Biktimen elkarteak akusazio partikular izatea eskatu du
3 de Julio de 2006 Valentziako metro istripuaren biktimen elkarteak hemendik aurrera auziko eginbide guztietan akusazio partikular izatea eskatu du gaur. 2006ko uztailaren 3an Valentziako Metroaren 1. linean izan zen istripua "eragin ahal izan zuten balizko kausa guztiak benetan ikertzea" da taldearen helburua. Istripu hartan, 43 pertsona hil ziren, eta 47 zauritu.
Elkarteak idazki bat aurkeztu du gaur Valentzian, Justiziaren Hiriko erregistroan, auzian pertsonatzea eskatzeko. 21 zenbakiko epaitegiko epaileak du orain hitza, uztailean Fiskaltzak auzia berriz zabaltzeko eskatu eta gero, oraindik ez baitu erantzunik eman eta, hortaz, auzian ez baita oraindik berritasunik izan.
Uztailaren 22an, istripuaren ondoren abiatutako eginbideak berriz zabaltzeko eskatu zuen Fiskaltzak; izan ere, haren aburuz, "gertakari eta datu berriak daude, baita bere garaian kontuan hartu ez baziren ere istripua izan zuen trenaren egoeran eragina izan zezaketen beste elementu batzuk ere".
Beatriz Garrote istripuaren biktimen elkarteko presidentearen hitzetan, Fiskaltzak zer eginbide eskatu dituen jakiteko pertsonatu nahi dute auzian, "horiekin bat egin edo beste batzuk eskatu behar ditugun jakiteko".
Gainera, auziaren instrukzio "oso, serio eta zabala abiatzea eta, erantzukizuna gidariaren bizkar bakarrik jarri barik, istripuaren balizko kausa guztiak eta segurtasun neurri nahikorik izan ote zen aztertzea" nahi du elkarteak.
Vicente Baeza elkartearen legezko ordezkariak esan duenez, pertsonazioa onartzen badute –"10 edo 15 eguneko epean jakingo da hori"- elkarteak auziaren inguruko informazio guzti-guztia izango du eskura.
"Instrukzioaren ardura duen epaileak ez zigun inoiz gehiegizko abiaduraren argumentuari ez zegokion ezer esaten utzi. Gure ustez, gauzak ez ziren behar bezala aurreikusi eta ez zegoen segurtasun neurri nahikorik. Gainera, ez zegoen konboiak bihurgunea gehiegizko abiaduran ez hartzeko balizarik, eta horrek eragin zuen tragedia, Santiagoko istripuan bezala", esan du Baezak.
Beatriz Garrote elkarteko presidentearen esanetan, "itxaropentsu" daude "istripua argitzeko eta instrukzio duin eta bidezkoa izateko aukera berri" honen aurrean; hala ere, "zuhur" jokatu nahi dute.
Zure interesekoa izan daiteke
Aske utzi dute Barakaldon udaltzain baten tiroa jaso zuen ustezko lapurra
Gizonak arma zuri batekin egin zien mehatxu poliziei, eta udaltzain batek hanka batean tiro egin ostean atxilotu zuten.
EHUn ke poteak jaurti eta pankartak jarri direla eta, epelkeria ukatu eta salbuespenak direla esan du Bengoetxeak
EHUko errektoreak azaldu duenez, jarduera protokolo bat prestatzen ari dira, hezkuntza komunitate osoaren ekarpenak bilduta, erakundearen barruan errespetua eta bizikidetza sustatzeko.
Beste bi gizon atxilotu dituzte Gasteizen, adingabe bat sastatzea leporatuta
Aurretik atxilotutako bost gazteek bezala, 19 eta 20 urte bitartean dituzte. Ertzaintzak labanak eta mailuak zituen poltsa bat topatu zuen horien autoan, eta konfiskatu egin zizkieten.
Behin-behinean aske utzi du epaileak Basaurin bikotekidearen heriotzarekin zerikusia zuelakoan atxilotutako gizona
45 urteko gizona 15:00ak aldera eraman dute epaitegira, eta epaileak behin-behinean aske utzi du baina egunero auzitegira joateko aginduarekin. Pasaportea ere kendu diote.
Basauriarrek bigarrenez gaitzetsi dute Amaiaren hilketa matxista
Udalak deituta, elkarreratze isila egin dute eguerdian Azaroak 25 plazan, sortzez Berangokoa zen 44 urteko emakumearen hilketa salatzeko. Hain justu, Berangoko Udalak beste bilkura bat deitu du astearterako.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. Ikerketaren iturriek EITBri baieztatu diotenez, urruntze agindu bat zegoen indarrean, baina atxilotuak askotan urratzen zuen.
17 urteko mutil batek polizia-kontrol batetik ihes egin du asegururik eta IATrik ez zuen auto batekin, Beriainen
Adingabeak giltzak ostu zizkion amari, eta jazarpen arriskutsu baten ostean, egindakoa "Instan argitaratuko ote zen" galdetu zien agenteei.
Adingabe bat sastatzeagatik Murgian atxilotutako bost gazteek polizia-etxean jarraitzen dute
Erasoa ostegun arratsaldean gertatu zen, Gasteizko Oto etorbidean.
Gizon bat atxilotu dute Barakaldon, indarkeriaz egindako lapurreta bat artatzera joandako udaltzainei labanaz mehatxu egitea egotzita
Agenteak taser pistola bat erabiliz saiatu ziren hura geldiarazten, eta ez zutela lortzen ikusita, tiro egin zioten hanka batean. Atxilotua Gurutzetako Ospitalera eraman zuten gero, baina arriskutik kanpo dago.
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.