Espetxera, kamioilaria hiltzea egotzita atxilotutako ertzaina
Behin behinean espetxeratzeko agindua eman du epaileak aurreko ostegunean kamioilari bat tiroz hiltzea leporatuta atxilotu zuten ertzaina, gaur goizean deklaratu eta gero, Nafarroako Justizia Auzitegi Nagusiak jakinarazi duenez.
Ezbeharra 12:30ean jazo zen Leitzarango Autobidean, Donostiarako noranzkoan, Ertzaintzaren agenteak, antza denez bere arma batekin, kamioilariaren kontra tiro egin zuenean, buruan ere zaurituta. Kamioi gidariak Jesus Madrigal Burgos zuen izena (39 urte), eta Motrileko (Granada) bizilaguna zen.
Agentea (50 urte) Tiebasen (Nafarroa) bizi da eta "bigarren jarduera egoeran" zegoen Ertzaintzan; alegia, zerbitzua murriztua zuen gaixotasun fisiko batengatik eta, une horretan, Tolosara (Gipuzkoa) zihoan.
Epaileak autoan azaltzen duenez, badaude zantzuak ondorioztatzeko akusatuak biktimaren kontra tiro egin zuela, 9 milimetroko kalibreko arma batekin, eta kamioilariak ez zuela armarik.
Akusatuak, beti ere epailaren arabera, biktimaren burua apuntatu eta balak aurpegiko eskuinaldean jo zuen, beheko masailezurraren kontra, eta garondotik atera zen; hori dela eta, heriotza eragin zion eta, epailaren arabera, hilketa delitua da, azpikeriaz egin izanaren larrigarriarekin.
"Argi dago gertatutakoaren egilea dela eta atxilotuak berak onartu egin du", gaineratu du epaileak. Halere, tiroa "ez zuen nahita egin, nahigabe tiro egin zuen armak", esan du agenteak.
Poliziak, lanean, tiroketa gertatu zen lekuan. Irudia: EFE
Aldiz, epailaren ustean, ertzainaren bertsioa "ez da sinesgarria, logikaren ikuspuntutik eta esperientziaren arabera". Gainera, gertatutakoa ikusi zuten zenbait lekukoek, edo gertatu eta segundo batzuetara bertan izan zirenek, ukatu egin dute.
Lekuko horiek guztiek -dio epaileak- Poliziari esan ziotenez, atxilotua "etsita baina lasai, inolaz ere urduri" ikusi zuten eta tiroketa "hildakoari hitzik esan gabe" gertatu zen.
Gainera, epailaren esanetan, agenteak onartu egin du autotik atera zenean arma eskuan zeramala eta kamioilaria hurbildu zitzaionean, gertu zeudenean, pistola altxatu, bi eskuekin heldu, biktimaren burua apuntatu eta tiro egin zuela.
"Pistola bat soinean eramate hutsa, bala errekamaran izanda, trafiko eztabaida soil bategatik atera eta armarik gabeko pertsona baten burua apuntatzeak erabat baztertzen du zuhurtziagabekeriaz jardun izana", ebatzi du epaileak.
Gainera, epailearen idazkiaren arabera, "erabat beharrezkoa da" espetxeratzeko neurria hartzea, gertakariak "oso larriak" direlako, 15-20 urteko espetxealdia ekar baitezakete.
Biktimaren hileta, Motrilen
Jesus Madrigal Burgos kamioilariaren aldeko hileta elizkizuna igande arratsaldean egin dute Motrilgo Divina Pastora elizan, bertako bizilaguna baitzen.
Hildakoaren inguruko iturrien arabera, atzo 19:00ak aldera heldu zen kamioilariaren gorpua (Comotrans enpresako langilea) Motrilgo beilatokira, autopsia egin eta gero.
Zure interesekoa izan daiteke
Gizon batek bikotekidea hil du Pontevedran eta bere buruaz beste egin du ondoren, atxilotu aurretik
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen aritu da arratsalde osoan, entregatu zedin, baina bere buruaz beste egin du azkenean.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.