Errege-erreginak Iberdrola dorrearen jabe egin dira
Goizetik atzeman dugu gaurkoa ez zela ohiko egun bat. Izan ere, Euskadiko eraikinik garaiena -41 solairu ditu- inauguratu dute gaur. Aurretik dena atondu eta 11:00etarako prest geunden Multimediako lankidea (argazki-galeria egiteko erantzunkuzuna zuen) eta biok prentsa baimena jaso eta ekimenaren berri bertatik bertara emateko.
11:20. Eraikinaren sarreran Errege Etxeko segurtasun indarrak, batetik - traje apain-apaina eta errege-intsignia gorri eta doia bularrean- eta bi metal-detektagailu bestetik. 'Nortasun agiriak erakutsi mesedez', esan digute, gure gainerako objektuak txakur baten zaintzapean utzita. 11:30 dira, kontrola pasatuta, barruan gaude.
'#iberdrolara heldu gara', barruan gaudela esanez lehen tweeta bota dugu. Ekitaldia iPad bidez jarraitzeak mesfidantza, atentzioa, baina batez ere jakin-min asko sortu du. Argazkilariek mehatxuzko keinuak egin dizkiote, argazkiak 'azkarregi eta errazegi' ateratzen dituelako, kazetariek haren abantailak txalotu dituzte eta beste askok -politikariek zein segurtasuneko langileek- kuriositatez jarraitu dituzte kazetari 'friki' onen joan-etorriak.
400dik gora lagun gonbidatu dituzte. Politika, enpresa eta oro har euskal erakundeetako ordezkari andana bertaratu da. Antonio Basagoiti popularra gustura aritu da Ortuzar jeltzalearekin eta Ares sozialistarekin berbetan. Jose Antonio Ardanza lehendakari ohia, Juan Luis Ibarra EAEko Justizia Auzitegi Nagusiko presidentea eta Carlos Urquijo Espainiako Gobernuaren Euskadiko ordezkaria ere hitzorduan izan dira. Dorrearen handitasuna gutxietsi gabe, Bilboko txokorik kuttunena beste bat du Azkuna Bilboko alkateak: "San Antoneko Zubia da Bilboko ikurra zalantzarik gabe", esan du.
Bernabe Unda, Idoia Mendia eta Carlos Aguirre sailburuak Jose Antonio Pastorrekin aritu dira solasean. Kanpoan, ostera, bestelakoa zen giroa. Bildu, Aralar eta Ezker Anitza alderdiek talde ekologista eta sindikatuekin bat egin dute errege-erreginen bisitagatik protesta egiteko eta Garoñaren itxiera exijitzeko.
Urrunean, dorrearen sarrera nagusitik gertu, Ignacio Sanchez Galan Iberdrolako presidentea Javier de Andres Arabako ahaldun nagusiarekin ari zen hizketan, Arantza Quiroga Legebiltzarreko presidentearen konpainian. Hurbil zituzten, besteak beste, Patxi Lopez lehendakaria eta Jose Luis Bilbao Bizkaiko ahaldun nagusia. Une horretan, dantzaria eta txistulariak beraien tokian kokatzen ari ziren.
Bat-batean, ‘intsignia gizonak’ hurbildu zaizkigu. ‘Erredaktoreak, pianoaren atzealdera; zuek baduzue argazkilaria’. iPad erremintarekin argazkiak momentuan bidal daitezkeela ulertu gabe joan da gizona. Pianoa nuen zain une horretan.
Juan Carlos eta Sofia ordu laurden geroago iritsi dira. Vicente del Bosque Espainiako futbol hautatzailea ere ikusi dugu. Kanpoko protesten ahotsak sakon eta indartsu entzutea ahalbideratu duen isilune baten ondoren iritsi dira Juan Carlos eta Sofia. Lehendakariak eta Jose Manuel Soria Industria, Energia eta Turismo ministroak eman die ongi-etorria. Elkar agurtu, ohorezko aurreskua ikusi eta Cesar Pelliren azalpenak entzun dituzte ondoren. Iberdrolako presidentearen hitzaldia amaituta, Bilboko Abesbatzak musikaz jantzi du dorrearen ataria, piano baten soinuarekin.
Ekitaldia Abesbatzarekin batera bukatu da; prentsako lankideentzat behintzat bai. ‘Intsignia gizonek’ aretotik joateko esan digute, kale gorrira zuzenean. Lehen zerbitzariak ikusi ditugu, kopaz betetako erretiluekin, guk ‘agur’ esaten genuen une berean. Hara joandakoek Euskadin Michelin izarra duten lau sukaldarien pintxoak jan dituzte. Eneko Atxak -bi izar ditu-, Daniel Garciak, Josean Martinez Alijak eta Fernando Canalesek hartu dute une horretan protagonismo guztia.
Goizetik atzeman dugu gaurkoa ez zela ohiko egun bat. Izan ere, Euskadiko eraikinik garaiena -41 solairu ditu- inauguratu dute gaur. Aurretik dena atondu eta 11:00etarako prest geunden Multimediako lankidea (argazki-galeria egiteko erantzunkuzuna zuen) eta biok prentsa baimena jaso eta ekimenaren berri bertatik bertara emateko.11:20. Eraikinaren sarreran Errege Etxeko segurtasun indarrak, batetik - traje apain-apaina eta errege-intsignia gorri eta doia bularrean- eta bi metal-detektagailu bestetik. 'Nortasun agiriak erakutsi mesedez', esan digute, gure gainerako objektuak txakur baten zaintzapean utzita. 11:30 dira, kontrola pasatuta, barruan gaude.'#iberdrolara heldu gara', barruan gaudela esanez lehen tweeta bota dugu. Ekitaldia iPad bidez jarraitzeak mesfidantza, atentzioa, baina batez ere jakin-min asko sortu du. Argazkilariek mehatxuzko keinuak egin dizkiote, argazkiak 'azkarregi eta errazegi' ateratzen dituelako, kazetariek haren abantailak txalotu dituzte eta beste askok -politikariek zein segurtasuneko langileek- kuriositatez jarraitu dituzte kazetari 'friki' onen joan-etorriak.400dik gora lagun gonbidatu dituzte. Politika, enpresa eta oro har euskal erakundeetako ordezkari andana bertaratu da. Antonio Basagoiti popularra gustura aritu da Ortuzar jeltzalearekin eta Ares sozialistarekin berbetan. Jose Antonio Ardanza lehendakari ohia, Juan Luis Ibarra EAEko Justizia Auzitegi Nagusiko presidentea eta Carlos Urquijo Espainiako Gobernuaren Euskadiko ordezkaria ere hitzorduan izan dira. Dorrearen handitasuna gutxietsi gabe, Bilboko txokorik kuttunena beste bat du Azkuna Bilboko alkateak: "San Antoneko Zubia da Bilboko ikurra zalantzarik gabe", esan du.Bernabe Unda, Idoia Mendia eta Carlos Aguirre sailburuak Jose Antonio Pastorrekin aritu dira solasean. Kanpoan, ostera, bestelakoa zen giroa. Bildu, Aralar eta Ezker Anitza alderdiek talde ekologista eta sindikatuekin bat egin dute errege-erreginen bisitagatik protesta egiteko eta Garoñaren itxiera exijitzeko.Urrunean, dorrearen sarrera nagusitik gertu, Ignacio Sanchez Galan Iberdrolako presidentea Javier de Andres Arabako ahaldun nagusiarekin ari zen hizketan, Arantza Quiroga Legebiltzarreko presidentearen konpainian. Hurbil zituzten, besteak beste, Patxi Lopez lehendakaria eta Jose Luis Bilbao Bizkaiko ahaldun nagusia. Une horretan, dantzaria eta txistulariak beraien tokian kokatzen ari ziren.Bat-batean, ‘intsignia gizonak’ hurbildu zaizkigu. ‘Erredaktoreak, pianoaren atzealdera; zuek baduzue argazkilaria’. iPad erremintarekin argazkiak momentuan bidal daitezkeela ulertu gabe joan da gizona. Pianoa nuen zain une horretan.Juan Carlos eta Sofia ordu laurden geroago iritsi dira. Vicente del Bosque Espainiako futbol hautatzailea ere ikusi dugu. Kanpoko protesten ahotsak sakon eta indartsu entzutea ahalbideratu duen isilune baten ondoren iritsi dira Juan Carlos eta Sofia. Lehendakariak eta Jose Manuel Soria Industria, Energia eta Turismo ministroak eman die ongi-etorria. Elkar agurtu, ohorezko aurreskua ikusi eta Cesar Pelliren azalpenak entzun dituzte ondoren. Iberdrolako presidentearen hitzaldia amaituta, Bilboko Abesbatzak musikaz jantzi du dorrearen ataria, piano baten soinuarekin.Ekitaldia Abesbatzarekin batera bukatu da; prentsako lankideentzat behintzat bai. ‘Intsignia gizonek’ aretotik joateko esan digute, kale gorrira zuzenean. Lehen zerbitzariak ikusi ditugu, kopaz betetako erretiluekin, guk ‘agur’ esaten genuen une berean. Hara joandakoek Euskadin Michelin izarra duten lau sukaldarien pintxoak jan dituzte. Eneko Atxak -bi izar ditu-, Daniel Garciak, Josean Martinez Alijak eta Fernando Canalesek hartu dute une horretan protagonismo guztia.
Zure interesekoa izan daiteke
Lau adingabe ikertzen ari dira, Lasarte-Orian, bi gazte jipoitzea egotzita
Biktimak, 20 eta 17 urtekoak, Lasarte-Oriako ikastetxe bateko patioan zeuden eta zazpi gazteko talde bat hurbildu zitzaien zigarro bat eskatuz. Ezetz erantzun ondoren, horietako lau ukabilkadak ematen hasi zitzaizkien eta ospitalean artatu behar izan zituzten.
Gizon baten gorpua aurkitu dute Eskoriatzan, ibaian flotatzen
Herritar batek eman du abisua, 09:15 aldera. Deba ibaian hilotz bat ikusi du, udalerriko Aingeru Guarda auzoaren parean.
Iragarki faltsuen bidez iruzur egiten zuen talde kriminal bat desegin dute Bizkaian
Bost pertsona ikertzen ari dira, eta 'Negare' polizia operazioak zabalik jarraitzen du. Oraingoz, 28 kaltetu identifikatu dituzte, batzuk Araban (1), Gipuzkoan (1) eta Nafarroan.
Duela 4.000 urteko bisonte baten hezurdura topatu dute, ia osorik, Urbasan, eta Iberiar penintsulan dokumentatutako lehen bisonte europarra izan daiteke
Maria Chivite presidenteak eta Rebeca Esnaola Kultura eta Kirol kontseilariak "garrantzi zientifiko handiko" aurkikuntza aurkeztu dute astelehen honetan. Aurkikuntza “bakarra” da Iberiar penintsulan, eta Arrafela leizean egin zen, Kultura Departamentuak sustatutako esku-hartze arkeologiko batean, Euskal Herriko Unibertsitatearen eta Madrilgo Historia Naturalaren Museoaren parte-hartzearekin, besteak beste.
Donostiako Udalak atxilotuen jatorriaren berri emango du aurrerantzean
Bilbok eta Gasteizek ez bezala, Donostiak bat egin du Eusko Jaurlaritzako Segurtasun Sailak ezarritako irizpidearekin. Aurrerantzean, Donostiako Udaltzaingoak atxilotuen jatorria jakinaraziko du, hedabideek zein herritarrek eskatuta edo "egoerak hala eskatzen duenean".
Goiz korapilatsua Bilbo inguruko errepide nagusietan
Istripu bat izan da Barakaldon, Ansioko bihurguneetan, Donostiarako noranzkoan, eta pertsona bat ospitalera eraman dute, zauriturik. Bestalde, lau ibilgailuk talka egin dute Zamudion, Txorierrin, eta auto-ilarak izan dira goizean goiz.
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.