Kontseiluarekin sinatutako hitzarmenak Patronatua bitan zatitu du
Hizkuntza aniztasunaren inguruko kongresu bat antolatzeko Donostia 2016k Kontseiluarekin sinatutako hitzarmen polemikoak Patronatua bitan zatitu du, Donostian gaur egindako bilerak agerian utzi duenez.
Ia lau orduko iraupena izan du batzarrak eta akordiorik gabe bukatu da. Bi bozketa egin dituzte bileran. Bozketetan, alde batean, Bilduk gobernatutako erakundeak kokatu dira, eta bestean, Eusko Jaurlaritza eta Kultura Ministerioa.
Hizkuntza aniztasunaren kongresua antolatzeko, lehiaketa publikorik egin gabe 422.000 euroko esleipena egitearen aurkako salaketa aurkeztu zuen Kultura Ministerioak. Aldez aurretik, lehiaketarik gabe esleipena egiteko erabakiaren kontra azaldu ziren Ministerioa eta Eusko Jaurlaritza Patronatuan.
Bilera amaitu eta gero, Juan Karlos Izagirre alkateak, Fundazioko presidenteak azalpenak eman ditu. Lehendabizi, Ministerioari salaketa kentzeko eskakizuna bozkatu dute. Donostiako Udalak (3) eta Gipuzkoako Aldundiak (2) babesa eman diote, eta ondorioz, aldeko bost botorekin onartu dute. Eusko Jaurlaritzak (2) eta Ministerioak (1), ostera, kontrako botoa eman dute.
Bigarren bozketan, zatiketa berdina errepikatu da. Bilduk gobernatzen dituen erakundeetako gehiengoari esker, Kontseiluarekin sinatutako hitzarmenaren legezkotasuna auzitegietan, Patronatuko zerbitzu juridikoekin, defendatzea erabaki dute.
Izagirre: “Ez dago hausturarik”
Eusko Jaurlaritzaren jokabidea deitoratu du Izagirrek, “2016 egitasmoari babesa emateko aukera bat galdu duelako”. Bestalde, Kultura Ministerioa “desleiala” dela esan du Donostiako alkateak, Patronatuko erabaki baten aurka salaketa aurkeztu duelako.
Hala ere, Donostia 2016 proiektuan haustura bat izatea ukatu du alkateak. Horrela, zatiketari garrantzia kendu dio Izagirrek. Egitasmoa ikuskatzen duten Europako agintariek mota honetako gatazkak “ohikotzat” jotzen dituztela ziurtatu du.
Horregatik, datorren astean Europako arduradunen aurrean, Bruselan, proiektua defendatzeko inongo arazorik ez dagoela uste du Donostiako alkateak.
Joxean Muñoz Eusko Jaurlaritzako Kultura sailburuordearen hitzetan, Ministerioak eta Jaurlaritzak bozketan bat egin dute; izan ere, Kontseiluarekin sinatutako hitzarmena “legalki eztabaidagarria” dela uste dute.
Zure interesekoa izan daiteke
Gehiago eta hobeto bizitzen ikasteko proiektu batean parte hartzen ari dira 65 urtetik gorako 600 bizkaitar
Biobizkaia Institutuaren azterketak mendekotasuna prebenitzea eta osasuna zaintzea du helburu, baina ez da azterketa medikoetan bakarrik geratzen. Parte hartzaileek nutrizioari, mikrobiotari eta ohiturei buruzko hitzaldiez ere gozatzen dute, beren ongizatearen hobetzen laguntzeko.
Euskadi eta Katalunia Unescoren eta Turismoaren Nazioarteko Erakundearen kide izatea sustatuko du Espainiako Gobernuak
Horrekin batera, "estatutu zabalago bat" eskatu du Espainiako Gobernuak, "lurralde horiek kulturaren eta turismoaren arloan dituzten eskumenak garatu ahal izateko". Juntsekin adostutako akordioen barruan kokatu du iragarpen hori Pedro Sanchez presidenteak.
Padura artifizialak sortu eta etorkizuneko eraikinetako kotak igoko ditu Jaurlaritzak, itsas mailaren igoerari aurre egiteko
Egoerarik okerrenean, itsasoaren maila 0,72 metro igo liteke 2100. urterako. Horrek guztiak zuzenean eragingo die EAEko biztanleriaren % 32ri (700.000 pertsonari baino gehiagori) kostaldean eta bokaletik hurbil dauden ibai haranetako biztanleei. Hori dela eta, Eusko Jaurlaritza onartu du, behin-behinean, Itsasertza Babestu eta Antolatzeko Lurralde Plan Sektorialari.
Duela 80 milioi urte baino gehiago Barrikan (Bizkaia) izandako glaziazio batek ezbaian jarri ditu eredu klimatikoak
Kretazeoan izotzik gabeko Lur planeta baten aukera errefusatuko luke aurkikuntza horrek, eta komunitate zientifikoan errotuta dagoen ideia hautsi, hau da, garai hartako klima izugarri beroa izan zela, planetaren historiako tenperatura altuenetakoak izateraino.
Gizon bat atxilotu dute Santurtzin, faltsututako Athleticen 2.070 kamiseta izateagatik
Atzemandako materialak 132.000 euroko balioa izango luke merkatuan, Bizkaiko Guardia Zibilak egindako kalkuluen arabera. Atxilotuari jabego industrialaren aurkako delituak egitea leporatzen diote.
Gizon bat atxilotu dute Araban, adingabeen argazkiak AArekin manipulatu eta haur pornografia sortzea egotzita
Poliziaren arabera, atxilotutakoak adingabeen argazkiak hartzen zituen kalean eta igerileku publikoetan, eta adimen artifizialarekin manipulatzen zituen biluzik ager zitezen.
'Aita Mari'k 53 pertsona lehorreratu ditu Italian, hiru egunez nabigatu ostean
Aita Marik pasa den ostiralean Mediterraneoan erreskatatutako 56 lagunetik 53 lehorreratu ditu Italiako Brindisi portuan. Izan ere, bi hilabeteko haur bat eta haren gurasoak Italiako kostazainek artatu zituzten, haurrak muturreko desnutrizioa eta deshidratazioa zituelako.
Ehunka lagun elkartu dira Zestoan, "elkartasun feministagatik" auzipetutako sei pertsonen aldeko elkarretaratzean
Herriko sei bizilagun epaituko dituzte datorren astean, integritate moralaren aurkako delitua egotzita. Akusatuetako emakumeetako baten bikotekide ohia da salaketa jarri duena, kalte egin diotela bere izen onari argudiatuz, duela urte batzuk indarkeria matxista leporatu ziotelako.
8 urteko haur bat harrapatu dute Iruñeko Marcelo Celayeta etorbidean
Haurrak izaera erreserbatuko polikontusioak jasan ditu, eta Nafarroako Unibertsitate Ospitalera eraman dute.
5 labana konfiskatu eta 51 pertsona identifikatu dituzte Barakaldoko diskoteka batetik gertu
Eusko Jaurlaritzako Segurtasun Sailak jakinarazi duenez, Ertzaintzak eta Barakaldoko Udaltzaingoak goizaldean egindako kontrol batean atzeman dituzte, kontzertu bat ematen ari ziren dantzaleku baten inguruetan.