Ugartekok gezurretan aritzea egotzi die tiro egin izana ukatu zutenei
'Ugarteko' deritzon ertzainburuak Iñigo Cabacas hil zutenean tirorik bota ez zutela esan zuten hainbat lankideei gezurretan aritzea leporatu die, eta are gehiago, tokian bertan zegoen arduradunak gaizki jokatu zuela adierazi du.
Ia 5 orduko deklarazioan, lekuko gisa, alde guztien galderei egia erantzun behar izan die ertzainburuak.
Ugartekok argitu du Deustuko ertzainetxetik emandako aginduak eman zituela Maria Diaz Haron zegoen buruak ez zuelako behar bezala jokatu.
Ertzainburuaren lekukotzak epaileak hasieran ukatutako inputazio berri gehiago ekar dezakeela uste du defentsak. Orain arte 4 agente inputatu daude, tiro egiteko agindua bete izana aitortu dutenak.
Iñigo Cabacasen lagun eta senideek kritikatu dute Segurtasun sailak erantzukizunak argitzeko batere neurririk hartu ez izana.
Gertakaria
2012ko apirilaren 5eko segurtasun operazioaren arduraduna izan zen 'Ugarteko'. Egun horretan, Athleticen garaipen bat ospatzen ari zen gazteak Ertzaintzaren pilotakada bat jaso zuen buruan, eta lau egun geroago hil zen, ospitalean.
Polizien arteko grabazioek agerian utzi zutenez, 'Ugarteko'k oldartzeko agindu zien agenteei, nahiz eta "egoera lasaia zen eta kontrolpean zegoen", bertaratu ziren ertzainen iritzian. Hain zuzen ere, borroka bat egon omen zelako joan ziren poliziak bertara.
Lehen oldarraldia egin ostean, ertzainek esku hartzeko arrazoirik ez zegoela berretsi zioten ertzainburuari, baina horrek eutsi egin zion aginduari: "Errepikatu egingo ditut aginduak, argi gera daitezen: sar zaitezte kalezuloan daukagun guztia erabilita, sar zaitezte Herriko Tabernan".
Cabacas Liceranzu sendiaren abokatuak, Jone Goirizelaiak, hainbatetan eskatu du 'Ugarteko' deklaratzera deitzea.
Iñigo Gogoan plataformak elkarretaratzea egin du gaur goizean Bilboko epaitegiaren aurrean, eta Iñigo Cabacasen heriotza eragin zuen operazioaren aginduak 'Ugarteko'k eman zituela gogorarazi du. Halaber, Ertzaintzaren eredua aldatzeko deia egin du.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.