Antzuolako ezbeharra ikertuko du Gipuzkoak, 'ardurak argitzeko'
Asteazken honetan Antzuolan, Beasain eta Durango lotzeko korridorearen lanetan, jazo den lan istripua ikertuko du Gipuzkoako Foru Aldundiak, "egon daitezkeen ardurak argitzeko".
33 urteko langile bat hil da goizean Beasain Durangorekin lotzeko Gipuzkoako Foru Aldundia egiten ari den korridorean. Gidatzen ari zen Dumper kamioia 10 metroko ezponda batetik jausi eta irauli egin da, Segurtasun Sailak zehaztu duenez.
Ezbeharra 8:10ean jazo da. Lanean zebilen Dumper kamioi bat ezponda batetik behera jausi eta irauli da, langilea bertan harrapatuta. Ibilgailu barruan zegoen behargina ateratzeko suhiltzaileak bertaratu badira ere, haren heriotza baieztatu baino ezin izan dute egin osasun zerbitzuek.
Irailean EAEn hil den 6. langilea da honakoa.
Gipuzkoak gertatutako ikertuko du
Heriotza deitoratu du Gipuzkoako Foru Aldundiak ohar batean. Agirian adierazi duenez, "garrantzitsua da oso prebentzio eta lan harreman eredu berri bat sustatzea, lan duin eta ziur bat ardatz izanda".
Larraitz Ugarte Mugikortasun eta Bide Azpiegiturako foru diputatua eta Joseba Altube Bide Azpiegituren zuzendaria Altzuolan izan dira, istripua izan den lekuan.
Balaztak txarto zeuden, sindikatuen arabera
Istripu honen atzean dauden lan baldintza eskasak eta makineriaren egoera kaskarra salatu dute ELA, LAB, CCOO eta UGT sindikatuek. ELAk eta CCOOk ezbeharra salatzeko elkarretaratzeak deitu dituzte biharko, 12:00etan.
ELAk ohar batean adierazi duenez, hildako behargina UTE-Lapatzak azpikontratatutako Aballa S.L enpresakoa zen. Gidatzen zuen Dumper kamioiaren balaztek "kale egin dute" eta ibilgailutik irteten saiatzean, "azpian harrapatu du". Radio Euskadin egindako elkarrizketa batean Leire Heredia ELAren Lan Segurtasuneko kideak esan duenez, "orain aste batzuk sustoa izan zen gaur istripua izan duen kamioiarekin".
Hain justu, hildako beharginak lan egiten zuen enpresaren kontrako salaketa bat bazegoela jakinarazi du ELAk. Urnietako Aballa enpresa Lan Ikuskaritzan salatu zuen irailaren 11n. Sindikatu horren arabera, beharginek "lanaldi luzeak" egiten dituzte eta "presiopean" daude, "lan hitzarmena urratuz". Bilera izan zuten atzo sindikatuko ordezkariak eta enpresako gerenteak auzia aztertzeko.
Istripua ikertzeko eta 'ardurak argitzeko" galdegin du sindikatuak. Haren hitzetan, "ezbeharrak agerian utzi du makineriaren mantentze lan falta eta herri lanak gai horretan agertu duen utzikeria".
Ildo beretik mintzatu da CCOO. Salatu duenez, "gaur istripua izan duen ibilgailuak zigilatuta behar zuen, balaztak txarto zituelako".
LABen iritzian, "lan baldintzak aldatzen ez diren artean", istripuak egoten jarraituko du. Azpikontratak, enpleguaren behin-behinekotasuna, obren kontrol falta eta lan hitzarmenen urratze sistematikoa aipatu ditu adibide gisa.
Herri lanetan dauden segurtasun neurriak bermatzeko "ikuskatzeak gogortzeko" eskatu du UGTk, diru publikoz egindako lanak "eredugarri" izan behar baitira. Antzuolako istripua ikertzeko galdegin du, era berean.
Zure interesekoa izan daiteke
Bilbo Handiko errepideak kolapsatuta egon dira, hiru autok eta kamioi batek talka egin ostean
Txorrierriko igarobidean gertatutako istripuaren ondorioz, bi errei itxi dituzte Donostiarako noranzkoan, eta ilarak BI-10 errepideraino iritsi dira.
Indarkeria zantzuak dituen gizon baten gorpua aurkitu dute Ganguren gainaren inguruan
Ertzaintzaren lehen ikerketei esker jakin dutenez, Barakaldoko 60 urteko gizon bat da, eta asteazkenetik zegoen desagertuta.
Denis Itxasok zuzkidurako 200 etxebizitza iragarri ditu Loiolako Erriberetan, Pradalesek 400 iragarri ostean
Etxebizitza eta Hiri Agendako sailburuak "lanerako hipotesi gisa" planteatu ditu zenbaki horiek. Jon Insausti Donostiako alkateak eta Imanol Pradalesek bezperan adierazi zuten eraiki beharreko pisuak halako bi izango zirela.
Gizon bat atxilotu dute Madrilen, alaba adingabeari sexu erasoak egin eta sarean zuzenean emateagatik
Atxilotuak material pornografikoa eskaintzen zuen aplikazio batean, txanpon birtualen truke. Epailearen aurretik igaro ondoren, baldintzarik gabe espetxeratzeko agindu zuen, haur pornografia eta sexu erasoak leporatuta.
Pertsona bat atxilotu dute Arrontegiko zubitik oinez zihoala
Atxilotuak uko egin dio bertatik alde egiteari eta bere burua identifikatzeari, nahiz eta arrisku handia izan berarentzat eta gidarientzat.
Gorpu bat aurkitu dute Malagan, emakume bat ibaira erori zen tokitik gertu
Guztira, 8.000 pertsona ebakuatu dituzte Andaluzian Leonardo depresioaren ondorioz. Aurreko egunetan baino euri gutxiago egin du gaur, ostirala, baina asteburuari begira Marta izeneko depresio batek euri zaparrada mardulak eragingo ditu.
32 urteko emakume bat hil da N-121 errepidean, Bardean, auto batek eta kamioi batek elkar jota
Talkaren ondorioz, kamioia erabat erre da, baina gidaria onik atera da. Auto-gidaria, Tuterako 32 urteko bizilagun bat, berriz, oso larri eraman dute Nafarroako Unibertsitate Ospitalera, eta bertan hil da.
Errege Kopako finalerdien zozketa ETB On-en eta kirolakeitb.eus atarietan streamingez, 13:00etik aurrera
Athletic eta Realaz gainera, Bartzelona eta Atletico Madril sartuko dira zozketa honetan.
Leonardo borraskak gutxienez 7 zauritu, desagertutako emakume bat, Grazaleman (Cadiz) husteak eta gainezka egindako ibaiak utzi ditu
Pasa den astelehenean Leonardo borraska Andaluziara iritsi zenetik, larrialdi zerbitzuek 2.231 intzidentzia baino gehiago kudeatu dituzte, eta Malagako Sayalonga udalerrian ibaira erori zen emakumearen bila jarraitzen dute. Egoera larriena Cadizen gertatzen ari da.
EHE-ko lau ekintzaile Baionako auzitegitik bota dituzte, euskaraz deklaratzen saiatzeagatik
Eraikin ofizial batean “Euskaraz bizi nahi dugu” leloa margotzeagatik auzipetuta daude lau lagunak eta gaur, epaiketan, euskaraz deklaratzeko eskubidea ukatu zaie, epaiketa bera “euskaldunok jasan behar ditugun eskubide urraketen beste adibide argi bat” bilakatu delarik, EHEren hitzetan.