Elkarretaratzeak Euskal Herriko hiri eta kanpusetan, LOMCEren kontra
Ehunka ikaslek hartu dute parte asteazken honetan EAEko eta Nafarroako hiri eta kanpus ezberdinetan LOMCEren kontra deitu dituzten protestetan. Gaur arratsaldean onartuko dute Senatuan Wert legea.
Ikasleen Sindikatuak lanuzteak eta protestak deitu ditu, Estatu mailan, hezkuntza erreformaren kontra. EHUren kasuan, Bizkaiko eta Gipuzkoako kanpusetako ikasleen kontseiluek egin dute bat deialdiarekin. Ikasle Abertzaleak biharko deitu du protesta.
Bilbon, Arriaga plazan egin dute elkarretaratzea, 'LOMCEri ez' leloa zeraman pankartarekin. Gasteizen ere dozena bat bildu dira Correos plazan, eta Donostian, berriz, Ibaeta kanpusean egin dute manifestazioa ehunka ikaslek, ''LOMCEri ez. Hezkuntza publikoa eta euskalduna'' lelopean.
Mobilizazioak Nafarroan
"Mila arrazoiengatik, LOMceren kontra' lelopean, STEE-EILAS, ELA, LAB, UGT, CCOO eta CSIF sindikatuk Gobernuak Nafarroan duen ordezkaritzaren egoitzaren aurrean egin dute elkarretaratzea, LOMCE legearen kontra protesta egiteko eta erreforma Nafarroan ez ezartzea eskatzeko.
Elkarretaratzeak, Estatu osoko hirietan
Madrilen, ehunka lagun bildu dira Hezkuntza Ministerioaren aurrean Lomceren, murrizketen, tasen igoeraren eta beken murrizketaren kontra. Wert ministroaren dimisioa ere eskatu dute.
Bartzelonan, 200 bat ikasle elkartu dira Sant Jaume plazan, eta Granadan, berriz, bi lagun atxilotu dituzte, mobilizazioetan piztutako liskarren ondorioz.
Greba eguna
Protestekin batera, Ikasleen Sindikatuak lanuztea deitu du gaurko Estatu osoan. Deialdiaren jarraipena % 80koa izan da maila ertaineko hezkuntzan eta % 50eako goi mailako ikasketetan, sindikatuaren datuen arabera.
Pasodoblea, ''zuri-beltzean'', Lomceren aurka
Senatuak Wert legea eztabaidatu du asteazken honetan, eta ostegunean onartuko du, PPren babesarekin bakarrik. Oposizioko alderdi guztiak eta Hezkuntza arloko agenteek ere kontra izango ditu Alderdi Popularrak.
Hori agerian uzteko, Eskola Publikoaren aldeko Estatu mailako plataformak "Bienvenido Mr. Marshall" pelikula gogora ekarri du Senatuaren aurrean, eta hainbat pertsonaiak, ''zuri-beltzean'', pasodoblea dantzatu dute.
Wert: "Hau oihana da, eta ni matxete gabe''
"Hau oihana da, eta ni matxete gabe'' esan du Jose Ignacio Wert Hezkuntza Ministroak Kongresuko korridoreetan, kamera batek jaso duenez.
Albiste gehiago gizartea
Hiru pertsona atxilotu dituzte Iruñean, etxebizitza abandonatu batean beste bati erasotzea egotzita
Akusatuak, 20, 21 eta 25 urtekoak, aske geratu dira. Ostegun goizaldean jazo zen istilua, Errotazar kalearen eta Arantzadiko Inguruneko kalearen arteko etxebizitza batean.
Justiziak Hondarribiko Alardea arautzen duen udal dekretua babestu du
Hondarribiko alkateak epailearen erabakia errespetatzeko eskatu du, tentsioak saihesteko.
Hainbat iruzur saiakerak alertan jarri dituzte Bizkaiko loteria-administrazioak
Joan den astean Bilboko Ledesma loteria-administrazioari 10.000 euroko iruzurra egiten saiatu ziren, Gabonetako 500 dezimo erosita. Horrelako iruzurrak egiteko, iruzurgileek transferentzia bat egiten dute hackeatutako kontu batetik, eta bankuak edo kontuaren jabeak eragiketa ezeztatu aurretik jasotzen dituzte dezimoak. Ledesma loteria-administraziotik Bizkaiko Loterien Ordezkaritzari ohartarazi zioten, gainerako administrazioei gertatzen ari zenaren berri eman ziezaieten.
Pertsona bat atxilotu dute Irunen etxebizitzetan gauez lapurtzeagatik
23 urteko lapurra etxebizitzetara sartzen zen bertan bizi zirenak lo zeudela. Lapurra hainbat aldiz atxilotu dute antzeko delituengatik.
Radio Vitoriak argi, irudi eta soinu ikuskizun hunkigarri batekin ospatu du bere 90. urteurrena
'Batzen gaituen ahotsa' izeneko ikuskizunak azken 90 urteetako gertaera garrantzitsuenen atzera begirako bisual erakargarria egin du, irratiaren soinuaren bidez, dantza eta musika emanaldiak biltzen dituen eszenaratzeaz lagunduta.
Albiste izango da: lehendakariaren bilera-sorta, Gazaren aldeko protestak eta Zinemaldiaren aurkezpena
Gaurkoan albiste izango diren gaien laburpena, bi hitzetan.
Polemika, Nafarroako Unibertsitatearen campusa zeharkatzen duen errepidean izandako aldaketengatik
Azpilagañatik Arostegi etorbiderantz, norabide bakarrean eta 30 km/h-ko abiaduran bideratuko da trafikoa. Zizur Nagusiko alkateak elkarrizketarik eza kritikatu du, eta noranzko bakar horrek ehunka pertsonari eragingo dizkien mugikortasun-zailtasunez ohartarazi du.
116.123 ikaslerekin hasi da ikasturtea Nafarroan; % 67,8, sare publikoan
Ikasturte honetan eskolara hasiko diren 3 urteko haurren % 30 B eta D ereduetan hasiko dira.
Gernika-Palestinak oso positibotzat jo ditu Vueltako mobilizazioak eta ostiraleko protestetan parte hartzeko deia egin du
Bihar, irailak 5, 130 udaletxeren baino gehiagoren aurrean egingo dituzte protestak, aipatu ekimenak deituta. Hamaikagarren etapa "Palestinak" irabazi zuela defendatu dute Gernika-Palestina plataformaren ordezkariek.
Oscar Guerrero, Israel-Premier Techen zuzendaria: "Ez dugu borondatez Vuelta utziko"
Israelgo taldearen zuzendariak esan du bazekiela Euskal Herrian ibiltzea "gogorra" izango zela, eta gaineratu du kirol zuzendari gisa bere ibilbideko egunik txarrenak ari direla izaten.