20 atxilotu, zazpi Euskadin, Gizarte Segurantzari iruzurra egiteagatik
Gizarte Segurantzari eta Estatuko Enplegu Zerbitzu Publikoari (SEPE) iruzurra egiten zion sare bat desegin du Polizia Nazionalak Kantabrian, EAEn eta Galizian. Guztira, 20 pertsona atxilotu dituzte, horietako zazpi Euskadin.
Kantabrian 12 lagun atxilotu dituzte, tartean sarearen ustezko buruzagiak, 40 urteko A.C.L. eta 43 urteko JR.M.E. Biak Castron bizi ziren. EAEn zazpi pertsona atxilotu dituzte eta bakarra Galizian.
Kantabriako Bulego Nagusiak gaur agiri batean jakitera eman duenez, Castroko bi atxilotuek ustez lan kontratu faltsuak ematen zituzten enpresa faltsuen bidez, eta Gizarte Segurantzan alta emateko diru baten truke. Horrela, atzerritarrak erregularizatu, langabeziaren diru-laguntzak jaso edo espetxe onurak lortzen zituzten langileek.
Iruzurrak Gizarte Segurantzan 145.000 euroko zuloa eragin du. Laneko eta Gizarte-segurantzako Ikuskatzailetzak irregulartasunak antzeman zituen abuztuan, Castroko bi enpresatan. Benetako enpresak ez zirela eta gezurrezko kontratuetan oinarritutako altak aurkezten zituztela egiaztatu zuen.
Operazioa martxan jarri zuten eta bi fasetan aurrera eraman dute, aurrenekoa Kantabrian eta bigarrena Euskadin eta Galizian. Lehen fasean sarearen buruzagiak eta enpresa faltsuetako langileak atxilotu zituzten.
“Premia”
Ustezko langileak “premiazko” egoera ekonomikoetan zeuden pertsonak ziren, kasu batzuetan kotizazio denbora gutxi behar zuten diru-laguntzak jaso ahal izateko eta beste batzuetan, prestazioa kobratzeko eskubidea zuten, baina jaso ahal izateko epea agortu zitzaien.
Hilean 400 bat euro ordaintzearen truke lan kontratu faltsu bat lortzen zuten eskubideak eta diru-laguntzak bereganatzeko.
Kartzelan zigorrak betetzen ari ziren pertsonei kontratuak egin zizkien sareak, espetxe onuren truke.
Albiste gehiago gizartea
Palestinari elkartasuna adierazi diote Bilbon
Ongi Etorri Errefuxiatuak elkarteak bilkura egin du Bilbon. Palestinako herriari babesa adierazi diote bertan, eta haren aldeko aldarrikapenak egin dituzte.
Sutea piztu da Etxauriko gainean, Ziritzan
Haizeak sua bizitu du, baina ez da arriskutsua inguruko etxebizitzentzat, nahiz eta Na-700 errepidea itxi behar izan duten bi noranzkoetan.
Mozkortzearen ondorioak simulatzen dituen alkoholik gabeko lehen garagardoa sortu dute
Erresuma Batuko laborategi batek mozkorturik egotearen efektua lortzen duen alkoholik gabeko lehen garagardoa egin du: Sentia Spirits. Ondoezak ez du luze irauten, edan eta hogei minutu edo ordu erdira desagertzen baita horren eragina, eta ez du biharamunik uzten.
Irailarekin batera, neguko ordutegiak itzuliko dira garraio publikora eta TAO zerbitzura
TAO zerbitzua ohiko ordutegietara itzuliko da udan ezarritako aldaketen ondoren. Itzulera hiriko trafikoaren gorakadarekin eta lan-jardueraren gorakadarekin bat dator.
Emakume bat hil eta hiru pertsona zauritu dira Lemoan izandako auto-istripu batean
Ezbeharra 01:40 aldera gertatu da. Ertzaintzak ikerketa abiatu du gertatutakoa argitzeko.
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.