Teresa Romeroren egoera gero eta hobeagoa da
Teresa Romero erizain laguntzaileak hobera egiten jarraitzen du Madrilgo Carlos III.a Ospitalean, ebola birusaren krisia kudeatzeko Batzorde Bereziak zabaldu duenez. Izan ere, medikuek egin berri dizkioten probek negatibo ematea eta birusaren arrastorik ez aurkitzea espero dute.
Batzordeak gaur, igandea, plazaratutako txostenaren arabera, Romeroren egoera gero eta hobeagoa da. Halere, ez du egin berri dizkioten frogen inguruan azalpenik eman.
Harekin harremana izateagatik ospitaleratutako 15 lagunek, berriz, sintomarik azaleratu gabe jarraitzen dute.
Bestalde, Liberiatik etorri berria zen San Joan Jainkoarenaren Anaiak ordenako misiolari espainiarrari sendagiria eman zioten atzo, ebolaren birusaren krisia kudeatzeko batzorde bereziak ohar baten bidez jakinarazi duenez.
Misiolaria haren ordenako ospitale batean egon zen Monrovian (Liberian), abuztuan itxi egin zena, eta ostegunean Madrilgo Carlos III.an ospitaleratu zuten ebolaz kutsatuta egon zitekeelakoan.
'Marea zuriak' Ana Matoren eta Javier Rodriguezen dimisioak eskatu ditu
Milaka lagunek parte hartu dute igande honetan Madrilen egin den "Marea zurian", eta Ana Mato Espainiako Osasun ministroaren eta Javier Rodriguez Madrilgo Erkidegoko Osasun kontseilariaren dimisioa eskatu dute, Espainian izandako lehen ebola kasuan egindako kudeaketarengatik.
"Marea Zuria"k deituta manifestazioa egin dute Madrilen, hilero hirugarren igandean egiten duten bezala. Gaurkoan gainera Teresa Romero ebolaz kutsatutako erizain laguntzaileari babesa eskaini diote.
"Osasun agintariek profesionalak errespetatzea eskatzen dugu. Guztiok Teresarekin bat egiten dugu" lelopean egin dute manifestazioa eta manifestarien artean zegoen Teresa Romeroren anaia.
Elvira Gonzalez Santos Madrilgo Erizaintzako teknikoen SAE sindikatuko idazkariak erantzukizunak eskatu dizkie Mato ministroari eta Rodriguez Osasun kontseilariari, izan ere, haren iritziz, Ana Matok ez du ebolaren gaia kudeatu eta Javier Rodriguezek Teresa Romeroz esandakoak zuzendu arte denbora asko pasatu zen. .
Zure interesekoa izan daiteke
Bilboko Aste Nagusiko lehen kartela, 1978an sortua, egia bihurtuko da igande honetan
Ekitaldia Areatzan egingo da, eta zapi urdinak banatuko dituzte bertan, urte hartan jaien ikur gisa zabaldu baitziren.
Herritarrak konfinatu dituzte Pasaiako portuan piztutako sute baten ondorioz sortutako keagatik
Pasaiako portuan izandako sute batek eragindako keak Lezo eta inguruko biztanleei eragin diezaieke, eta, ondorioz, larrialdi zerbitzuek ES-Alert bat bidali dute bizilagunei konfinatzea eskatzeko.
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.