Bilboko Karmelo auzoko osasun-zentro berria inauguratu dute
Bilboko Karmelo auzoko osasun-zentro berria inauguratu dute Iñigo Urkullu lehendakariak, Juan Maria Aburto Bilboko alkateak eta Jon Darpon Osasun sailburuak. Zentro berriak 12.500 auzotarri baino gehiagori emango die zerbitzua.
Osasun-etxe berriak zentro zaharra ordezkatuko du: 1974an jarri zuten martxan lehen osasun-zentroa auzo horretan, eta Santutxu eta Boluetako 30.000 auzotar baino gehiago artatu zituzten bertan. 1999an, Sagarminagako osasun-etxea ireki zuten, eta Karmelon artatzeko biztanle kopurua murriztu zen. Nolanahi ere, zaharkituta zegoen, eta horregatik egin dute eraikin berria.
Zentro berriak 900 metro karratuko azalera du (aurreko zentroaren bikoitza), hiru solairutan banatuta, eta bi milioi eurotik gorako inbertsioa behar izan du.
"Osakidetzaren indar handienetakoa betiere izan da irits-erraztasuna, Euskadiko hiri, herri eta auzo bakoitzean baititu osasun-zentroak; horiek horrela, beharrezkoa da pertsonen zerbitzurako azpiegitura sanitarioetan inbertitzen jarraitzea, Osakidetza osasun-sistema publikoa eta kalitatekoa, egunerokoan euskaldunen uste ona duen sistema bat, izaten jarrai dezan", esan du Urkulluk bere hitzaldian.
Era berean, lehendakariak iragarri duenez, 2016an EAEko hiru lurraldetan zabalduko dira osasun-zentro berriak; besteak beste, Bilboko Miribilla auzoan eta Zornotzan zabalduko dituzte hurrengoak, gaur iragarritakoaren arabera.
Zure interesekoa izan daiteke
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.
Osakidetzak markak hautsi ditu: 34 transplante egin dituzte azaroan Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabetean, eta arlo horretan Estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.