Haurra hiltzea egotzita, kartzelara bidali dute haren ama Asturiasen
Aste honetan 54 eguneko haur bat hil zen Asturiasen, ustez gurasoek emandako tratu txarren ondorioz, eta gaur epaileak kartzelara bidali du ama, hilketa delitua egotzita. Bestalde, aita karguekin aske gelditu da, eta hamabost egunero sinatzera joan beharko du epaitegira.
Bi orduz deklaratu dute haurraren gurasoek epailearen aurrean, Asturiasko Auzitegi Nagusiko iturriek jakinarazi dutenez. Epaileak behin behinean kartzelara bidali du haurraren ama, fidantzarik gabe. Bi delitu egotzi dizkio epaileak: hilketa eta lesioak eragitea. Emakumearen abokatuak helegitea aurkeztuko du.
Urtarrilaren 10ean jaio zen haurra, eta gurasoek Gijongo ospitalera eraman zuten martxoaren 5ean gorputzean zituen lesioak sendatzeko. Zaurien larritasuna ikusita, handik Oviedora eraman zuten haurra osasun langileek, baina astearte honetan hil egin zen ospitalean bertan.
Poliziak asteartean atxilotu zituen bigarren aldiz gurasoak, haurra hil eta gero. Aurrez, haurra Oviedon ospitaleratu zutenean, atxilotu egin zituzten gurasoak, baina Oviedoko 4. zenbakiko instrukzio epaitegiak behin behinean aske utzi zituen martxoaren 7an.
Halaber, behin behinean beste bi haurren zaintza kendu zion epaileak amari, eta ezingo du ez beraiengana hurbildu, ezta beraiekin harremanetan jarri ere. Epaileak haurren zaintza kendu zion aitari ere.
Haurraren gurasoek ez dute aurrez tratu txarrak emateagatik salaketarik izan.
Zure interesekoa izan daiteke
Kamioi bat irauli da AP-8 autobidean, Iurreta parean, eta itxi egin behar izan dute
Irunerako noranzkoan gertatu da istripua. Autobideko zirkulazioa etenarazi dute, larrialdi-zerbitzuak ibilgailua kentzeko lanean ari diren bitartean.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrei gehien kezkatzen dien beste beldur batzuk dira gertuko senide bat galtzea, osasuna galtzea, itsu geratzea edo minbizia hartzea.
Gorpu bat aurkitu dute itsasoan, Ondarroa eta Lekeitio artean
Gorpua ezin izan dute identifikatu, baina baliteke asteartean Mendexan desagertutako 82 urteko arrantzalea izatea.
Tasa turistikoa 2027ko urtarrilaren 1etik aurrera ezarriko da Euskadin
Gipuzkoako Foru Aldundiak turismoari lotutako zerga berria arautzen duen Foru Arauaren proiektua onartu du. Zergaren oinarria gau kopuruaren arabera kalkulatuko da.
76 urteko gizon bat eta 38 urteko emakume bat atxilotu dituzte, Bilbon, emakume bati sexu-erasoa egiteagatik
Biktima atxilotuekin batera Santutxuko Karmelo kaleko etxebizitza batera igo omen zen.
Dozenaka lagunek justizia eskatu dute Parisen hildako gazte tolosarrarentzat
"Justizia Dalianentzat" lelopean, Parisen hil zuten Tolosako bizilagunaren senide eta lagunek elkarretaratzea egin dute gaur arratsaldean. Martxoaren hasieran aurkitu zuten haren gorpua, Frantziako hiriburuko etxebizitza batean.
Bi gizon inputatu dituzte Artxandako hilketagatik, eta beste hiru krimen hura ezkutatzeagatik
2023ko abuztuan, gizonezko baten gorpua aurkitu zuten, zatituta eta erreta, maleta baten barruan, Artxandan dagoen abandonatutako eraikin batean.
Goiz korapilatsua Txorierriko errepideetan, Asua parean bederatzi autoren artean izandako talka baten ondorioz
Istripuaren ondorioz, bideko lau erreietatik hiru itxi behar izan dituzte puntako orduan, eta auto-ilara luzeak sortu dira inguruan: Artatzan, Arrontegin, Barakaldon eta Gurutzetan. Behin ibilgailuak bidetik kenduta, egoera bere onera itzultzen joan da. Arazoak izan dira, halaber, A8an, Kantabriarako noranzkoan, San Mames parean istripu bat izan baita. Gipuzkoarako noranzkoan, gainera, trafikoa astuna izan da.