Euskarak atzera egin du Nafarroako eremu euskaldunean
Nafarroako Gobernuak Foru Erkidegoaren mapa linguistikoa aurkeztu du gaur. Horren arabera, euskara dakiten nafarren kopurua hazi egin da azken hogei urteetan, baina eremuen araberako bilakaera desberdina izan da: euskarak atzera egin du Nafarroako eremu euskaldunean, erabileran eta ezagutzan; eremu misto eta ez euskaldunean, berriz, hazi egin da, kopuru txikian bada ere
Hori da Jose Iribas Nafarroako Hezkuntza kontseilariak aurkeztu duen mapa soziolinguistikoak utzitako ondorioetako bat.
Horrez gain, lau nafarretik bat euskara ulertzeko edo, modu apalean bada ere, hitz egiteko gai dela ageri da txostenean. Gora egin du orokorrean kopuruak, baina gora-behera handiak daude euskararen legeak ezartzen dituen zonaldeen arabera.
Izan nire, eremu euskaldunean, esaterako, herritarren % 60k daki euskaraz, duela hamar urte baino bi puntu gutxiago. Kezkagarriena, hala ere, etxeko erabilerak izan duen jaitsiera da: % 42tik % 34ra jaitsi da etxean euskaraz egiten dutenen kopurua.
Eremu mistoan eta ez euskaldunean aurrera egiten ari da euskara, apal bada ere. Eremu mistoan herritarren % 12 pasatxok daki euskaraz, duela hogei urte halako bi. Eremu ez euskaldunean, ordea, herritarren % 4k daki euskaraz. Eskolaren eragina tarteko, 14 urtetik beherako umeen artean egin du batez ere gora, % 12k baitaki euskaraz.
Jose Iribasek euskara babestearen baina ez inposatzearen alde egin du, baina oposiziotik erantzun diote inposaketa bakarra eremuen banaketa dela. Halaxe esan dio behintzat Bakartxo Ruiz Bilduren ordezkariak.
PSNtik, Mari Carmen Otxoak euskararen inmertsioa aldarrikatu du.
Zure interesekoa izan daiteke
Mugimendu sismikoak izan dira Andaluzian, denboralearen ondoren
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.
Prostituitzera behartuta zeuden hiru emakume askatu dituzte Getxon
Bestalde, 36 eta 27 urteko bi emakume atxilotu dituzte, askatutako hiru lagunak prostituitzera behartzeagatik. Beste bi delitu ere egotzi dizkiete atxilotuei: droga trafikoa eta baimenik gabe botikak saltzea. Ikertzaileek egiaztatu dutenez, biktimek beren diru-sarreren % 50 ematen zieten arduradunei.
Andaluziako Juntak laguntza eskatuko dio Espainiako Gobernuari eta EBri denboraleek utzitako "milioiko euroko galerei" aurre egiteko
Marta ekaitzak zaparradak eta haize bolada gogorrak utziko ditu erkidegoan. Kezkagarria da, halaber, Guadalquivir ibaiaren maila, uste baita arratsaldean bere gorena harrapatuko duela. Denboralea tarteko, Sevilla-Girona eta Cadiz-Almeria futbol partidak bertan behera utzi dituzte.
Urtegiak eta errepideak gertutik zaintzen ari dira Caceresen, Malagan, Cadizen eta beste hamaika tokitan, Marta ekaitza dela eta
Andaluziako Juntak 350 gorabehera larri baino gehiago erregistratu ditu azken egunotan autonomia erkidegoko errepide sarean, eta, ondorioz, errepide asko eta asko itxi behar izan dituzte, Leonardo depresioak eraginda. Marta ekaitzak are gehiago okertu dezake egoera.
Pertsona baten gorpua berreskuratu dute Bilboko itsasadarrean, udaletxearen aurrean
Gorpua 10:30ak aldera aurkitu dute, eta berehala berreskuratu dute. Ertzaintzak ikerketa abiatu du gertatutakoaren nondik norakoak argitzeko.
%20EFE?fmt=webp-alpha&qlt=80)
Denboraleak atsedena eman du Andaluzian, hildako bat eta etxetik kanpo 8.000 pertsona utzita, baina okerrena iristear dago
Leonardoren ostean, Marta depresioa iritsiko da asteburuan, emariaren atalase gorrian 15 ibai baino gehiago dituen eremu batera.