Abortua, urteko lehen kontrolerako saioaren gai nagusi
Alberto Ruiz-Gallardon Justizia ministroak bultzatutako abortuari buruzko erreforma polemikoa izango dute ardatz asteazken honetan Diputatuen Kongresuan egingo duten urteko lehen kontrolerako saioan. Horrez gain, 'Euskal Y'ren eta Burgoseko Gamonal auzoan izan diren protesten inguruko galderak ere erantzun beharko dituzte Alderdi Popularreko arduradunek.
Mariano Rajoy Espainiako presidentea izango da oposizioak egindako adierazpenei erantzuten lehena. Alfredro Perez-Rubalcaba PSOEko buruzagiak "herritarren osasunaren babesa"ren inguruko galdera egingo dio.
Olaia Fernandez Davila BNGko diputatuak ere abortua izango du ardatz bere itaunean. Izan ere, eta erreformak "gizartean eragindako ondoeza" kontuan hartuta, proiektua erretiratzeko asmorik ez ote duen galdetuko dio gobernuburuari.
Soraya Saenz de Santamaria Espainiako Gobernuko presidenteordea ere mintzatu beharko da, Soraya Rodriguez bozeramaile sozialitak egindako honako galderari erantzuteko: Zergatik ez daude Gobernuko kideak Parlamentuan haurdunaldiaren etetearen inguruko aurreproiektuaren azalpenak emateko prest?
Alberto Ruiz-Gallardon Justizia ministroa eta Ana Mato Osasun ministroa ere oholtzara igo beharko dira oposizioak gai honen inguruan egindako galderei erantzutera.
'Euskal Y'a eta Gamonal
Abortua ez da, ordea, mahai gainean izango den gai bakarra. Aitor Esteban EAJko bozeramailea Rajoyri zuzenduko zaio, "Euskal Y-ren Bergarako korapiloaren lanak esleitzeko konpromisoa urratu" izanaren inguruan galdetzeko.
Burgoseko Gamonal auzoan izan diren protestak hizpide izango ditu Luis Tudanca PSOEko diputatuak Jorge Fernandez Diaz Barne ministroari egindako galderan.
Zure interesekoa izan daiteke
Euskal Herrian eguzki eklipse osoa Fiteron ikusiko da luzaroen
Tokiaren arabera ezberdin ikusiko da eklipsea; osoa toki batzuetan, partziala besteetan. Eta itzalaldiaren iraupena ere aldatu egingo da aukeratutako parajearen arabera. Euskal Herrian gertakari astronomiko honetaz gozatzeko tokirik onena Fitero izango da, Nafarroan. 86 segundo iraungo du eta ikusmin handia dago bertan.
Ander Lopez Lerena (Bogota): 'Gosaltzen ari ginela hasi da lurra mugitzen, baina hemen ez da hainbesterako izan'
Lurrikara izan den unean, Kolonbian zen EITBko gure lankide Ander Lopez de Lerena. Hiriburuan, Bogotan nabaritu du astindua. Medellinen ere nabaritu da astindua eta baita Venezuelan, Ekuadorren eta Panaman ere.
Huelvako Niebla inguruan piztutako suteak kontroletik kanpo jarraitzen du, 20.000 hektarea kiskali ostean
Huelvako baso sutea kontrolatu ezinik jarraitzen dute suhiltzaileek. Niebla inguruan piztutako garrek aurrera jarraitzen dute eta dagoeneko 20.000 hektareako eremua kiskali dute. Ehunka lagun atera behar izan dituzte etxetik.
Donostiako Piraten Abordatzearen unerik onenak
Ehunka gaztek osatu dute piraten abordatzea, Donostiako portutik Kontxako hondartzaraino. Ontzi batzuk uretara sartu eta berehala hondoratu dira, baina beste batzuk jai giroan iritsi dira helmugara, eta, tradizioak dioen bezala, ez dira falta izan bandera piratak eta baimendutako 'ontzien lapurreta'.
Gasteizko alkateak barkamena eskatu dio Zeledoni, Andre Maria Zuriaren balantzean politika eta jaiak nahastu izana kritikatu ostean
Akats bati egotzi dizkio bere hitzak, eta babesa adierazi dio Iñaki Kerejazuri, baita 1976ko martxoaren 3ko biktimei ere.
Bizkaitar bat atxilotu dute Donemiliaga Kukulan hainbat neskaren ustezko jazarlea izatea egotzita
Lau salaketa jarri dira haren aurka, eta beste lau ere aurkeztea espero da, egun batzuk lehenago izandako antzeko gertakariengatik.
ONCEk eta Jaurlaritzak LightSound gailua aurkeztu dute, ikusmen-urritasuna duten pertsonek eklipsea 'entzun' ahal izateko
Gailu iraultzailea da, itsuek edo ikusmen-arazoak dituztenek fenomeno astronomikoa esperimentatu dezaten. LightSound du izena, eta eguzki-argiaren intentsitatea denbora errealeko soinu bihurtzen duen aparatua da.
Eklipsea ikusteko planik gabe? Adi ekitaldi historiko honetaz gozatzeko proposamen hauei
Aukera zabala dugu Euskal Herrian: itsasotik, mahasti batetik edo gure gailurretatik nahiz gidatutako behaketa batean teleskopioz, besteak beste, ikusi dezakegu abuztuak 12ko eklipsea.
Gasteizko tranbia ez da erdigunetik ibiliko irailera arte
Alaba Jeneralaren eta Independentzia kaleen urbanizazio-obrek eragin dute mozketa; bertan, besteak beste, zoladura homogeneoa jarriko da, bideen zati bat berriztuko da eta hainbat konponketa egingo dira.
Eguzki-eklipse osoen inguruko lau sekretu txundigarri
Ba al zenekien Antzinako Grezian eklipseek iragartzen zuten mekanismo bat zutela? Eta eklipseek iraungitze-data dutela? Eklipseen inguruko bitxikerietako batzuk bildu ditugu hemen.