Abadiñoko Udala emakumeen hiltzailearen aurkako akusazioa izango da
Abadiñoko Udala akusazio partikularra izango da herenegun Matiena auzoan bi emakume hil izana aitortu duen gizonaren kontrako prozesu judizialean.
Bozeramaileen Batzordeak aho batez onartutako adierazpen instituzionalean, Talde Independenteak, Bilduk eta EAJk "erabat errefusatu eta gaitzetsi" dute indarkeria matxista, eta "elkartasuna" helarazi diete biktimen senide eta lagunei.
Udalak onartutako testu horretan, bat egin dute Euskal herriko Emakumeen Mundu Martxak ostiral honetarako deitu duen manifestazioarekin.
Era berean, batzorde berezi bat osatuko omen dute, emakumeen elkarteekin batera, Udaleko berdintasun egitasmoa aztertzeko eta "beharrezko ekintzak" aurrera eramateko, indarkeria matxista kasu gehiago gerta ez dadin.
Krimena aitortu du
Abadiñon atzo hilda agertu ziren bi emakumeen, Mari Luz Alejo eta Amelia Rodriguez ama-alaben, hilketa bere gain hartu du Benito Quinqueirosek, hildako emakume gazteenaren senarrak eta bestearen suhiak. Atzo arratsaldean bertan atxilotu zuten 60 urteko gizonezkoa, ustezko hiltzailea bera delakoan, Ertzaintzaren aurrean deklaratu ostean. Atxilotu ondoren aitortu zuen berak hil zituela, Jose Luis Navarro Abadiñoko alkateak Radio Euskadin baieztatu duenez.
Ikerketako iturriek jakitera eman dutenez, Atxondon duen aroztegiari berak eman ziola su ere aitortu zuen, eta eraso zioten itxura egin nahi izan zuela.
Ostiral honetan eramango dute epailearen aurrera akusatua, baina Durangoko ertzain-etxean dute oraingoz. Hildako bi emakumeen gorpuei egindako autopsiaren emaitzak, berriz, datozen orduetan ezagutuko dira.
Ikerketa
Aroztegiko sutearen berri izan eta gutxira, bi emakumeen gorpuak topatu zituztenetik, emakumeen kontrako indarkeria kasua izateko aukera lehen lerroan jarri zuen Ertzaintzak, beste hipotesi batzuk baztertu gabe.
Ertzaintzak jakitera eman duenez, atxilotuak galdeketan emandako azalpenek ez zuten heldulekurik, eta, azkenean, "presioaren ondorioz", gizonezkoak ezin izan zion bere bertsioari eutsi eta hilketen egilea zela aitortu zuen.
Atxilotuak aitortutakoaren arabera, muntaia bat prestatu zuen, Atxondon duen aroztegiari eraso zioten itxurak egiteko: enpresa sutan zegoela, gizonezkoa barruan topatu zuten, hankak lotuta, makina batetik zintzilik. Bi langilek aurkitu zuten, 08:00ak aldera. Horren berri izan eta berehala, gizonezkoaren koinata (emaztearen ahizpa) haren etxebizitzara joan zen, gertatutakoaren berri ematera; ahizpa eta ama ohe gainean hilda topatu zituen, eta indarkeria arrasto nabarmenak zituzten. Gizona ospitalera eraman zuten, zauri arinak baitzituen, eta eguerdian bertan eman zioten senda-agiria.
Polizia zientifikoa ari dira kasua ikertzen. Gorpuak Bilboko Auzitegiko Patologia Zerbitzura eraman zituzten, autopsiak egitera. Ikerketako iturrien arabera, "hipotesi guztiak" zabalik izan dituzte, baina indarkeria matxistaren aukera lehen lerroan izan dute hasiera-hasieratik.
Elkarretaratze isila eta gaitzespena
CIE Inyectametal enpresako langileek elkarretaratzea egin dute goizean, Abadiñon. Hildako emakumeetako batek bertan egin zuen lana 41 urtez. Duela gutxi hartu zuen aurretiazko erretiroa.
200 bat lagun bildu dira eta bost minutuko isilunea egin dute, pankartarik gabe. Atsekabetuta agertu dira eta gertatutakoa gaitzetsi dute.
Erakundeen gaitzespena
Eusko Legebiltzarrak bi emakumeen hilketak gaitzetsi ditu eta herritarrei "konpromiso pertsonalak eta kolektiboak" hartzeko deia egin die, emakumezkoen eta gizonezkoen arteko berdintasunaren alde.
Bakartxo Tejeria Legebiltzarreko eledunak adierazpen instituzionala irakurri du goizean Gasteizko ganberan, Abadiñon atzo gertatutakoa salatzeko. Minutu bateko isilunea egin dute legebiltzarkideek.
Astelehen honetan Bilbon gertatutakoa ere salatu du Tejeriak. Gizon batek bikotekide ohia labanaz zauritu eta ondoren bere buruaz beste egin zuen, Boluetako tren geltokian.
"Indarkeria sexista" emakume eta gizonen arteko berdintasun ezaren adierazpenik larriena dela esan du Tejeriak.
Emakundek ere gogor salatu ditu atzo Abadiñon izandako hilketak. Ohar batean esan du indarkeria matxistari aurre egiteko berdintasunean oinarrituko gizarte bat eraiki behar dela eta horretarako ezinbestekoak direla "gizarte osoaren inplikazioa" eta "baloreak aldatzea".
Bihar Abadiñon egingo den elkarretaratzean parte hartzeko deia egin du Emakundek. Izaskun Landaida Emakundeko presidentea bertan izango dela aurreratu du erakundeak.
_____________________
Tratu txarrak pairatzen badituzu edo biktimaren bat ezagutzen baduzu, kontuan hartu gida honetako aholkuak edota deitu 016 telefono-zenbakira (doakoa da eta ez du arrastorik uzten fakturan).
Albiste gehiago gizartea
Felix Baumgartner austriarra hil da, 2012an estratosferatik jauzi egiteagatik ezaguna, parapente istripu batean
Muturreko desafioak egiteagatik ezaguna, 2012an mundu mailan egin zen ezaguna estratosferatik salto egiteagatik; munduko hiru errekor ezarri zituen horrela, besteak beste, soinuaren hesia ibilgailurik erabili gabe hautsi zuen lehen pertsona izatea.
Zarautzeko Udalak hondartzan erretzea eta bozgorailuak erabiltzea debekatuko du
Udalbatzak aho batez onartu zuen araudia berria, baina alegazioak aurkezteko epea zabalik egongo da abuztuaren 6ra arte.
Harresi baten aztarnak aurkitu dituzte Gasteizko Antzoki Zaharra birgaitzeko lanetan, besaulki-patioaren azpian
Arkeologoek txosten bat egingo dute aurkikuntza aztertzeko, eta, bitartean, lanek normaltasunez aurrera jarraituko dute antzokiaren gainerako eremuetan.
San Adriango kobazuloan neandertalak bizi izan zirela berretsi du Aranzadik
40.000 urte baino gehiago dituzten piezak berreskuratu dituzte arkeologoek. Aranzadik bi hamarkada daramatza Gipuzkoan, Aizkorri mendilerroan, dagoen tunel horretan indusketak egiten. Historiako garai ugaritako aztarnak aurkitu dituzte.
Euskararen aurkako azken epaia salatzeko elkarretaratzeak deitu ditu UEMAk larunbat honetan, udaletxeen aurrean
Euskarak "justizia" behar duela nabarmendu du Martin Aramendi Udalerri Euskaldunen Mankomunitateko (UEMA) lehendakaria, eta Auzitegi Gorenetik heldu dena, "ez da justizia, euskara bigarren mailara kondenatzen duen epaia baizik". "Horregatik, aukera guztiak aztertu, eta prest gaude EAEko udal legea dagokion lekuan defendatzeko, baita Europako auzitegietan ere, zerbitzu juridikoek horretarako aukera ikusiz gero", gaineratu du. Halaber, gogoratu du EAEko udal legea "mugarri" izan zela udalerri euskaldunentzat, "elebitasun simetrikoa gainditzeko eta euskara lehenesteko aukera eman zuelako".
Atzerapenarekin bada ere, iritsi dira Saharako haurrak Euskal Herrira
Agiriak tramitatzeko izan dituzten arazoen ondorioz, 15 egun beranduago iritsi dira Euskal Herrira Saharako 213 neska-mutikoak. Orain bertako familietan edota aterpetxeetan igaroko dute uda abuztu bukaera arte. Behar dituzten osasun frogak egiteaz gainera, elikadura hobetzea eta basamortuko 50 graduko tenperaturak ekiditea da Oporrak Bakean ekimenaren helburua.
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.