Politikagintza utziko duela iragarri du Gallardonek
Alberto Ruiz-Gallardon Justizia ministroak kargua utzi du, Mariano Rajoy Gobernuko presidenteak Abortuaren Legea gaur bertan behera utzi eta gero.
Gobernuko presidenteari erabakiaren berri iragan astean eman ziola azaldu du Gallardonek Justizia Ministerioaren egoitzan.
"Ez naiz Ministroen Kontseiluan onartutako lege aurreproiektua lege-proiektu bihurtzeko gai izan; Gobernuaren konpromisoa ez dut bete", adierazi du Gallardonek agerraldian.
Era berean, politikagintza utziko duela iragarri du Ruiz-Gallardonek 30 urte lanean eman eta gero. Horrela, Kongresuko eserlekua lagako duela esan du.
Alderdi Popularrean dituen kargu guztiak utziko dituela azaldu du. Gallardon PPren zuzendaritzako kidea da.
"Soilik Justizia Ministerioa uzteko erabakia ez da gaurkoa, politikagintza utziko dut 30 urte eta gero", adierazi du.
Alderdiko karguak uzteko erabakia datozen egunetan Rajoyri jakinaraziko diola esan du ministroak, baina militantzia lagako ez duela argi utzi du.
"Erantzukizun politikoko kargurik" hartuko ez duela azpimarratu du Ruiz-Gallardonek, "Madrilgo Alkatetzan, Madrilgo Erkidegoaren Presidentetzan eta Justizia Ministerioan izan eta gero". "Nire bizitza politikoa amaitutzat eman behar dut", nabarmendu du.
Rafael Catala Polo izango da Justizia ministro berria, gaur egun arte Azpiegituren Estatu idazkaria izan dena, Gobernuko Presidentetzak jakitera eman duenez. Rajoyk arratsaldean bertan onartu du Alberto Ruiz-Gallardonen dimisioa.
Alberto Ruiz-Gallardon Justizia ministroa. Argazkia: EFE
"Atsekabetuta" alde egiten ez duela ziurtatu du Gallardonek. "Eskerrak" emateko hurbildu zaizkion pertsona anonimo guztiei eskerrak eman dizkie ministroak. "Ez dut inolako oroimen negatiborik inorentzako eta ezerentzako", esan du.
Katalunia
Bestalde, Estatuko Abokatutzak Kataluniako kontsulten legearen eta azaroaren 9ko deialdiaren aurka Auzitegi Konstituzionalean aurkeztu beharreko bi helegiteak idatzita daudela adierazi du Justizia ministroak.
Gallardonen hitzetan, dagoeneko Kataluniako Parlamentuak kontsulten legea onartu du eta ezin da aldatu, nahiz eta Artur Mas Generalitateko presidenteak sinatzeko 15 eguneko epea izan. "Argitalpen datak ez du helegitearen edukia aldatuko", zehaztu du.
Dimisioa iragan astean aurkeztu zuen, baina ez zuen Ministerioa utzi nahi "eginda zegoen zerbatik bukatu baino lehen, kontsulten legearen eta deialdi dekretuaren aurkako helegiteak, alegia", gaineratu du Gallardonek.
Zure interesekoa izan daiteke
Irunen hegoaldeko erronda, saihesbidea eta AP-8 autobidean 3. erreia egiteko beharra defendatu du Labordak
Radio Euskadiko "Boulevard" saioan Cristina Laborda Irungo alkateak esan duenez, urteak behar dira errepideak egiteko, eta erabaki batzuk duela 20 urte hartu behar izan zirela kritikatu du.
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.