Polemika, Nafarroako Unibertsitatearen campusa zeharkatzen duen errepidean izandako aldaketengatik
Azpilagañatik Arostegi etorbiderantz, norabide bakarrean eta 30 km/h-ko abiaduran bideratuko da trafikoa. Zizur Nagusiko alkateak elkarrizketarik eza kritikatu du, eta noranzko bakar horrek ehunka pertsonari eragingo dizkien mugikortasun-zailtasunez ohartarazi du.
Nafarroako Unibertsitatearen campusa zeharkatzen duen errepidea norabide bakarreko 'ziklokale' bihurtuko da, eta Azpilagañatik Arostegi etorbiderantz zirkulatuko da handik, gehienez ere 30 kilometro orduko abiaduran.
Asironen Gobernuak, beraz, albo batera utzi du errepidea ixteko hasierako asmoa, eta horren ordez, noranzko bakarreko zirkulazioa hobetsi du; erabaki, hala ere, ez da denen gustukoa izan.
Iruñeko Udalak ohar baten bidez azaldu duenez, txirrindularien trafikoak lehentasuna izango du eta, printzipioz, txirrindularien zirkulazioa bidearen noranzko berean egingo da. Ibilgailuen abiadura 30 km/h-ra mugatuko da eta, gainera, abiadura murrizteko elementuak jarriko dira.
Arostegi etorbidetik Azpilagañaranzko zirkulazioaren noranzkoa baztertu egin da, Udalaren arabera arazoak ekarriko lituzkeelako Nafarroa etorbidea Pio XII .arekin gurutzatzen den tokian.
Aldaketa horien haritik, Zizur Nagusiko alkate Jon Gondanek salatu duenez, noranzko bakarra norabide horretan ezartzeak, eta ez alderantziz, "trafikoa eta auto-ilarak areagotuko ditu Etxabakoitzeko lotunean, Andres Benta gisa ezagutzen denaren parean".
Gondan kezkatuta eta haserre agertu da erabakiarekin, eta gai horren inguruko elkarrizketarik eza kritikatu du, aurretik bilerarik egin ez dela ziurtatuz. Zizur Nagusia, Iruñea eta ingurukuko beste herri batzuen artean egunero joan-etorrian ibiltzen diren ehunka pertsonen mugikortasunerako funtsezko bidea izanik, askorentzat arazo bihurtuko dela ohartarazi du.
Zure interesekoa izan daiteke
Sevilla abordatu eta gainezka egin du Realaren fan zoneak
Realak Errege Kopako finala jokatu du gaur gauean Atletico Madrilen aurka. Realzaleek pasioz bizi izan dute jardunaldia, Sevillan zein Gipuzkoan eta horren adierazle da han eta hemen altxatu den olatu txuriurdina.
Dozenaka pertsona elkartu dira Zizur Nagusian, irakasle batek emakumeei egindako grabazioen aurka
'Elkarrekin. Beldurrik ez' lelopean, manifestazioan zehar "Erasorik ez, erantzunik gabe" oihukatu dute. 180 urteko kartzela-zigorra ezarri diote irakasleari, eta gehienez 15 urte beteko ditu.
"Gernikako Arbola" abestu dute Urkiolan, kantu hori Euskal Herriko ereserki gisa proposatzeko
Besteak beste, Gontzal Mendibilek eta Jose Maria Esparza editoreak abestu dute, eta partaideak kezkatuta agertu dira Euskal Herriaren kohesio faltagatik. Ildo horretan, "Gernikako Arbola" euskal herritar guztien ereserkia izatea proposatu dute.
Euskal agintariak ere Sevillan dira, eta Pradales pronostikoa egitera ausartu da: "Realak 1-2 irabaz dezala"
Jarraitzaileen artean ez dira falta euskal erakundeetako ordezkariak ere, Imanol Pradales lehendakaria buru dela. Jon Insausti, Donostiako alkatea, eta Eider Mendoza, Gipuzkoako Ahaldun nagusia ere Sevillara joan direnen artean daude. Guztiak Realeko presidentearekin batera ibili dira goizean realzaleekin giroa partekatzen. Lehendakaria harro azaldu da ikusten ari den portaerarekin, herri baten izaera erakusten duen portaera dela azpimarratuz. Ziur da kopa etxera etorriko dela, eta bere pronostikoa egiten ausartu da.
Bi adingabe ikertzen ari dira Santurtziko jaietan 14 urteko mutiko bat sastatzeagatik
Biktima ospitaleratu egin dute, baina ez dago arriskuan; ustezko erasotzaileak adingabeentzako fiskaltzak deituko ditu.
Realeko eta Atleticoko 160 jarraitzaile identifikatu dituzte eta material arriskutsua konfiskatu diete
Arrisku handiko partida da bi taldeetako zaleen arteko liskarragatik, eta milaka polizia eta guardia zibil daude Sevillan.
Zer eragin izango dute trafikoan Donostiako Kopako finalaren inguruko ekitaldiek?
Donostiako Udalak segurtasun dispositibo berezi bat antolatu du larunbat honetarako aurreikusitako ekitaldien harira, bai finala dela eta, bai Realak kopa irabaziz gero egin litekeen harreragatik.
Uholde txuri-urdin batek Reala agurtu du Sevillarako bidaia ekin baino lehen
Realeko adin guztietako zaleek, mota guztietako jantzi txuri-urdinak jantzita, agur esan diote ostiral honetan talde donostiarrari, kantu, bandera, animo oihu eta bufanda artean, Sevillarako bidaiaren hasieran. Larunbat honetan jokatuko du Kopako finala Atletico Madrilen aurka.
Gipuzkoako 70 bat alkate Sevillara joan dira, ordezkari gisa, partidua ikustera
Realak berak gonbidatuta, alderdi politiko guztietako alkateak bildu ditu ekimenak. Helburua berbera da guztientzat: emaitza ona lortzea eta Kopa irabaztea.
Eusko Jaurlaritzak migratzaileen erregularizazioari buruzko gida argitaratu du
Tresna hori hainbat hizkuntzatan dago eskuragarri, eta Espainiako Gobernuak bultzatutako ezohiko erregularizazio-prozesurako sarbidea erraztea du helburu.