'950 pertsona ginen itsasontzian, asko sotoan giltzapetuta'
Asteburuan Mediterraneoan hondoratu den itsasontzian 950 pertsona zihoazen, tartean 40-50 ume, bizirik erreskatatu duten Bangladeshko gizon baten arabera. Hasiera batean, 700 zirela zabaldu zen. Gizonezkoak Catania (Sizilia) hiriko Fiskaltzari eman dizkio datuok, bertara eraman baitituzte erreskatatutakoak.
Horren esanetan, ontzia Tripolitik 50 kilometrora dagoen portu batetik abiatu zen, Italiarantz. Etorkinetako asko itsasontziko sotoan giltzapetuta zihoazen, gizaki-trafikatzaileek behartuta.
Ezbeharra gauez gertatu zen, Carlotta Sami NBEren Errefuxiatu Agentziako (ACNUR) bozeramaileak azaldu duenez.
Italiako kostazainek ontzi bat arriskuan zegoela ohartarazten zuen dei bat jaso ostean, gertu zegoen King Jacob ontzi portugaldarrari hara bertaratzea eskatu zioten.
Ontzi hori gerturatu zenean, etorkinak "euren ontziaren alde batean bildu ziren, eta ontzia irauli eta hondoratzea eragin zuten".
Portugalgo ontziko lagunek uretan zeudenak erreskatatzeari ekin zioten orduan, eta Italiako kostazainak eta militarrak ere bertaratu ziren.
Orain arte, 28 etorkin erreskatatu dituzte. Ura ez dago oso hotz (17 ºC), eta, beraz, etorkin gehiagoren bila dabiltza oraindik.
ACNUR agentziak ohartarazi duenez, aurten 1.650 pertsona hil dira Siziliako itsasartea zeharkatzen, eta biktimen kopuruak gora egingo du segur aski; izan ere, Europar Batasuneko estatu kideek baliabide gutxi bideratzen dituzte etorkinak erreskatatzeko, eta, eguraldi onaren ondorioz, ugaritu egingo dira Libiako kostaldetik Italiarantz etorkinez beteta abiatzen diren ontziak.
Zure interesekoa izan daiteke
Albiste izango dira: hantabirusaren azken ordua, AEBk errefusatu egin du Iranen erantzuna eta Alejandro Gonzalez-Iñarritu Bilbon
Gaurkoan Orain-en albiste izango direnen laburpena, bi hitzetan.
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.