Hiru adingabe hil dira Toledon, auto batek harrapatuta
Hiru adingabe hil dira goizaldean Toledon, auto batek harrapatuta. Auto gidariak positibo eman du alkoholemia proban, eta atxilotu egin dute, Espainiako Gobernuak Gaztela Mantxan duen ordezkaritzak jakinarazi duenez.
Ezbeharra TO-4421 errepidean gertatu da, Noves herriaren parean. Antza denez, parranda egin ostean oinez etxera bueltan zihoazen hildako 12, 14 eta 15 urteko neskatoak, eta horiekin batera zihoan beste mutiko bat oso larri dago ospitalean. Gainera, bosgarren pertsona batek orkatila bihurritu eta zauri arinak ditu.
Auto gidaria, 30 urteko gizonezkoa, arin zauritu da eta alkoholemia proban positibo eman ostean, atxilotu egin dute.
Istripua zerk eragin duen argitzeke dago oraindik.
Toledoko Torrijos herriko 4. instrukzio epaitegiak bermerik gabe kartzelara bidali du auto gidaria, eta behin-behinean arduragabekeria larriagatik homizidioa, arduragabekeriagatik lesio larriak eragitea eta ausarkeriaz gidatzea egotzi dio.
Albiste gehiago gizartea
Irailarekin batera, neguko ordutegiak itzuliko dira garraio publikora eta TAO zerbitzura
TAO zerbitzua ohiko ordutegietara itzuliko da udan ezarritako aldaketen ondoren. Itzulera hiriko trafikoaren gorakadarekin eta lan-jardueraren gorakadarekin bat dator.
Emakume bat hil eta hiru pertsona zauritu dira Lemoan izandako auto-istripu batean
Ezbeharra 01:40 aldera gertatu da. Ertzaintzak ikerketa abiatu du gertatutakoa argitzeko.
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.
Milaka ibilgailu berrikusteko deia egin dute hainbat auto etxek, airbagetan arazoak izan ditzaketelako
Dozena bat pasatxo marka biltzen dituen Stellantis taldea erabiltzaileei gutunak bidaltzen ari da, Takata markako airbag akastunak direla eta.