Bilduk eta EAJk akordioa lortu dute Donostiako Aurrekontuak onartzeko
Bilduk eta EAJk akordioa lortu dute Donostiako 2014ko Aurrekontuak onartu ahal izateko. Jeltzaleen arabera, azken denboraleak sortutako kalteak konpontzeko inbertsioen beharrak bultzatu du aipatu hitzarmena.
Juan Karlos Izagirre Donostiako alkateak eta Josu Ruiz alkateordeak agerraldia egin dute gaur goizean, Eneko Goia eta Iñaki Gurrutxaga EAJko zinegotziekin batera, akordioaren nondik norakoak azaltzeko.
Horien azalpenen arabera, EAJk bere egunean aurkeztu zuen osoko zuzenketa talde bien transakzio-zuzenketa bihurtu da gaur, hitzarmenaren ondorioz, eta akordioaren "salbuespenezko arrazoiak" jaso dituzte aparteko testu batean.
Bilduk eta EAJk adostutako aldaketei esker, 1,8 milioi euro gehiago izango dituzte azken denboralearen txikizioa konpontzeko. EAJren ustez, diru horren beharrak gaur aurkeztu duten hitzarmena justifikatzen du.
Bestalde, PSE-EEko ordezkariak salatu du EAJ Bilduren Gobernua sostengatzeko "nahitaezko konplizea" dela eta Juan Karlos Izagirreri aurtengo Aurrekontuak "oparitu" izana egotzi die jeltzaleei.
Susana Garcia zinegotzi sozialistak EAJk Bilduri emandako "babesa" kritikatu du. Horren hitzetan, orain zenbait egun EAJk esan zuen Bilduren Aurrekontua ez zela herritarrek behar zutena, baina "orain babestu egin dute".
Ramon Gomez PPko ordezkariak ere hitzarmena kritikatu du, eta EAJri Bilduren "berme nagusia" izatea egotzi dio. Horren hitzetan, Bilduren Udal Gobernuak "bere Aurrekontuaren aurkako ekimena" adostu du EAJk. "Hori Bilduren Gobernu batek soilik egin dezake", gaineratu du.
Albiste gehiago gizartea
Jose Mari Ustarroz eta Lekarozko 'Infernuko Gazta' Artzai Eguneko protagonista
4.950 euro ordaindu dituzte 44. Gazta Lehiaketako gazta irabazlearengatik. Euria ere izan den arren, Aralar Mendi Elkartea pozik agertu da aurreikuspen guztiak gaindituta, "txiki geratu" delako Uharte Arakil.
Bi txirrindulari ospitaleratu dituzte Nafarroan, pronostiko erreserbatuarekin, auto banak harrapatuta
58 eta 51 urteko bi gizonek kolpe larriak jasan dituzte eta Nafarroako Unibertsitate Ospitalera eraman dituzte bi zirkulazio-istripuren ondorioz, bata Eguesibarren gertatu da eta bestea Berriobeitin.
26.000 ikasle itzuliko dira eskolara astelehen honetan Ipar Euskal Herrian
Ikasleen %13k Seasko murgiltze ereduan ikasiko dute. Aurten, berrikuntza gisa, gaskoia erakutsiko diete Samatzeko ikasleei astean hiru orduz.
Cabrales gazta irabazlearengatik 37.000 euro ordaindu eta, ospatzen ari zela, lurrera erori zaio
Asturiasko Cabrales gazta batengatik 37.000 euro ordaindu dituzte, horrelako batengatik inoiz ordaindu den kopururik handiena. Lehiaketa Encarnacion Bada gaztagileak irabazi du, eta Ivan Suarez El Llagar de Colloto Oviedoko jatetxeko ostalariak erosi du.
Protestarako deia egin dute Yala Nafarroak eta BDZ Nafarroak, Israel taldea Vueltan aritzearen aurka
Vueltako hainbat etapatan antolatutako protesta ekintza baketsuekin bat egingo dute Yala Nafarroa plataformak eta BDZ Nafarroa mugimenduak. Izan ere, Vueltako pelotoia Nafarroan barrena ibiliko da datorren asteartean, Sendavivan hasi eta Larra-Belaguan amaituko den hamargarren etapan.
Bilboko Aireportuko suhiltzaileen kamioi bat Sondikako haur-parke batera erori da
Eusko Jaurlaritzako Segurtasun Sailak jakinarazi duenez, ezbeharra 06:20 aldera gertatu da, eta ez da inor zauritu. AENA enpresa publikoa istripuaren nondik norakoak aztertzen ari da, suhiltzaileak ere kudeatzen baititu.
212 urte, Ingelesek eta Portugaldarrek Donostia erre zutenetik
Urtero legez ekitaldi ugarirekin oroitu dute gertakaria. Goizean, esaterako, Donostiako Udalak lore eskaintza egin du Itxas atean goizeko elizkizunaren ostean, 1813 hartan hil ziren donostiarren omenez.
Suteen okerrena igaro da: Espainia alerta eta jarraipen fasera igaro da
Amaitutzat jotzen da Espainiako historia hurbilean baso-suteen gertakaririk tragiko eta suntsitzaileenaren faserik zailena: 300.000 hektarea baino gehiago erre dira, lau lagun hil dira eta 48 zauritu.
Palestinari elkartasuna adierazi diote Bilbon
Ongi Etorri Errefuxiatuak elkarteak bilkura egin du Bilbon. Palestinako herriari babesa adierazi diote bertan, eta haren aldeko aldarrikapenak egin dituzte.
Etxauriko gainean, Ziritzan, piztu den sutea kontrolpean dago
Haizeak sua bizitu duen arren, ez da arriskutsua izan inguruko etxebizitzentzat, nahiz eta Na-700 errepidea itxi behar izan duten bi noranzkoetan.