Gomazko ahateen estropadak horiz jantzi du Bilboko itsasadarra
Hirugarren urtez, plastikozko ahateek bete dute gaur Bilboko itsasadarra, izan ere, tradizio bihurtu den "estropatada" edo ahate lasterketa solidarioa egin dute Bizkaiko hiriburuan. Ekitaldia bertatik bertara ikusteko ehunka lagun bertaratu dira Bilboko itsasadarraren bazterretara.
Walk On Project (WOP) fundazioak antolatu du "estropatada" deiturikoa eta bertan bildutako dirua gaixotasun neurogeneratiboak ikertzeko erabiliko dute. Walk On Project fundazioa Mikel Rementeria musikariaren eta haren emazte Mentxu Mendietaren ekimena da, eta horren helburua epe laburrean aplikatzeko moduko gaixotasun neurodegeneratiboei buruzko ikerketa proiektuak finantzatzea da.
Aurten, suziria botata askatu dituzte 35.000 ahateak beira birziklatzeko edukiontzietatik Bilboko itsasadarrera.
Deustuko zubitik Bilboko Itsas Museora bitarteko bidea egin dute ahateek piraguan zihoazen WOP fundazioko boluntarioak ondoan zituztela. Behin estropada eta sari banaketa ekitaldia amaituta, egun osoko festa egiten ari dira Bilboko Itsas Museoaren inguruetan eta magiaz, sukaldaritza eskolez eta musikaz gozatzeko aukera izango da.
Ahate bakoitzak geolokalizatzaile bat dauka jabeek uneoro ahatea non dagoen jakin dezaten. Ahate bakoitzaren truke 5 euro ordaindu behar izan dituzte eta 24 ikastetxetako ikasleek izan dute horiek apaintzeko ardura.
Albiste gehiago gizartea
TVEko kazetari bat jazarri dute Torre Pachecon, Pedro Sanchezen aurkako irainen artean
TVEko kazetari bati Poliziak lagundu behar izan dio Torre Pachecon, hainbat pertsonen jazarpenagatik. Bildutakoek "Pedro Sanchez, puta semea!" oihukatzen ari ziren.
Sopelako eta Urduñako hainbat igerileku itxi dituzte, uretan gorotzak agertu direlako
Zikinkeria horren jatorria sare sozialetan zabaldu eta birala egin den erronka batean dago. Uda hasi denetik dozenaka igerileku itxi dituzte Estatuan, arrazoi beragatik.
Istilurik gabeko gaua Torre Pachecon, baina tentsioak jarraitzen du ultraeskuindarren deialdi berriengatik
Ultraeskuindarrek kontzentrazioa deitu zuten atzo, baina ez zen istilurik izan, poliziaren presentziagatik. Deialdi berrien aurrean segurtasuna indartu dute. Hainbat hedabidetako kazetariek ehun bat ultraren jazarpena sufritu dute.
Donostiako Udala salatu dute Xabi Alonsoren txaletaren eraikuntzan prebarikazioa egin dutelakoan
Haritzalde eta Ekologistak Martxan elkarteek salaketa jarri dute Gipuzkoako Fiskaltzaren aurrean Donostiako Udalaren aurka, futbolari ohiaren txaletaren obretan Igeldon sarbide mugatu bat erabiltzea baimentzeagatik.
Albiste izango dira: Karmen Eguna, Torre Pacheco eta Sitgesko zinema jaialdiaren aurkezpena
Gaurkoan albiste izango direnen laburpena, bi hitzetan.
Guardia Zibilak talde ultren manifestazioa geldiarazi du Torre Pachecon
Dozenaka pertsona zeuden bilduta “Herriak bakarrik salbatzen du herria” lelopean.
Donostiako Piratek Aste Nagusi herrikoi eta anitza prestatu dute, musika, joko eta abordatze tradizionalarekin
Donostiako Piratek omenaldia egingo diote Donostiako Pentsiodunen Mugimenduari, haiek izango dira abuztuaren 9tik 17ra jaietako astea ofizialki irekiko duen txupinazoa botako dutenak.
2025eko Sanferminetan 1,6 milioi pertsona bildu dira jai giroan eta istilu gutxiagorekin
Iruñeko Udalak oso positibotzat jotzen du errespetuzko giroak, delituen murrizketak eta jarduera askotan parte hartzearen igoerak markatutako jaien garapena.
Espetxera Ordizian lau ertzaini eraso egiteagatik atxilotutako bi pertsonetako bat
Tolosako epaitegi batek behin-behineko espetxealdia ezarri dio, agintaritzaren aurkako atentatua eta lesio delitua egotzita. Aldiz, atxilotutako bigarren gizona aske geratu da, kautelazko neurririk gabe.
Espetxera bidali dute Torre Pachecon gizon bati egindako erasoarekin lotura duelakoan Errenterian atxilotutako gizasemea
Ertzaintzak astelehenean atxilotu zuen Errenterian, Irunerako trena hartzera zihoala, antza denez, muga zeharkatzeko asmoz.