Delitu kopuruak behera egin du EAEn, modu "oso esanguratsuan'
2014an behera egin du Euskal Autonomia Erkidegoan (EAE) salatutako delitu kopuruak, eta "oso modu esanguratsuan" (% 5,23) egin du gainera, Juan Calparsoro EAEko fiskalburuak azpimarratu duenez. Delitu gehienek behera egin badute ere, bada salbuespen bat: administrazio publikoaren kontra egindakoak, % 206 igo baitira.
2014. urteari dagokion Fiskaltzaren Memoria aurkeztu du Calparsorok prentsaurrekoan. Beherakada "oso esanguratsu" hori ondasunaren kontrako delituetan ere atzeman da (honek biltzen ditu delitu gehien).
Aipagarria da administrazio publikoaren kontrako delitu kopuruak izandako hazkundea: 2013an 66 kasu izan ziren, eta 202, iaz. Prebarikazioa, ustelkeria, diru publikoaren bidegabeko eralgitzea edota funtzionarioei desobeditzea daude horien artean. Zehatz esanez, 29 prebarikazio kasu egon ziren iaz (2013an, 17), eta diru publikoa bidegabe eralgitzeagatik 27 auzi zenbatu dituzte (duela bi urte, lau izan ziren).
Krisi ekonomikoaren ondorioz, seme-alaben pentsioa ez ordaintzeagatik irekitako espediente kopuruak ere gora egin du, % 6,91, hain justu. Horrez gain, adingabeen kontrako delituak jaitsi egin dira, baina etxe barruko indarkeriari lotutakoak % 14 igo dira (2014an 163 izan ziren; 2013an, 142).
Orokorrean, behera, "oso modu esanguratsuan"
Calpasororen esanetan, iaz 109.468 izapide abiatu zituzten EAEko epaitegiek; 2013an, 115.520. Horrek agerian utzi du, haren hitzetan, delitu kopuruek urtez urte azaleratu duten beheranzko joera.
Lurraldeka, 19.471 delitu salatu ziren Araban; 33.418, Gipuzkoan, eta 56.579, Bizkaian.
Zure interesekoa izan daiteke
Eric Courdyren heriotzagatik auzipetutako boxeolari ohiak barkamena eskatu eta bere gain hartu du hilketa
"Egindakoa onartzen dut eta barkamena eskatzen diot biktimaren familiari", esan du lehen saioan. 09:00etan hasi dira Verin epaitzen, hilketa gertatu zenetik ia bi urtera.
34 urteko gizon bat atxilotu dute Iruñean, sexu-erasoa egotzita
Atxiloketa Nafarroako hiriburuko Udaltzaingoak egin zuen, igandeko lehen orduan.
Maialen Mazonen hilketaren epaiketa martxan da, herri-epaimahaia hautatuta
Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena. Zehazki, 25 urte azpikeriaz eta ankerkeriaz egindako hilketagatik, hamasei urte bi abortu delituengatik (bikiez haurdun zegoen, zortzina urteko zigorra ezarri nahi diote) eta 4 urte adingabea abandonatzeagatik.
Datorren ikasturtean Lanbide Heziketako 74.963 plaza eskainiko dira EAEn, inoiz baino gehiago
Berrikuntza gisa, Lanbide Heziketako plazen % 50 emakumeentzat gordeko dira 2026-2027 ikasturtetik aurrera.
Lehiaren Euskal Agintaritzak isunak jarri dizkie eskola garraioko 31 enpresari, Hezkuntza Sailari boikota egiteagatik
2023-2024 ikasturterako lehiaketan, Gipuzkoako ibilbideak baino ez ziren esleitu. Horregatik, Eusko Jaurlaritzak agindu bat argitaratu zuen, aurretik Bizkaian eta Araban esleipendun izan ziren enpresak zerbitzua betetzera behartzeko.
Aldentze aginduen inguruan zeukan protokoloa aldarazi zion Ertzaintzari Maialen Mazonen hilketak
Maialen "arrisku handiko" biktima zen indarkeria matxistarekin lotutako kasuak aztertzen dituen Estatuko VioGen sistemaren arabera. Ertzaintzak, ordea, "arrisku txikiko" biktimatzat jo zuen. Antza denez, Polizia Nazionalaren VioGen sistemako eta Ertzaintzaren EVA sistemako artxiboak ez zetozen bat. Bestalde, Ertzaintzak berak kasuaren inguruan egindako balorazioak ere huts egin zuen.
2025ean 13.297 haur jaio ziren EAEn, 2024an baino %2,8 gehiago
2025eko azken hiruhilekoan, 3.438 jaiotza izan ziren Euskal Autonomia Erkidegoan, hau da, iazko aldi berean baino % 6,1 gehiago, Eustaten datuen arabera.
Bi pertsona atxilotu dituzte Donostiako Herrera auzoko pabiloi batean izandako suteagatik
Sua goizaldean piztu da, Zardoya fabrika zaharreko gela batean. Ondorioz, lau pertsona zauritu dira eta horietako bat Donostia Ospitalera eraman dute. Hiru lagun tokian bertan artatu dituzte, kea arnasteagatik. Lehen ikerketen arabera, sutea nahita piztu dute.
Leioak gauerdira arte luzatu du TAOaren ordutegia
Udalbatzak erabaki hori hartu du arratsalde-gauean Leioako hiru TAO guneetan (Pinueta, Lamiako eta Ibaiondo) aparkatzeko arazoak izaten direlako, Getxoko bizilagun askok hor uzten dutelako autoa.
Auto-ilarak AP-8 autobidean, Basaurin, Donostiarako noranzkoan, istripu baten ondorioz
Ezbeharrak trafiko-arazoak sortu ditu AP-8ko hainbat puntutan, bereziki Malmasingo tuneletan.