Epaimahaiak errudun jo ditu Lukas Agirre hiltzeaz akusatutako bi gizonak
Hala ere, aringarria ezarri dio akusatu nagusiari drogak kontsumitzeagatik. Bigarren akusatuaren kasuan, erantzukizun penalari dagokionez, aldaketa bi egin ditu, buruko nahasmendu bikoitzagatik eta estupefazienteak kontsumitzeagatik. Epaitutako hirugarren akusatua ere erruduntzat jo dute, beste biak estaltzeagatik.
Lukas Agirreren heriotza epaitzen aritu den herri-epaimahaiak hilketaren errudun jo ditu bi akusatu nagusiak: bat, heriotzaren egile material gisa, eta bigarrena, beharrezko laguntzaile gisa.
Hala ere, epaimahaiko kideek aringarria ezarri diote akusatu nagusiari droga-kontsumitzeagatik. Bigarren akusatuaren kasuan, berriz, erantzukizun penala aldatzeko aukera ezarri dute, buruko nahasmendua eta estupefazienteen kontsumoa egotzita.
Era berean, erruduntzat jo dute auzipetutako bi gizonezkoak estaltzeagatik inputatuko emakumea, baina droga-mendekotasunaren aringarria ezarri diote horri ere.
Gazte hernaniarra 2022ko Eguberri egunean, 06:15ak aldera, hil zen Donostiako Okendo plazan. Diskotekatik irtendakoan izan zen liskar baten ondoren, arma zuriz sastakatu zuten eta hiru zauri jaso zituen. Odolustuta hil zen, 24 urte zituela.
Heriotza argitzeko epaiketa maiatzaren 11n hasi zen Gipuzkoako Auzitegian.
Epaia irakurri ondoren, auziaren ardura duen magistratuak epaimahaia desegin du, eta minutu batzuk eman dizkie aldeei egindako zigor eskaerak epaiaren arabera egokitzeko. Fiskalak eta akusazio partikularrek eskaera elkarrekin egin dute: 20 urteko kartzela-zigorra eskatu dute akusatu nagusiarentzat, eta 14 urtekoa, laguntzailearentzat.
Beraz, epaiketako saioak amaitu zirenean egindako eskaerak jaitsi egin behar izan dituzte, epaiaren araberako eskaria egiteko. Une hartan 22 urteko karatzela zigorra eskatu zuen Fiskaltzak, bi akusatu nagusientzat. Akusazio partikularrek, berriz, 25 urteko espetxe-zigorra eskatu zuten bientzat, eta 3 urtekoa, hirugarren epaituarentzat. Defentsek absoluzioa galdegin zuten.
Zure interesekoa izan daiteke
Urriaren 7a jaieguna izango da 2027an, lehen Eusko Jaurlaritzaren 90. urteurrena ospatzeko
Hilabete honetan bertan hasiko den oroitzapenezko agendan berrogei ekimen baino gehiago jaso dituzte, Agirre lehendakariaren eta bere lantaldearen ondarea gogoratzeko eta haren sorreraren oinarri izan ziren demokrazia, askatasuna eta justizia sozialaren balioak etorkizunerantz proiektatzeko.
Barrualde-Galdakaoko eta Gurutzetako Osakidetzako emaginek 9 eguneko greba deitu dute profesional falta salatzeko
SATSE sindikatuak ekainaren 17tik uztailaren 2ra bitarteko mobilizazioen egutegiaren berri eman du. Sindikatuaren arabera, arazoa "profesionalen kontratazio eta planifikazio falta" da. Ez da baztertzen beste ESI batzuek deialdiarekin bat egitea.
ETSk Bilboko Aste Nagusian joko du
Talde arabarra Europa parkeko oholtzara igoko da datorren abuztuaren 26an.
Euskal gazteen % 57k deskonexio digitalerako eskubidea aldarrikatzen dute
Nerabeei eta ongizate digitalari buruz Unicefek kaleratutako txosten batek ondorioztatu duenez, Euskadiko adingabe eta gazteen erdiak baino gehiago gogaituta daude hiperkonexioarekin. Azterlanaren datuek erakusten dute pantailak itzaltzeko beharra gero eta handiagoa dela, eta mugikorrei lotutako arrisku-jokabideak (sextinga, bikote-indarkeria digitala...) nabarmen gutxitu direla.
Donostiako alokairuko etxebizitzen % 40 24 ordu baino gutxiagoan alokatu ziren
Astearte honetan argitaratutako ikerketa baten arabera, EAEko hiriburuak "alokairu espresa" gehien jasaten dutenen artean daude: Gasteizko tasa % 24koa da, eta Bilbokoa % 23koa.
Emakume bat atxilotu dute, Artaxoan 41 edukiontzi eta ibilgailu bat erretzea leporatuta
2023 eta 2026 urteen artean 15 sute eragitea leporatzen diote. 17.000 eurotik gorako kalteak eragin zituzten suteek.
EAEko neskek mutilek baino ia bi aldiz arrisku handiagoa dute ondoeza pairatzeko eta beren buruaz beste egiteko
Neskek adierazle okerragoak dituzte antsietateari eta depresioari dagokienez (% 17,5; mutilek, % 9,8), baita suizidio-arriskuari dagokionez ere (% 7,8; mutilek, % 4,1), astearte honetan Bilbon Unicefek aurkeztu duen Haurrak, nerabeak eta ongizate digitala txostenaren arabera.
Tudelanoren presidente ohia atxilotu dute, kirol-ustelkeria sare bat osatzea leporatuta
Halaber, sei pertsona atxilotu ditu Espainiako Polizia Nazionalak, Europol eta Interpolekin elkarlanean Nafarroan egindako operazioan.
Langile bat hil da Laudion, lan-istripuz
Heriotza goizaldeko 00:30ak aldera gertatu da, labe batean izandako leherketa baten ondorioz.
Bilbon desagertutako 13 urteko neska baten bila dabil Ertzaintza
Adingabea igandean ikusi zuten azkenekoz.