutako adierazpen instituzionala irakurri du, gertaerak eragindako "mina eta atsekabea" erakusten duen testua. Hildako bost foruzainak omentzeko Nafarroako Gobernuak zein Foruzaingoak antolatutako ekitaldi instituzionalekin bat egin du Ganberak.
Euskal Herriko mediku eta pediatrek pantailek arrisku larriak dakartzatela ohartarazi dute, eta ikasgeletan mugikorrik ez izatea eskatu
Altxa Burua mugimenduarekin batera, sendagileek eta pediatrek txosten bateratua plazaratu dute, lehenengoz. Lan horretan, pantailen aurrean denbora luzez egoteak adingabeengan dakarren eragin negatiboa aztertu dute; alde batetik, buru osasuna aipatu dute: loaren nahasmenduak, antsietatea... Bestetik, erabilera gehiegizkoak obesitatea, ikusmen-arazoak eta hizkuntzaren atzerapenak eragin ditzakeela ohartarazi dute.