Alfonso Alonso: 'Abortua ez da eskubide bat'
Alfonso Alonso Espainiako Osasun, Gizarte Zerbitzu eta Berdintasun ministroaren arabera, "abortua ez da eskubide bat". Halaber, gogoratu du "argi gelditu behar duela eta argi gelditzen dela Konstituzioak bermatzen duen bizitzaren defentsan eta Auzitegi Konstituzionalak egiten duen eskubide horren interpretazioan".
Bestalde, aitortu du talde parlamentario popularrak Abortuaren lege proposamenari zuzenketak aurkezteko aukera dagoela, batez ere, abortatzeko epeei eta adin txikikoek abortatzeko gurasoen baimena behar ote dutenari dagokionean. Horrek aldaketak eragingo lituzke abortuaren aitortzan.
Ministroak azaldu duenez, datorren asteartean Espainiako Diputatuen Kongresuan egingo den osoko bilkuran aintzat hartuko da talde popularraren ekimen hori. Halaber, aitortu du posible dela talde popularrak, eta ez Espainiako Gobernuak eskatuta, Abortuaren Legeari zuzenketaren bat aurkeztea, gaur El Mundo egunkariak iradoki duen bezala. Hala eta guztiz ere, zehaztu du auziari buruzko galdera Rafael Hernando PPk Diputatuen Kongresuan duen bozeramaileari egin behar zaiola.
RNE irratiari eskainitako elkarrizketan, nabarmendu du Gobernuaren "obsesioa" dela "Jose Luis Rodriguez Zapateroren legearekin hautsi zen adostasunaren bidera itzultzea". Abortuaren Lege erreforma atzera botata, PPren boto-emaile batzuk nahigabetuta egon daitezkeela eta, azpimarratu du PPren mezua argia dela: "PPtik bizitzaren defentsaren aldeko mezu argia bidali nahi dugu, nahiz eta askotan talde parlamentarioak edo Gobernuak alor horretan duen iritzia gaizki ulertzen den".
Halaber, gogoratu du Alberto Ruiz-Gallardonek aurkeztutako proposamenak ez zuela aurrera egin horren inguruko adostasunik ez zegoelako. Gainera, kezka agertu du abortuen zifrak asko aldatu ez direlako. Hori dela eta, desio gabeko haurdunaldian eragozteko plan baten beharra nabarmendu du.
Zure interesekoa izan daiteke
“Gure hezkuntza, euskalduna” lelopean, milaka ikasle kalera atera dira
Hego Euskal Herriko ikasleriak bat egin du Ikamak deituriko greba egunarekin. Manifestazio jendetsuak egin dira Iruñean, Gasteizen, Bilbon eta Donostian. Euskara oldarraldi judizial eta politiko bat jasaten ari dela eta indarrean dagoen hezkuntza ereduak euskara mesprexatzen duela salatu dute.
Euskal Autonomia Erkidegoa da Europako zientzia-funtsen bilketaren buru: 10 urtean 1.300 milioi bildu ditu
Espainiako Estatu osoan ere liderra da I+Gko inbertsioan, 2.000 milioi euro baino gehiagorekin, bere BPGaren % 2,35.
Xuhar Pazosen kasua artxibatu egin du epaileak, ertzainen jokabidea "beharrezkoa eta neurrizkoa" izan zela argudiatuta
Villabonako gazteak begi bateko ikusmena galdu zuen, Ertzaintzaren foam jaurtigai batek jo ondoren, iaz Tolosako inauterietan izandako istiluetan. Epaileak iritzi dio agenteek protokoloa bete zutela, eta Pazosen lesioa "halabeharrezkoa" izan zela.
Bilboko 76. San Tomas Azokak 243 etxola eta 166 postu hartuko ditu, Areatzan
BBKk antolatuta, tradizioa, elkartasuna eta jasangarritasuna batuko ditu eta 100.000 pertsona inguru biltzea espero da, 09:00etatik 20:00etara. Aurten, 4.500 babarrun anoa banatuko dira Bizkaiko Sukaldarien Bilkura Fundazioaren (Bisubi) eskutik.
Gizon batek sexu-erasoa egin dio adingabe bati, kontaktu-aplikazio baten bidez hitzordua lortu ostean, Aian
Ertzaintzak goizaldean atxilotu du 25 urteko gizona, eta polizia-bulegoetara eraman dute.
Etxebizitza arloko Premiazko Neurrien Legearen aurkako protesta, Eusko Legebiltzarrean
Etxebizitza Sindikatu Sozialistak deituta, talde bat Eusko Legebiltzarraren aurrean bildu da Gasteizen, Etxebizitzaren arloko Premiazko Neurrien Legea gaitzesteko. Deitzaileen arabera, legeak "eraikuntza ziklo berri bat abiatzea du helburu", eta "proletarioei murrizketak eta jabedun aberatsei baliabide gehiago ekarriko dizkie".
Administrazioak azpikontratutako enpresei ezarritako hizkuntza-eskakizunak baliogabetu ditu Euskadiko Auzitegi Nagusiak
EAEko Justizia Auzitegi Nagusiak partzialki onartu du CCOO sindikatuak aurkeztutako helegite bat, eta bertan behera utzi ditu administrazio orokorrean eta atxikitako entitateetan hizkuntza erabiltzeari buruz Eusko Jaurlaritzak 2023an onartutako zenbait irizpide. Epaimahaiak argudiatu duenez, hizkuntza ofizial batek ezin du bestearen gaineko lehentasunik izan, eta azpikontratatutako langileei eta funtzionarioei ezin zaie hizkuntza-eskakizun bera eskatu.
Justizia Aranarentzat plataformak Ertzaintzaren "inpunitatea" salatu eta "protestarako eskubidea" aldarrikatu du
Iker Aranarentzat justizia aldarrikatzeko kontzentrazio bat egin du aipaturiko plataformak gaur goizean Bilboko epaitegien aurrean, ustez gaztea zauritu zuen ertzainak epaitegian deklaratzen zuen bitartean.
Mentxu Ramilo Araujo politologo eta aktibistak jasoko du 2025eko Emakunde saria, emakumeen ezagutza askeari eta ahalduntze digitalari egindako ekarpenagatik
Emakundek azpimarratu duenez, Ramilok emakumeak ikusaraztea lortu du WikiEmakumeok lankidetza-proiektua bultzatuz eta, epaimahaiak nabarmendu horren aktibismo feministak hezkuntza, ikusgarritasuna eta ekintza kolektiboa uztartzen dituela.
Bizkaiko Auzitegiak 5 urte eta erdiko zigorra ezarri dio DYAko presidente ohiari 2,9 milioi euro bidegabe eralgitzeagatik
Horren bazkideari 4 urte eta erdiko zigorra ezarri dio diruaz bidegabe jabetzeagatik. Auzitegiak frogatutzat jo du akusatuek "harrapatze-asmoz" jokatu zutela, modu bidegabean aberasteko GKEaren funtsak masiboki desbideratu zituen enpresa-triangelu baten bidez.