Albiste da
EEE-a Tubos Reunidosen |
Eguraldi ezegonkorra |
Iraungitako txertoak |
Gernikako azoka
Gorde
Kendu nire zerrendatik

Bisitari gutxiago euriaren eraginez Urriko Azken Asteleheneko Azokan

Olaberriako Aizpeta gaztandegiak irabazi du gazta lehiaketa eta 6.700 euroren truke saldu dute enkantean. Bilboko Mendata Berri jatetxeak erosi du.
18:00 - 20:00
Euriak ez du festa zapuztu Gernikan

60.000 lagun inguru gerturatu dira Gernikako Urriko Azken Asteleheneko Azokara. Euriak eta eguraldi txarrak ez ditu bisitariak atzera bota eta azokaz gozatzeko aukera izan dute. Iaz, jende gehiago gerturatu zen Gernikara, 100.000 hain zuzen ere.

Gernikako azoka urteko garrantzitsuenetakoa da eta aurten 277 postu jarri dituzte, iaz baino 12 gutxiago. Gernikako kale nagusiak baserriko produktuen erakusleiho erraldoian bilakatu dira.

Azokako hitzordu nagusienetako bat gazta lehiaketa izaten da eta ondoren egiten den enkantea. Aurten Olaberriako Aizpea gaztandegiak irabazi du lehen saria. Udalak eta Kutxabankek antolatutako enkantean 6.700 euroren truke saldu dute gazta erdia. Bilboko Mendata Berri jatetxeak erosi du. Xaibor dantzalekuak, bestalde, bigarren gazta saritua erosi du. 700 euro ordaindu ditu enkantean.

Horrez gain, beste hainbat lehiaketa ere egin dituzte. Irabazleak ondorengoak izan dira: Urdulizko Adela Adikoetxeak barazkietan, Zornotzako Valentin Llonak eztian, Gatikako Itziar Etxebarriak frutetan, Gernikako Mari Carmen Alcibarrek landareetan, Lezamako Magalarte upategiak txakolin zurian, Larrabetzuko Sasinesek txakolin gorrian eta Lezamako Erkoetxek txakolin beltzean.

Bizkaiko ortuaren erakusleiho

Euria egin arren, milaka lagunek gozatu dute Gernikan jarritako 277 postuetako produktuez. Bizkaiko ortuetako produktu onenak ikusi eta erosi ahal izan dira. Horien artean, nabarmentzekoa izan da babarruna. Aurten, 10 eta 22 kilo artean saldu dute kiloa.

Ekoizleak gustora agertu dira salmentetik. Diotenez, ordea, azokara produktuak ikustera eta giroaz gozatzera gerturatzen dira bisitariak, eta ez erosketak egitera.

Azokako postuak kendu dituzte jada, baina festak aurrera darrai Gernikako kaleetan.

Zure interesekoa izan daiteke

18:00 - 20:00
ZUZENEAN
Duela  min.

Gidari bat ikertzen ari dira istripu batetik ihes egin eta alkoholemia proba egiteari uko egiteagatik

Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.

Gehiago ikusi
Publizitatea
X