Gernika-Palestinak oso positibotzat jo ditu Vueltako mobilizazioak eta ostiraleko protestetan parte hartzeko deia egin du
Bihar, irailak 5, 130 udaletxeren baino gehiagoren aurrean egingo dituzte protestak, aipatu ekimenak deituta. Hamaikagarren etapa "Palestinak" irabazi zuela defendatu dute Gernika-Palestina plataformaren ordezkariek.
Gernika-Palestina ekimenak oso balorazio positiboa egin du Palestinaren aldeko eta Israelen "genozidioaren" aurka Bilbon, Espainiako Vueltaren 11. etapan, izandako mobilizazioa dela eta. Bestalde, ostiral honetan, irailaren 5ean, Euskal Herriko 130 udaletxeren aurrean egingo diren kazeroladetan parte hartzeko deia egin du.
Donostian emandako prentsaurrekoan, Maitane Azurmendik protesta horietarako egin dituen ilustrazioak aurkeztu dituzte Ibon Meñika Gernika-Palestina plataformaren ordezkariak eta Ekhiñe Atorrasagasti kazetariak. Horietan, neskato bat, kazetari bat eta mediku bat dira protagonistak, "Israelek Palestinan egindako genozidioaren hiru biktima nagusiak".
Gainera, egoera hori salatzeko "modu baketsuan" egin diren mobilizazioen balorazio "oso positiboa" egin dute. Ekimen horretako eledunen ustez, "gizartearen gehiengoak pentsatzen duena azaleratu zuen asteazkeneko mobilizazioak", hau da, "Euskal Herriak Palestinarekiko duen elkartasuna".
Bilboko Itzuliaren 11. etapako "garailea Palestina" izan zela azpimarratzeaz gain, "genozidioa zuritzeko saiakera" egin dela salatu du Meñikak, haren iritziz, "Israelgo Estatuaren enbaxadore den talde bat ari delako Vueltan parte hartzen", eta, gainera, Benjamin Netanyahu presidentearekin "lerrokatzen" ari delako, "herri palestinarra suntsitzea helburu izanik".
Testuinguru horretan, adierazi du Vueltaren antolatzaileek lehenago heldu behar izan zioketela arazoari, "talde hori ez onartzeko eta mobilizazioak ez eragozteko" eskatuta, adibidez. Ildo horretan, Gernika-Palestina plataformaren ordezkariak gogora ekarri du 73.000 pertsona baino gehiago hil dituztela dagoeneko".
Zure interesekoa izan daiteke
Bost hildako eta zauritu bat AP-8an, Elgoibarren, furgoneta baten eta kamioi baten arteko istripuan
Hildakoak furgonetako bidaiariak ziren, Nafarroako foruzainak denak; Iurretan praktikak egitera zihoazen. Kamioi gidaria da zauritutakoa. Errepidea guztiz itxi dute, hasieran, bi norabideetan; geroxeago errei bat zabaldu dute Irunerako noranzkoan, baina arratsaldean zehar kamioia erretiratu arte, beste errepide batzuetatik bideratuko dute trafikoa.
Epaimahaiak errudun jo ditu Lukas Agirre hiltzeaz akusatutako bi gizonak
Hala ere, aringarria ezarri dio akusatu nagusiari drogak kontsumitzeagatik. Bigarren akusatuaren kasuan, erantzukizun penalaren aldaketa bikoitza erabaki du buruko nahasmendu bikoitzagatik eta estupefazienteak kontsumitzeagatik.
Osasun Sailak tenperatura kaltegarrien atalaseak eguneratu ditu: 25,7 gradutik Gipuzkoako kostaldean 36,9 gradura Nafarroako Erriberan
Gehiegizko Tenperaturak Osasunean dituen Eraginak Prebenitzeko Jardueren Plan Nazionala asteazken honetan aurkeztu da, eta irailaren 14ra arte egongo da indarrean.
Honela dago trafikoa AP-8 autobidean, Eibar eta Elgoibar artean, Maltzagako istripuaren ondoren
Errei bat ireki dute Donostiara norabidean, baina zirkulazioa oso zaila da oraindik AP-8an, Eibar eta Elgoibar parean. Bilboko noranzkoan bi erreiak itxita jarraitzen dute, eta istripua izan duen kamioia gauean erretiratuko dute bidetik.
?fmt=webp-alpha&qlt=80)
23 pertsona atxilotu dituzte Iruñerrian, Vito Quilesen ekitaldi baten harira izandako istiluengatik
Espainiako Polizia Nazionalaren operazioak irekita jarraitzen du eta atxiloketa gehiago izan daitezke.
Nafarroako Gobernua Elgoibarko istripu larrian hildako bost lagunen omenezko ekitaldi instituzionala prestatzen ari da
Furgonetan zihoazen bost bidaiariak Nafarroako foruzainak ziren. Imanol Pradales lehendakaria eta Maria Chivite Nafarroako Gobernuko presidentea atsekabeturik agertu dira ezbehar larriaren aurrean.
Asier, Maltzagako istripuaren lekukoa: "Larrialdi zerbitzuak oso azkar mobilizatu dira"
Radio Euskadin azaldu duenez, ez du istripuaren unea ikusi, baina bai berehalako ondorioak. Gertatutakoa azaldu du: kamioi bat galtzada batetik bestera igaro da, eta erdibitzailean geratu da, iraulita; istripuaren ondorioz, furgonetak kalte larriak izan ditu.
Elgoibarko istripuan hildako bost bidaiariak foruzainak ziren
Foruzainak Iurretara zihoazen, Ertzaintzarekin formakuntza ikastaro bat egitera.
Hamar urteren ostean, Eibarren zezen-ikuskizunak atzera programatzea gaitzetsi du Haiekin elkarte animalistak
Elkartearen iritziz "atzerapauso handia" da, herriko San Joan jaietan hiru sokamutur saio programatzea, eta ohartarazi duenez "2016an PSE-EEk berak hartutako konpromiso ofizialen kontra doa".
Irungo isuri gutxiko eremua 2028ko udaberrian sartuko da indarrean
Irungo udalbatzak, osoko bilkuran, 30 salbuespen aurreikusten dituen ordenantzari hasierako onespena eman dio. Orain alegazioak aurkezteko epea zabaldu da, eta behin betiko testua aurtengo azken hiruhilekoan onartuko da.