Euskaraz bizitzeko nahia, esparru ezberdinetan aldarrikatzeko deia
Euskaraz bizitzeko aldarria kalera ateratzerako deia egin du Kontseiluak eta euskaraz lan egiten duten aurpegi ezagunek atxekimendua agertu diote abenduaren 1ean "Euskaraz Bizi Nahi dugu” lelopean Donostian egingo den manifestazioari.
Joxe Juan Ugalde Euskadi Irratiko lankideak irakurri duen agirian, "Euskaraz bizi nahi dugu, horixe delako gure hizkuntza", aldarrikatu du. "Natural sentitzen duguna, natural egiten duguna eta egiten gaituena. Euskaldunak gara eta hala izan nahi dugu gero ere. Ez da ordea, osoki norberaren esku dagoen zerbait", azpimarratu du.
Hori lortzeko euskara ezagutzea ezinbestekoa dela esan dute eta ezinbestekoa izateaz gain, eskubidezkoa ere badela gaineratu dute.
Kontseiluko idazkari nagusiak, Paul Bilbaok, euskaraz bizitzeko nahia adieraztera animatu die herritarrei.
Sare sozialetarako ere deialdia egin dute. Horretarako "zer da zuretzat euskaraz bizitzea?" galderari erantzuteko proposamena egin dute. 140 karakteretan, Twitter-en esandako galderari erantzutea eskatu diete herritarrei, "#euskarazbizinahidut hitz gakoa erabiltzeko proposamena egiten diegu”, esan du
Bilbaok.
Euskararen Legeak 30 urte
30 urte bete ditu Euskararen Legeak, bi zutabe nagusi dituen araudiak: erakundeetan euskaraz artatua izateko eskubidea aitortzen du batetik, eta ondorioz, eta bigarrenik, EAEn dauden administrazio publikoen euskalduntzea bultzatzen du, legeak berak dioenez, modu progresiboan.
1982an, Pedro Miguel Etxenikek onartu zuen legea hezkuntza sailburu zenean, EAJ, PSE, UCD eta Euskadiko Ezkerraren babesarekin.
Hala ere, Etxenikek berak onartu du aurrera egin den arren, asko dagoela egiteko oraindik eta horretarako zenbait arlo aipatu ditu, besteak beste, Ertzaintza, Justizia, eta Osakidetza. Hala ere, etorkizuna legean baino euskaldunen borondatean dagoela gaineratu du.
Jaurlaritzak Miramar jauregian ospatu du goizean legearen urteurrena.
Hala ere, denek ez dute uste ospatzeko eguna denik. Euskal Herrian Euskaraz elkarteak salatu duenez, "hizkuntza normalizatzea helburu zuen legea izan arren, 30 urteren ostean, aurrez erdarek inposatutako mugak ez dira gainditu".
Zenbait arlotan aurrera egin dela dio Euskal Herrian Euskaraz elkarteak, baina gaur egun oraindik "euskaraz bizi nahi izatea inposizioa dela sinetsarazi nahi digutela" salatu du, eta "horrek frogatzen du erakunde honen irudiko legeak helburuak bete gabe jarraitzen duela".
Salaketa gisara gaur giza katea egingo du mugimendu honek Gasteizko Legebiltzarraren inguruan “Euskaraz bizi gaitezen, aska ditzagun kateak” lelopean.
Ezker Abertzaleak ere bat egin du mobilizazioarekin. Ohar batean adierazi dutenez, "azken hiru hamarkadetako hizkuntza politikekin jarraituz gero, euskara hizkuntza minorizatua izatera kondenatua dagoelako".
EH Bilduk beste estatus juridiko bat eskatu du
Euskararen Legeak 30 urte bete dituen arren, oraindik euskara "arriskuan" dagoela esan du EH Bilduk, horregatik, "estatus juridiko berri bat egiteko akordio nazional" batera iristeko eta "Euskal Herri osoan ofizial egiteko" proposamena egin du.
Azken hiru hamarkadatan "gizarteko arlo guztietan lan handia" egin dela onartu duen arren, euskarak "hizkuntza normalizatua izan gabe" jarraitzen duela kritikatu du koalizioak.
Hori dela eta, EH Bilduk politika linguistiko "eraginkorrago bat" nahi duela esan du, eta horretarako estatu juridiko berri bat eta neurri "ausartagoak" behar direla uste du.
Euskaraz bizitzeko aldarria kalera ateratzerako deia egin du Kontseiluak eta euskaraz lan egiten duten aurpegi ezagunek atxekimendua agertu diote abenduaren 1ean "Euskaraz Bizi Nahi dugu” lelopean Donostian egingo den manifestazioari.Joxe Juan Ugalde Euskadi Irratiko lankideak irakurri duen agirian, "Euskaraz bizi nahi dugu, horixe delako gure hizkuntza", aldarrikatu du. "Natural sentitzen duguna, natural egiten duguna eta egiten gaituena. Euskaldunak gara eta hala izan nahi dugu gero ere. Ez da ordea, osoki norberaren esku dagoen zerbait", azpimarratu du.Hori lortzeko euskara ezagutzea ezinbestekoa dela esan dute eta ezinbestekoa izateaz gain, eskubidezkoa ere badela gaineratu dute.Kontseiluko idazkari nagusiak, Paul Bilbaok, euskaraz bizitzeko nahia adieraztera animatu die herritarrei.Sare sozialetarako ere deialdia egin dute. Horretarako "zer da zuretzat euskaraz bizitzea?" galderari erantzuteko proposamena egin dute. 140 karakteretan, Twitter-en esandako galderari erantzutea eskatu diete herritarrei, "#euskarazbizinahidut hitz gakoa erabiltzeko proposamena egiten diegu”, esan duBilbaok.Euskararen Legeak 30 urte30 urte bete ditu Euskararen Legeak, bi zutabe nagusi dituen araudiak: erakundeetan euskaraz artatua izateko eskubidea aitortzen du batetik, eta ondorioz, eta bigarrenik, EAEn dauden administrazio publikoen euskalduntzea bultzatzen du, legeak berak dioenez, modu progresiboan. 1982an, Pedro Miguel Etxenikek onartu zuen legea hezkuntza sailburu zenean, EAJ, PSE, UCD eta Euskadiko Ezkerraren babesarekin. Hala ere, Etxenikek berak onartu du aurrera egin den arren, asko dagoela egiteko oraindik eta horretarako zenbait arlo aipatu ditu, besteak beste, Ertzaintza, Justizia, eta Osakidetza. Hala ere, etorkizuna legean baino euskaldunen borondatean dagoela gaineratu du.Jaurlaritzak Miramar jauregian ospatu du goizean legearen urteurrena.Hala ere, denek ez dute uste ospatzeko eguna denik. Euskal Herrian Euskaraz elkarteak salatu duenez, "hizkuntza normalizatzea helburu zuen legea izan arren, 30 urteren ostean, aurrez erdarek inposatutako mugak ez dira gainditu". Zenbait arlotan aurrera egin dela dio Euskal Herrian Euskaraz elkarteak, baina gaur egun oraindik "euskaraz bizi nahi izatea inposizioa dela sinetsarazi nahi digutela" salatu du, eta "horrek frogatzen du erakunde honen irudiko legeak helburuak bete gabe jarraitzen duela". Salaketa gisara gaur giza katea egingo du mugimendu honek Gasteizko Legebiltzarraren inguruan “Euskaraz bizi gaitezen, aska ditzagun kateak” lelopean. Ezker Abertzaleak ere bat egin du mobilizazioarekin. Ohar batean adierazi dutenez, "azken hiru hamarkadetako hizkuntza politikekin jarraituz gero, euskara hizkuntza minorizatua izatera kondenatua dagoelako".EH Bilduk beste estatus juridiko bat eskatu duEuskararen Legeak 30 urte bete dituen arren, oraindik euskara "arriskuan" dagoela esan du EH Bilduk, horregatik, "estatus juridiko berri bat egiteko akordio nazional" batera iristeko eta "Euskal Herri osoan ofizial egiteko" proposamena egin du.Azken hiru hamarkadatan "gizarteko arlo guztietan lan handia" egin dela onartu duen arren, euskarak "hizkuntza normalizatua izan gabe" jarraitzen duela kritikatu du koalizioak.Hori dela eta, EH Bilduk politika linguistiko "eraginkorrago bat" nahi duela esan du, eta horretarako estatu juridiko berri bat eta neurri "ausartagoak" behar direla uste du.
Zure interesekoa izan daiteke
Uda honetan Euskadiko errepideetan saihestu beharreko puntu kritikoak
Irteera Operaziorako dispositibo berezia bihar, ostirala, jarriko da martxan 15:00etan, orduantxe espero baitira uda honetako lehen auto-ilarak errepideetan. Eusko Jaurlaritzaren aurreikuspenen arabera, nazioarteko 2,27 milioi ibilgailuk zeharkatuko dute erkidegoa uda honetan, hau da, iaz baino % 6 gehiagok.
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Atxilotuak 10 emakume eta bost gizon dira. "XXI. mendeko esklabotzaz ari gara; emakumeen eta nesken salerosketak pertsonen duintasunaren eta gizateriaren beraren aurka egiten baitu", azpimarratu du Marisol Garmendia Espainiako Gobernuak EAEn duen ordezkariak.
Bihartik aurrera, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Suaren arrazoiak ez dira jakitera eman oraindik. Suhiltzaileek sua itzali dute eta ez da inor zauritu.
Baduzu ezagunik Venezuelan? Hauek dira eskura dituzun telefono zenbakiak informazioa lortzeko
Espainiako eta Venezuelako Gobernuek hainbat bide jarri dituzte herritarren eskura herrialdeko lurrikararekin lotutako laguntza emateko.
Galarretako sutea gehiago ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz Parke Naturaleko sutea itzaltzeko lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30 aldera izan da. Harekin zegoen lagun taldeak abisua eman du, urazalean dutenean. Ertzaintzak bere gain hartu du ikerketa.
Biarrizko itsasargiko erlaitza erori da, eta, ondorioz, pertsona bat hil da eta beste bat agertu barik dago
Asteazken arratsaldean Biarrizko Miramar hondartzaren eta itsasargiaren ondoan luizia izan da. Inguruan zeuden bi pertsonetako baten gorpua atera dute larrialdietako taldeek.