Haizea, euria, elurra eta olatuak protagonistak, datozen bost egunetan
Zazpi metroko olatuek Euskal Herriko kostaldea astinduko dute datozen egunetan. Horregatik, Eusko Jaurlaritzaren Segurtasun Sailak alerta laranja ezarriko du. Datozen bost egunetan "denborale gogorra" izango da eta euri-zaparrada mardulak botako ditu. Gainera, elur-kotak "behea joko" du igandean, eta 100-200 metrotan kokatuko da.
Ostegunean, 21:00etan, alerta laranja martxan jarriko duela jakitera eman du Segurtasun Sailak. Ostiraleko 24:00ak arte indarrean izango da; izan ere, zazpi metro arteko olatuak espero dira euskal kostaldean.
Hala ere, aurreko denboraleetan baino ahulago joko dute olatuek, denboralea marea biziekin batera gertatuko ez delako. Ostiral goizean olatu handienak espero dira, mendebaldeko eta ipar-mendebaldeko haize zakarrak lagunduta. Itsasoaren egoera nabigaziorako "oso txarra" izango dela ohartarazi du Segurtasun Sailak.
Euria erruz botako du
Gainera, Euskalmet-ek jakitera eman duenez, datozen bost egunetan "oso eguraldi nahasia" espero da eta "denborale gogor" bat ostegunean helduko da. Atlantikoan Azoreetako antizikloiak eta Europako iparraldean kokatutako borraska sakon batek korridore bat osatuko dute.
Korridore horretatik fronte ezberdinak sartuko dira eta euri-zaparrada mardulak botako ditu Euskal Herrian. Ipar-mendebaldeko haizeak gogor joko du eta elurra egingo du gero eta kota baxuagoetan, igandean batez ere. Denboraleak asteartera arte iraun dezake.
Euriak protagonismoa hartuko du ostegun arratsaldean eta ostiralean erruz botako du. Ostiralean 80 litro metro karratuko bota ditzake Atlantikoko isurialdean eta 30 Arabako Lautadan. Euri-zaparradak astelehenera arte izango dira. Gainera, asteburuan zehar ekaitzek txingorra edozein unetan bota dezakete.
Elur-kotak behea joko du asteburuan
Elur-kota 1.000 metrotan kokatuko da lehen egunetan, baina "behea joko" du asteburuan, Euskalmeten arabera.
Larunbatean, 500-600 metrotan elurra bota dezake eta igandean elur-kota 300-500 metrotan kokatuko da, baina ekaitzen ondorioz 100-200 metrotara arte jaitsi daiteke zenbait tokitan. Egun osoan zehar txingor-zaparradak sarri botako ditu, batez ere kostaldean.
Maila baxuetan zuritu dezakeela onartu badu ere, sare sozialetan elurrari buruz zabaldu diren "gezurrei" jaramonik ez egiteko deia egin du Euskalmetek:
Haize zakarra
Haizeak indarra hartuko du ostegun arratsaldean eta boladek 100 kilometro orduko abiadura gainditu dezakete kostaldean eta mendialdean. Gainerako tokietan 70-80 kilometro orduko abiaduran ibiliko da.
Ostiral eguerdira arte haizeak indartsu joko du, baina arratsaldean indarra galduko du. Asteburuan, ostera, haizeak berriro indarra hartuko du, 80-90 kilometro orduko abiadurarekin kostaldean eta mendialdean, eta 60 kilometroko orduko abiadura gainerako txokoetan.
Zure interesekoa izan daiteke
Burguera anaiak Legazpiko elizako mantentze-lanez arduratzen dira eta herriko ondare historikoa babesten dute
Paco, Ricardo eta Juan Mari, Legazpiko parrokiaren mantentze-lanetaz arduratzen dira, borondatez. Duela 7 urte hasi ziren jarduera honekin eta ez dute erlijioagatik egiten, herriaren ondarea babesteko eta berreskuratzeko baizik. Egindako lanen artean kuttunena, organoaren funtzionamendua agerian uzten duen erakusleihoa.
Ikerketek genero-indarkeriako testuinguru batean kokatzen dute Fuenmayorgo parrizidioa
Familiako genero-indarkaria gertakari batean, 19 urteko gazte batek ustez bere aita hil zuen arma zuri batekin, abenduaren 31ko arratsaldean. Alarguna VioGén sisteman (Genero Indarkeria Kasuen Jarraipen Integralerako Sistema) agertu zen 2012an.
Magia, karrozak eta gozokiak: honelakoak izango dira Errege Magoen kabalgatak Bilbon, Gasteizen, Donostian eta Iruñean
Meltxor, Gaspar eta Baltasar (ia) prest daude kale nagusiak zeharkatzeko, berariaz prestatutako argi eta kolore ikuskizunekin lagunduta ibilbide osoan zehar.
Bi atxilotu Andoainen lapurtzera sartu ziren etxe bateko jabea itotzen saiatzeagatik
Bi biktimak esnatu egin ziren etxeko atea behin eta berriz jotzen ari zirela ikustean, eta atea irekitzean, beltzez jantzitako ezezagun bat gainera etorri zitzaien.
Gasteizko Udalak 8 orduko TAO tarifa berria ezarriko du gaurtik aurrera
Tiket berria 2. Eremuari aplikatuko zaio, eta zortzi euroan 10:00etatik 20:00etara aparkatzeko aukera emango du, ohiko etenaldiarekin, arratsaldeko ordu bietatik lauetara (TAOrik gabeko tartea).
Osakidetzak uste du gripe kasuek goia jo dutela dagoeneko
Atzemandako kasuek hiru astez jarraian behera egin ondoren, Osakidetzak ez du "gorakada handirik" espero egun hauetarako, Koldo Berganzo Asistentzia Sanitarioko zuzendariak azaldu duenez. Bere ustez, aurten izandako esperientziaren ostean, datozen urteetan txertoguneak martxan jarriko dituzte EAEko hiru lurraldeetan.
Gizon bat atxilotu dute Lezon, eztabaida baten ondoren establezimendu bateko langilea harrapatzen saiatzeagatik
Eusko Jaurlaritzako Segurtasun Sailak jakinarazi duenez, ostegun gauerdia pasata deia jaso zuen Ertzaintzak, lokalera joateako eskatuz. Izan ere, gizon bat hiru aldiz saiatu zen establezimenduko langileetako bat autoarekin harrapatzen, lokalaren kanpoaldean. Antza, horren aurretik liskarra izan zuten biek eta langileak bota egin zuen atxilotutako gizona.
Pregabalinarekiko mendekotasuna egonkortu egin da Erdu programak artatzen dituen gazte kalteberen artean
Gizarte-ahultasun handiko egoeran dauden adikzioak dituzten pertsonei arreta emateko programaren profil nagusia 18 eta 35 urte bitarteko gizonena da, asko etxerik gabekoak eta osasun mentaleko arazoak dituztenak.
Legez kanpoko "rave" batek ehunka lagun bildu ditu Albaceten
"Big Fucking Party" izenekoak mila ibilgailu baino gehiago bildu ditu Cenajoko urtegian, Hellin udalerrian (Albacete), urte berria dela eta festa "rave" bat ospatzeko. Momentuz, jaia normaltasunez ari dira ospatzen eta ez da istilurik izan.
Erriberrin desagertutako 68 urteko gizonaren bila jarraitzen dute
Abenduaren 31ko arratsaldean ikusi zuten azkenekoz, udalerri horretako adinekoen egoitza batetik irten ondoren.