Ume bakoitzeko diru-laguntzak apirilaren 1ean banatzen hasiko dira
Gurasoen errentaren arabera seme-alaba bakoitzeko diru-laguntzak apirilaren 1ean hasiko dira banatzen. Horrek diru-sarrera txikienak dituzten familiei mesede egingo die, Eusko Jaularitzak ziurtatu duenez.
Gobernu Kontseiluak diru-laguntzen dekretu berria onartu du gaurko bileran. Laguntza berriak datorren hilean sartuko dira indarrean, Angel Toña Enplegu eta Gizarte Politikarako sailburuak jakitera eman duenez.
Data horretatik aurrera, bigarren seme-alaba duten EAEko gurasoek laguntza diru-sarreren arabera jasoko dute. Irizpide berdina lehen umearen kasuetan aplikatzen da jadanik. Horrela, errentarik txikienek Administrazioaren babesa handiagoa izango dute. Diru-sarrera handienak dituzten familiek, ostera, diru gutxiago jasoko dute.
Gizarteak araudia aldatzea eskatzen zuela azpimarratu du Toñak, baina “diru-laguntza unibertsalak izan behar direla dioten aurkako ahotsak” izatea onartu du sailburuak, PPren eta UPyDren kritikei erreferentzia eginez.
Kontziliazioa eta jaiotza-tasa
Familia politiken inguruan Jaurlaritza “gogoeta sakona” egiten ari dela ziurtatu du sailburuak, Euskadik “jaiotza arazo larriak” dituelako, baina “aurrekontu bati lotutako laguntzekin” bakarrik konponbiderik lortuko ez dutela ohartarazi du. Diru-laguntzekin “baliabide gutxi dituzten familiak lagundu” nahi dituztela gaineratu du.
Toñak adierazi duenez, lan-ereduak kontziliazioa lagundu eta familiek “seme-alaba bat edo bi bakarrik izan beharrean, hiru edo lau” ume izatea ahalbidetu beharko luke zerga-sistemak. “Hori herriarentzat ona litzateke”, esan du sailburuak.
Era berean, kontziliazioari laguntzeko dekretu bat onartu du gaur Gobernu Kontseiluak. Horiek ere errentaren arabera banatuko dituzte, baina berritasun nagusi bat dute: lanaldiaren murrizketa 8 urtetik 12ra luzatzeko aukera izango du aita batek.
Bestalde, familia ugariek seme-alabak zaintzeko norbait kontratatzen baldin badute diru-laguntza bat jasotzeko aukera izango dute, baita gurasoetako batek lanaldiaren murrizketa duen kasuetan ere. Orain arte kategoria bereziko familia ugariek zuten aukera soilik.
Sailburuak jakinarazi duenez, iazko martxoa eta abuztua bitartean eskatu zituzten kontziliazio laguntzak banatzen hasi dira; 12,4 milioi euroko 12.000 bat espediente. Ezin izan zituzten garaiz banatu 2014ko aurrekontua agortu zelako.
Zure interesekoa izan daiteke
Corellako 14 urteko adingabe bat saldu eta ezkontzera behartu zuten pertsonak epaituko dituzte
Kasua ikertu duen epailearen ustez, gertakariak gizakien salerosketaren delitu izan daitezke. Autoaren arabera, gaztea ezkontzera behartu zuten "5.000 euro, bost whisky botila eta janariaren truke" eta, ondoren, Kataluniako hainbat udalerritan eskean aritzera behartu zuten.
24. Korrikaren amaiera: festa erraldoia Bilbon, igandean
Martxoaren 29an Bilboko udaletxean amaituko da 24. Korrika, "Euskara gara" lelopean, eta egun osoan zehar jarduera desberdinez osatutako egitarau zabala izango da.
Euskal hiztunen "eguneroko errealitatearen lagin txiki bat": 883 urraketa, 2025ean
Hizkuntza Eskubideen egoerari buruzko txostena aurkeztu du Behatokiak. Ondorio nagusia da "araugintzan errotiko aldaketak" egin ezean, "atzerapausoak emateko arriskua gero eta nabarmenagoa" dela. Azaldu dutenez, zenbait lanpostu publikotan euskararen ezagutza ez izateak sistema osoaren euskaraz funtzionatzeko gaitasuna oztopatzen du.
Eusko Jaurlaritzak Trans Memoriaren Eguna izendatu du azaroaren 20a
Dekretua elkarte eta erakunde sozialekin lankidetzan egin da, besteak beste, Naizen, Errespetuz eta Loratuz Lotu elkarteekin. Besteak beste, aukeratutako dataren proposamenean eta adostasunean parte hartu dute.
Akusatutako irakaslearen ikasle ohia: "Guk ere lekuz kanpo zeuden iruzkinak entzun behar izan genituen 11-12 urte genituenean"
Oiartzungo Elizalde ikastetxean irakasle akusatuaren ikasle izan ziren hainbat emakume Gipuzkoako Probintzia Epaitegira hurbildu dira gaur biktimei babesa ematera. Horietako batek azaldu duenez, 11-12 urte zituztenean "iruzkin lizunak" egiten zizkien gizonak, eta epaiketan entzundakoaren aurka, ziurtartatu duenez, gizona bera zen gerturatzen zitzaiena eta "lekuz kanpoko iruzkinak" egiten zizkiena. Ikasgelan bideo pornoak jartzen zizkiela eta hitz-joko lizunak egiten zituela esan dute, eta "nazkagarria" eta "lotsagabea" zela.
Irungo institutu batean diruaren truke ikasleei sexu harremanak proposatzea leporatzen dioten irakasleak akusazioak ukatu ditu, eta lan jazarpena salatu du
Fiskaltzak 22 urteko kartzela zigorra eskatu du irakasle horrentzat, 13 eta 15 urteko hiru adingaberi diruaren zein oparien truke sexu harremanak izateko proposamenak egitea egotzita.
Epaileak Amaya Zabarteren kasua artxibatu du, jaurtigaia nork bota zuen egiaztatu ezin duelako
Donostiako epaileak behin-behinean artxibatu du 2024ko martxoan jasandako lesioagatik irekitako auzia, eta familiak helegitea aurkezteko aukera du orain.
Epailearen arabera, Estatuko administrazioarena zen El Bocaleko pasabidea mantentzearen ardura, eta ikerketapean jarri ditu Trantsizio Ekologikoko bi funtzionario
Epailearen ustez, Estatuko administrazioa da martxoaren 3an Santanderko hondartza horretan istripua izan zen pasabidearen "kontserbazio-egoera eta mantentzea egokia zela bermatzeko arduradun bakarra", eta pasabide horretako eta beste batzuetako lanak "amaitu gabe" daudela. Sei pertsona hil ziren eta bat larri zauritu zen, martxoaren 3an, itsaso ondoko pasabidea behera etorrita.
Alokairuen eskaintza, amilduta: Bilbon eta Donostian % 70 baino gehiago murriztu da
Iruñean alokairuen eskaintza % 47 jaitsi da, eta Gasteizen % 26, Idealistaren arabera. Bilbon, etxebizitza baten bila dabiltzanen lehiak % 864 egin du gora bost urtean.
Ordu aldaketa: Bueltan da udako ordutegia
Martxoaren 28tik (larunbata) 29ra (igandea) bitarteko goizaldean, 02:00etan ordua aldatu egin beharko da, eta 03:00ak izango dira. Atseden hartzeko ordubete gutxiago egongo da. Egungo ordutegi ereduarekin jarraitzeko beharrak eztabaida sortzen du, batez ere bi arrazoi garrantzitsu direla eta: Osasuna eta energia kostua.