Iragarle faltsu bat atxilotu dute Donostian, iruzurra egotzita
Ertzaintzak gizonezko bat atxilotu zuen asteartean, Donostian, iragarlea zela esan, eta bezero bati iruzurra egiteagatik. Hain zuzen, Azpeitiko bizilagun bati 23.500 euroko iruzurra egin zion. Atxilotutakoak aurrekari penalak zituen, antzeko beste delitu batzuengatik.
Segurtasun Sailak jakitera eman duenez, azaroan abiatu zuten ikerketa, Azpeitiko herritar batek jarritako salaketaren ondotik. Antza, egunkari batean iragarkia ikusi ondoren joan zen ustezko iragarlearen kontsultara. Zor bat kobratzeko arazoak zituen, eta hori dela eta erabaki zuen kontsulta horretara joatea.
Antza, bere arazoa azaldu ondoren, iragarle faltsuak erritual bat egitea agindu zion; 23.500 euro pote batean sartu eta pote hori zigilatzeko eskatu zion, hori eginda galdutako dirua berreskuratuko zuela aginduz.
Bezeroaren deskuidu bat aprobetxatuta, iragarle faltsuak potean zegoen dirua hartu, eta horren lekuan egunkari zatiak sartu zituen. Etxera joan eta potea hurrengo egunera arte ezin zuela zabaldu esan zion. Esandakoa egin, eta biharamunean potea zabaldu zuenean, iruzur baten biktima izan zela ohartu zen azpeitiarra. Salaketa jarri zuen Ertzaintzaren komisarian.
Donostiako etxebizitza bateko logela alokatu zuen iruzurgileak bezeroak hartzeko, baina Ertzaintzak ez zuen bertan topatu. Atzo arratsaldean aurkitu zuten, beste leku batean, eta preso hartu. 35 urteko gizonezkoak aurrekari penalak zituen, antzeko delituengatik.
Albiste gehiago gizartea
Protestarako deia egin dute Yala Nafarroak eta BDZ Nafarroak, Israel taldea Vueltan aritzearen aurka
Vueltako hainbat etapatan antolatutako protesta ekintza baketsuekin bat egingo dute Yala Nafarroa plataformak eta BDZ Nafarroa mugimenduak. Izan ere, Vueltako pelotoia Nafarroan barrena ibiliko da datorren asteartean, Sendavivan hasi eta Larra-Belaguan amaituko den hamargarren etapan.
Bilboko Aireportuko suhiltzaileen kamioi bat Sondikako haur-parke batera erori da
Eusko Jaurlaritzako Segurtasun Sailak jakinarazi duenez, ezbeharra 06:20 aldera gertatu da, eta ez da inor zauritu. AENA enpresa publikoa istripuaren nondik norakoak aztertzen ari da, suhiltzaileak ere kudeatzen baititu.
212 urte, Ingelesek eta Portugaldarrek Donostia erre zutenetik
Urtero legez ekitaldi ugarirekin oroitu dute gertakaria. Goizean, esaterako, Donostiako Udalak lore eskaintza egin du Itxas atean goizeko elizkizunaren ostean, 1813 hartan hil ziren donostiarren omenez.
Suteen okerrena igaro da: Espainia alerta eta jarraipen fasera igaro da
Amaitutzat jotzen da Espainiako historia hurbilean baso-suteen gertakaririk tragiko eta suntsitzaileenaren faserik zailena: 300.000 hektarea baino gehiago erre dira, lau lagun hil dira eta 48 zauritu.
Palestinari elkartasuna adierazi diote Bilbon
Ongi Etorri Errefuxiatuak elkarteak bilkura egin du Bilbon. Palestinako herriari babesa adierazi diote bertan, eta haren aldeko aldarrikapenak egin dituzte.
Etxauriko gainean, Ziritzan, piztu den sutea kontrolpean dago
Haizeak sua bizitu duen arren, ez da arriskutsua izan inguruko etxebizitzentzat, nahiz eta Na-700 errepidea itxi behar izan duten bi noranzkoetan.
Mozkortzearen ondorioak simulatzen dituen alkoholik gabeko lehen garagardoa sortu dute
Erresuma Batuko laborategi batek mozkorturik egotearen efektua lortzen duen alkoholik gabeko lehen garagardoa egin du: Sentia Spirits. Ondoezak ez du luze irauten, edan eta hogei minutu edo ordu erdira desagertzen baita horren eragina, eta ez du biharamunik uzten.
Irailarekin batera, neguko ordutegiak itzuliko dira garraio publikora eta TAO zerbitzura
TAO zerbitzua ohiko ordutegietara itzuliko da udan ezarritako aldaketen ondoren. Itzulera hiriko trafikoaren gorakadarekin eta lan-jardueraren gorakadarekin bat dator.
Emakume bat hil eta hiru pertsona zauritu dira Lemoan izandako auto-istripu batean
Ezbeharra 01:40 aldera gertatu da. Ertzaintzak ikerketa abiatu du gertatutakoa argitzeko.
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.