Abortuaz emandako hitza betetzeko eskatu diote milaka lagunek Rajoyri
Hauteskunde kanpainan Abortuaren Legea aldatzeko emandako hitza betetzeko eskatu diote milaka lagunek Mariano Rajoy Espainiako Gobernu presidenteari. Gainera, legea aldatu ezean, gizarteak erantzukizunak eskatuko dizkiola ohartarazi diote.
"Bizitza bakoitzak axola du" lelopean Madrilgo kaleetan barrena manifestazioa egin dute larunbat eguerdian. Manifestazioa Ruiz Gimenez biribilgunetik abiatu da eta jai-giroan egin dute Kolon plazara arteko bidea, PPren egoitza nagusia dagoen Genova kaletik igaro direnean, alabaina, PPren kontrako oihuak eta txistuak entzun dira.
Antolatzaileen esanetan, 1,4 milioi pertsonak parte hartu dute manifestazioan eta beste zenbait iturriren arabera, 60.000 lagun elkartu dira. Hala ere, Polizia Nazionalak azken kopuru hori gezurtatu egin du eta ez du zifrarik eman nahi izan.
Manifestazioaren amaieran, Benigno Blanco Familiaren Foroa elkarteko presidenteak abortua eta hori sustatzen duten legeak "deuseztatzeko" eskatu dio Mariano Rajoyren Gobernuari. Hala, egungo Abortuaren Legea indargabetzeko eskatu dio Gobernuari. "Gizarteak botoarekin saritzen jakingo du", eta egin ezean, manifestazio berriak deituko dituztela iragarri du.
Ildo horretan, martxoaren 14an abortuaren kontra eta bizitzaren alde egingo den manifestazioan parte hartzeko deia egin die herritarrei.
PPko hainbat parlamentarik parte hartu dute manifestazioan, eta baita Ana Botella Madrilgo alkate popularrak ere.
Zure interesekoa izan daiteke
Bost kilometrorainoko auto-ilarak sortu dira N-1 errepidean, Andoainen, bi ibilgailuk talka eginda
Bi erreietako bat itxita dago, eta, ondorioz, ilara luzeak sortzen ari dira zonaldean.
Senegalen hildako arrantzale lekeitiarraren familiak laguntza eskatu du gorpua aberriratzeko
Lekeitioko 45 urteko arrantzale bat hil zen duela sei egun Senegalen, Dakar inguruko uretan. Ordutik, haren familia zain dago gorpua aberriratzeko; izapide burokratikoen eta Senegalgo portuetako traben ondorioz, itsasontzian jarraitzen du gorpuak. Bermeoko ATUNSA enpresako langile bat zen.
Lagako hondartzako aparkalekua uda osoan egongo da zabalik
Hondartzaren inguruko ingurumena birsortzeko lanak udazkenera arte atzeratuko dira, Espainiako Gobernuaren Bizkaiko ordezkariordeak jakinarazi duenez.
Harrera-familiek ere kontziliaziorako laguntzak jasoko dituzte aurrerantzean
Seme-alabak edo mendeko senitartekoak zaintzeko langileak kontratatzen dituztenei edota eszedentzia edo lanaldi-murrizketa eskatzen dutenei ematen zaizkien laguntzak arautzen dituen dekretu berri bat onartu du Eusko Jaurlaritzak.
Lau urteko ume bat ospitalera eman dute, Bilboko Pagasarribide eskolan bero-kolpe izan ondoren
Ikastetxeko Guraso Elkarteak salatu du azpiegiturak zaharkituta daudela eta ez daudela prestatuta bero sapa hauei aurre egiteko. Esan dutenez, arazoa orokorra da Bilboko sare publikoko eskoletan.
Adimen artifizialaren lege berriaren hamar gako eta adibide
Ministroen Kontseiluak lege-proiektu bat onartu du teknologia horren erabilera gizartearentzat "etikoa, inklusiboa eta onuragarria" izan dadin bermatzeko.
Donostiako Udalak hondartzen denboraldia aurreratzea aztertuko du, egun hauetako erreskateen ondoren
Jon Insausti alkateak adierazi duenez, hondartza denboraldia lehenago hasi behar den aztertuko da, edo agian zerbitzu zehatz batzuk, gune puntual batzuetan, baina hori datorren urteko aurrekontuen araberakoa izango dela azpimarratu du. Halaber, seinaletika indartzearen eta megafonia zerbitzuak lehenago aktibatzearen alde agertu da, Saguesen, esaterako, "arriskutsuak izan daitezkeen korronte konplikatuak" daudelako.
77 urteko gizon bat hil da Donostiako Ondarreta hondartzan
Larrialdi zerbitzuek goizeko 10:30ak pasatxoan jaso dute abisua. Hondartzan zeuden hainbat herritarrek atera dute gizonezkoa uretatik, baina erreskate taldeek ezin izan dute ezer egin, haren bizitza salbatzeko.
Datorren urtetik aurrera Bero Plana maiatzaren 15era aurreratzea aztertzen ari da Eusko Jaurlaritza
Guillermo Herrero Eusko Jaurlaritzako Osasun Publikoko zuzendariaren hitzetan, "txipa aldatzen hasi behar dugu denok, eta pentsatzen, lehen uztailekoak edo abuztukoak ziren tenperaturak maiatza-ekainean izango ditugula".
Auto-ilarak deseginda, egoera bere onera itzuli da Artatzan goizean tuneletan izandako istripu baten ondoren
Moto batek istripua izan du tuneletan eta errei bat itxi behar izan dute BI-637 errepidean, Leioan, Bilborako noranzkoan eta 4 km-rainoko ilarak izan dira bertan. Motor gidaria zaurituta eraman dute erietxera. Arazoak izan dira N-1ean ere Tolosa parean eta Irunerako noranzkoan; autobus batek eta auto batek talka egin dute eta zauriturik ez badago ere, ilarak sortu dira.