Krimena ukatu du Santutxun gizonezko bat hiltzeagatik akusatuak
2011ko maiatzean adineko gizonezko bat hiltzeagatik eta lapurreta egiteagatik akusatuak krimena egin izana ukatu du gaur. Haren arabera, gizonezkoa Bilboko Santutxu auzoko pisuan hilik aurkitu zuen, eta ez zion Poliziari deitu, "izua eman" ziolako eta ez zuelako "tartean sartu" nahi.
"Kolonbiarra naiz, eta han hildako espainiar bat zegoen", adierazi du Bizkaiko Epaitegiaren aurrean. "Kolonbiarrok fama txarra dugu. Etxera korrika joan nintzen, ez bainuen arazoetan sartu nahi".
Adineko gizonarentzat egiten zuen lan akusatuak, etxeko eginbeharrekin lagunduz, eta "oso harreman ona" zutela aitortu du.
Hilotza etxean utzi ostean, akusatua amaren etxera itzuli zen, eta odolez zikindutako arropak kendu ostean, Loiuko aireportura joan zen, Madrilera hegaldi bat hartu eta, handik, Bogotara bidaiatzeko.
Gizonezkoaren hitzetan, ez zen hilketa osteko ihesaldi bat izan. Lehendik txartela erosita zuela adierazi du, Kolonbiako familiarengana itzultzeko; izan ere, Bilbon ez omen zuen "lan egonkortasuna" aurkitzen.
Hori dela eta, epaiketan adierazi du biktimaren etxera agur esatera joan zela, bidaiatu aurretik: "Ez nintzen inori lapurreta egiteko, edo inor hiltzeko asmoarekin joan".
Etxeko atea irekita topatu zuela kontatu du, eta gizonezkoa etxeko sofan eserita zegoela. Besapetik altxatzen saiatu zenean, odolez zikindu zela adierazi du akusatuak, eta, hilda zegoela ohartzean, handik joan egin zela.
39 urteko akusatuak 25 urterainoko kartzela-zigorra jaso lezake, azpikeriaz egindako hilketagatik eta indarkeriarekin eta arma batekin etxebizitza batean lapurreta egiteagatik.
Aurkako kontakizunaren arabera, 2011ko maiatzaren 26an, akusatua goizeko lehen orduan joan zen 78 urteko gizonezkoaren etxera, Santutxu auzoko Unzeta Parrokoa kalera, "etxean zegoen dirua hartu asmoz, apal batean dirua gordeta zuela baitzekien".
Akusatuak labankada bat eman zion agureari sabelean, 10 zentimetroko arma zuri batekin. Biktimak, larriki zaurituta, beste gela batera ihes egin zuen, baina bertan, akusatuak atzetik buruari heldu eta lepoa moztu zion.
Epaiketa astelehenean amaituko da, alde guztien behin-betiko txostenekin.
Albiste gehiago gizartea
Jose Mari Ustarroz eta Lekarozko 'Infernuko Gazta' Artzai Eguneko protagonista
4.950 euro ordaindu dituzte 44. Gazta Lehiaketako gazta irabazlearengatik. Euria ere izan den arren, Aralar Mendi Elkartea pozik agertu da aurreikuspen guztiak gaindituta, "txiki geratu" delako Uharte Arakil.
Bi txirrindulari ospitaleratu dituzte Nafarroan, pronostiko erreserbatuarekin, auto banak harrapatuta
58 eta 51 urteko bi gizonek kolpe larriak jasan dituzte eta Nafarroako Unibertsitate Ospitalera eraman dituzte bi zirkulazio-istripuren ondorioz, bata Eguesibarren gertatu da eta bestea Berriobeitin.
26.000 ikasle itzuliko dira eskolara astelehen honetan Ipar Euskal Herrian
Ikasleen %13k Seasko murgiltze ereduan ikasiko dute. Aurten, berrikuntza gisa, gaskoia erakutsiko diete Samatzeko ikasleei astean hiru orduz.
Cabrales gazta irabazlearengatik 37.000 euro ordaindu eta, ospatzen ari zela, lurrera erori zaio
Asturiasko Cabrales gazta batengatik 37.000 euro ordaindu dituzte, horrelako batengatik inoiz ordaindu den kopururik handiena. Lehiaketa Encarnacion Bada gaztagileak irabazi du, eta Ivan Suarez El Llagar de Colloto Oviedoko jatetxeko ostalariak erosi du.
Protestarako deia egin dute Yala Nafarroak eta BDZ Nafarroak, Israel taldea Vueltan aritzearen aurka
Vueltako hainbat etapatan antolatutako protesta ekintza baketsuekin bat egingo dute Yala Nafarroa plataformak eta BDZ Nafarroa mugimenduak. Izan ere, Vueltako pelotoia Nafarroan barrena ibiliko da datorren asteartean, Sendavivan hasi eta Larra-Belaguan amaituko den hamargarren etapan.
Bilboko Aireportuko suhiltzaileen kamioi bat Sondikako haur-parke batera erori da
Eusko Jaurlaritzako Segurtasun Sailak jakinarazi duenez, ezbeharra 06:20 aldera gertatu da, eta ez da inor zauritu. AENA enpresa publikoa istripuaren nondik norakoak aztertzen ari da, suhiltzaileak ere kudeatzen baititu.
212 urte, Ingelesek eta Portugaldarrek Donostia erre zutenetik
Urtero legez ekitaldi ugarirekin oroitu dute gertakaria. Goizean, esaterako, Donostiako Udalak lore eskaintza egin du Itxas atean goizeko elizkizunaren ostean, 1813 hartan hil ziren donostiarren omenez.
Suteen okerrena igaro da: Espainia alerta eta jarraipen fasera igaro da
Amaitutzat jotzen da Espainiako historia hurbilean baso-suteen gertakaririk tragiko eta suntsitzaileenaren faserik zailena: 300.000 hektarea baino gehiago erre dira, lau lagun hil dira eta 48 zauritu.
Palestinari elkartasuna adierazi diote Bilbon
Ongi Etorri Errefuxiatuak elkarteak bilkura egin du Bilbon. Palestinako herriari babesa adierazi diote bertan, eta haren aldeko aldarrikapenak egin dituzte.
Etxauriko gainean, Ziritzan, piztu den sutea kontrolpean dago
Haizeak sua bizitu duen arren, ez da arriskutsua izan inguruko etxebizitzentzat, nahiz eta Na-700 errepidea itxi behar izan duten bi noranzkoetan.