Ez dute eragozpenik ikusten Garoñako itxiera atzeratzeko
Uste baino lehenago heldu da Espainiako Segurtasun Nuklearreko Kontseiluaren erabakia. Bere web orrialdean zintzikilikatuta dago eta garbi dio, ez duela erakunde horrek eragozpenik ikusten Garoñako zentral nuklearraren bizitza luzatzeko, ez du arazorik ikusten ez segurtasun nuklearraren ikuspegitik ezta babes radiologikoa kontutan hartuta ere.
Gaur bertan eman dio ebazpen horren berri Segurtasun Nuklearreko Kontseiluak Industria Ministerioari. Hori bai, hainbat hobekuntza egin beharko direla azpimarratu dute eta tartean Segurtasun Nuklearreko Kontseiluaren beste ebazpen bat ere egon beharko du, baina geroz eta libreago du Industria Ministerioak, Garoña 2013an ixteko dagoen azken agindua aldatu eta zentrala 2019. urterarte zabalik edukitzeko.
Garoñako zentral nuklearra estatu espainiarreko zaharrena da. Frankok inauguratu zuen eta 40 urtetarako diseinatu baldin bazuten ere, 41 urte daramatza zabalik.
Ebro ibaiaren ura berotu egin dela eta dituen regriferazio arazoak ere salatu berri dituzte talde ekologistek. Talde ekologistek protestak ere deitu dituzte, tartean datorren astearterako Bilbon Iberdrolako dorrearen aurrean egiteko.
Gasteiztik 45 kilometrotara, Bilbotik 80ra eta Japonen istripua izan zuen Fukushimako zentralaren bikia da Garoñakoa. Azken berriak Greenpeacetik, oso haserre, behar izan ezkero Europako Batzordera eta epaitegietara ere joko dutela esan dute.
Zure interesekoa izan daiteke
Kataluniak 10 mila euroko isuna jarri dio higiezinen agentzia bati arrazakeriagatik
Hamidek eta bere familiak hainbat saiakera egin zituzten Mataron etxebizitza bat alokatzeko. Baldintzak bete arren, beti ezezkoa jasotzen zuten. Diskriminazio tratua 13 aldiz salatu zuen Hamidek erakundeen aurrean.
Eusko Legebiltzarrak Korrikarekin bat egin du
Euskararen eta AEKren aldeko lasterketa martxoaren 27an iritsiko da Gasteizera eta, egun horretan ikusiko ditugu korrika legebiltzarkideak. Erakundearen izenean, Bakartxo Tejeria presidenteak eramango du lekukoa.
Lau adingabe ikertzen ari dira, Lasarte-Orian, bi gazte jipoitzea egotzita
Biktimak, 20 eta 17 urtekoak, Lasarte-Oriako ikastetxe bateko patioan zeuden eta zazpi gazteko talde bat hurbildu zitzaien zigarro bat eskatuz. Ezetz erantzun ondoren, horietako lau ukabilkadak ematen hasi zitzaizkien eta ospitalean artatu behar izan zituzten.
Gizon baten gorpua aurkitu dute Eskoriatzan, ibaian flotatzen
Herritar batek eman du abisua, 09:15 aldera. Deba ibaian hilotz bat ikusi du, udalerriko Aingeru Guarda auzoaren parean.
Iragarki faltsuen bidez iruzur egiten zuen talde kriminal bat desegin dute Bizkaian
Bost pertsona ikertzen ari dira, eta 'Negare' polizia operazioak zabalik jarraitzen du. Oraingoz, 28 kaltetu identifikatu dituzte, batzuk Araban (1), Gipuzkoan (1) eta Nafarroan.
Duela 4.000 urteko bisonte baten hezurdura topatu dute, ia osorik, Urbasan, eta Iberiar penintsulan dokumentatutako lehen bisonte europarra izan daiteke
Maria Chivite presidenteak eta Rebeca Esnaola Kultura eta Kirol kontseilariak "garrantzi zientifiko handiko" aurkikuntza aurkeztu dute astelehen honetan. Aurkikuntza “bakarra” da Iberiar penintsulan, eta Arrafela leizean egin zen, Kultura Departamentuak sustatutako esku-hartze arkeologiko batean, Euskal Herriko Unibertsitatearen eta Madrilgo Historia Naturalaren Museoaren parte-hartzearekin, besteak beste.
Donostiako Udalak atxilotuen jatorriaren berri emango du aurrerantzean
Bilbok eta Gasteizek ez bezala, Donostiak bat egin du Eusko Jaurlaritzako Segurtasun Sailak ezarritako irizpidearekin. Aurrerantzean, Donostiako Udaltzaingoak atxilotuen jatorria jakinaraziko du, hedabideek zein herritarrek eskatuta edo "egoerak hala eskatzen duenean".
Goiz korapilatsua Bilbo inguruko errepide nagusietan
Istripu bat izan da Barakaldon, Ansioko bihurguneetan, Donostiarako noranzkoan, eta pertsona bat ospitalera eraman dute, zauriturik. Bestalde, lau ibilgailuk talka egin dute Zamudion, Txorierrin, eta auto-ilarak izan dira goizean goiz.
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.