Martxan da Excalibur txakurra sakrifikatzeko prozesua
Madrilgo epaileak baimena eman die Osasun arloko arduradunei erizainaren etxean sartu eta Excalibur ebola duen erizainaren txakurra sakrifikatzeko. Izan ere, suhiltzaileak eguerdian sartu dira erizainaren etxera, Excalibur txakurra eramateko. Oraindik ez dira etxebizitzatik atera, eta kanpoaldean dozenaka manifestari, bizilagun eta polizia daude.
Etxe barruan Excalibur bakarrik egon da, baina datozen egunetarako janari eta edari nahikoa du, bere jabearen esanetan.
Goizean zehar, bizilagun eta animalien defendatzaileek elkarretaratzea egin dute erizainaren etxe aurrean, txakurra etxetik ateratzeko lanak oztopatzeko.
Hala ere, Polizia etxebizitzara bertaratu eta, banan-banan, manifestariak atera egin ditu.
'Excalibur, ez zaude bakarrik' edota 'Ana Mato dimisioa' oihuak entzun dira goizean zehar, eta poliziaren eta manifestarien artean tentsio uneak bizi izan dira. Bien bitartean, suhiltzaileak etxebizitzara sartu dira, animalia ateratzeko.
Babesa Internetetik
Excalibur, ebola duen erizainaren txakurra, ez sakrifikatzeko, kanpaina bat jarri dute martxan Interneten, change.org web orriaren bitartez. Guztira 300.000 sinadura bildu nahi zituzten, txakurra hil ez dezaten, eta dagoeneko kopuru hura gainditu egin dute.
Txakurra isolatzea eta ez sakrifikatzea eskatzen ari dira internautak.
Ekimena Carmen Sánchez Montañesek abiatu du, eta animalien defendatzaileei ekimenarekin bat egiteko deia egin zuen atzo, familiak txakurra "kapritxo batengatik" gal ez dezan. Erizainaren senarrarekin egin duten bezala, txakurra isolatzea hiltzea baino "errazagoa" dela argudiatu du Sánchez Montañesek.
Excalibur txakurra. Argazkia: change.org
Javier Limon erizainaren senarrak mezu bat zabaldu zuen atzo sare sozialen bidez, txakurra bizirik mantentzeko eskatuz.
Twitterren #SalvemosaExcalibur etiketa trending topic izan da gau osoan.
Zure interesekoa izan daiteke
Euskadik Hezigiro abiatu du, ikastetxeetan konfort termikoa hobetzeko plana
Hezkuntza Sailak pilotajea jarri du martxan Bizkaiko lau ikastetxetan: Bagatza HLHI (Barakaldo), Luis Briñas-Santutxu BHI (Bilbo), Pagasarribide IPI (Bilbo) eta Indautxu HLHI (Bilbo).
Riglosko sutea "datozen orduetan" kontrolatuko dute
Ostiral honetan, sua kontrolatutzat emateko falta diren gune beroak itzaltzen saiatuko dira, eta Santa Cruz de la Serosko bizilagunak, aterperik gabe zeuden bakarrak, etxera itzuli ahal izango dira.
Bilboko Aste Nagusian galdu ezin diren 5 ekitaldi
Bilboko Aste Nagusiaz gozatzeko bost plan proposatzen dizkizugu. Ez galdu pregoia eta jaiei hasiera emateko txupinaren jaurtiketa, txosnak, lehiaketa gastronomikoak, balearen desfilea eta kontzertuak.
Bilboko Aste Nagusiko lehen kartela, 1978an sortua, egia bihurtuko da igande honetan
Ekitaldia Areatzan egingo da, eta zapi urdinak banatuko dituzte bertan, urte hartan jaien ikur gisa zabaldu baitziren.
Herritarrak konfinatu dituzte hainbat orduz Pasaiako portuan piztutako sute baten ondorioz sortutako keagatik
Sua gaur goizean piztu da Pasaiako portuko desegite-gune batean, eta, batez ere, autoak eta bateriak erre dira. Ke-laino handiaren ondorioz, larrialdi zerbitzuek ES-Alert bat aktibatu eta konfinamendua eskatu dute, batez ere Lezoko herritarrei. Airearen kalitatea normala zela egiaztatu ondoren kendu dute abisua.
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.