Osakidetzak gripearen aurkako 380.000 txerto banatuko ditu
Datorren astelehenetik aurrera gripearen kontrako 380.000 txerto banatuko ditu Osakidetzak. Kanpainak 1,2 milioi euroko kostua izango du aurten, 3,15 euro txerto bakoitzeko.
Kanpaina Bilbon aurkeztu du gaur Jon Darpon Eusko Jaurlaritzako Osasun sailburuak. Kanpaina azaroaren 30era arte luzatuko da. EAE gripearen aurkako txertaketa hasten duen aurreneko erkidegoa izango da.
Gripearen birusa aurreko urteetakoaren oso antzekoa izango dela azaldu du Darponek. Horrela, txertoak A motako bi andui eta B motako beste bat izango ditu.
Iaz 65 urtez gorakoen % 60k txertoa jaso zuten eta emakume haurdunen % 22k, 2013an baino lau aldiz gehiago.
Jon Darpon Osasun sailburua txertaketa-kanpainaren aurkezpenean. Argazkia: EFE
Osasun sailburuak mezu argia zabaldu nahi izan dio euskal gizarteari: "Oso garrantzitsua da gripearen kontrako txertoa hartzea. Txerto segurua eta eraginkorra da, eta larria den gaixotasun horri aurre egiteko gaur egun dugun prebentzio tresna nagusia da".
Iragarri duenez, aurtengo kanpaina ere 65 urtetik gorako pertsonei, gaixotasun kronikoak dituztenei, haurdun dauden emakumeei eta osasun langileei dago zuzenduta.
Osasun sisteman arreta handia eskaini behar izaten zaio urtero gripeari, eta arazo larriak eragiten dizkie ahul dauden pertsonei; izan ere, kasu batzuetan hil ere egiten du.
Jakitera eman duenez, iaz gripeagatik larri ospitaleratu zituztenen hamarretik lauk ez zuten txertoa jarri eta "ziurrenik, jarri izan balute, askok saihestu egingo zituzketen ospitaleratzea eragin zuten arazoak".
Aurreko gripe denboraldian gaixotasunak eragindako arazoak zituzten 17 pertsona hil ziren ospitalean, eta % 35ek ez zuen txertoa jarri.
Datu horiek agerian uzten dute prebentzioaren garrantzia eta, txertoaz gain, Osakidetzak berretsi du higienearekin lotutako neurriak ere errespetatu behar direla: eskuak askotan garbitzea eta behin bakarrik erabiltzen diren mukizapiak erabiltzea.
Gripearen kontrako txertoak gaixotasuna % 100ean saihesten ez badu ere, sintomak gutxitzen ditu neurri handi batean. Hau da, bakunak infekzioa galarazten du kasu askotan eta, gainerakoetan, gaixotasunaren larritasuna murrizten du.
Zure interesekoa izan daiteke
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.