Gazte bat jipoitzeagatik gizon bat atxilotu dute Bilbon

Ertzaintzak 33 urteko gizonezko bat atxilotu zuen atzo Bilbon, gerriko batekin beste gizonezko bati jotzeagatik. Liskarrean, hortz bat kendu zion biktimari eta ospitalean artatu behar izan zuten.

Herrizaingo Sailak adierazi duenez, liskarra 04:15ean gertatu zen, Concha Jeneralaren kalean. Ertzaintzaren patruila batek liskarra ikusi zuen eta agenteek bi gizonezkoak banandu zituzten. Horietako bat lurrean odoletan zegoela ikusi zuten, izan ere, jipoiaren ondorioz hortz bat galdu zuen. Anbulantzia batek Basurtuko ospitalera eraman zuen eta puntuak eman behar izan zizkioten.

Ertzaintzak lesio delitua egotzita, beste gizonezkoa atxilotu zuen.